Is 51:6 - Chuj San Sebastian Bible

⁶ Q'uen̈ec q'ueln 'a satcha'an̈, tzex 'emx q'ueln 'a sat lum tic: A satcha'an̈, 'oj sat 'ejm 'icha tzyac' te tab'. Ax lum lum tic, 'oj 'ichmaxc lum 'icha tzyac' junc pichul. 'Ichan̈ej tz'aj scham no 'us, 'ixta 'oj 'aj scham eb' 'anma cajn 'a sat lu'um. Palta ax colnb'il tzwac'a, 'ayc'n̈ej 'a jun 'ejmn̈ej, a 'in tojlal may slajub'.

Chuj San Mateo Bible

⁶ Q'uean̈ec q'uelan d'a satchaan̈, tzex empax q'uelan d'a sat luum tic. A satchaan̈ chi', ol satem icha satem te' tab', axo sat lum tic, ol c'ab'oc icha sc'ab'i junoc pichul. A eb' anima cajan d'a sat lum tic, ol satel eb' icha satel noc' us. Palta a colnab'il svac'a' ay d'a juneln̈ej. A in tojolal malaj slajvub'.

Is 51:6 Referans Kwoze

Mt 24:35

'Oj lajwc 'ec' satcha'an̈ yet' yolyib'n̈q'uinl tic, ax in paxti', may b'a'n̈ 'oj lajwc 'eq'ui.

Is 34:4

Smasnil c'anal 'ay 'a satcha'an̈, 'oj tzicb'tan̈x 'a yet'ul, ax satcha'an̈, 'oj chulxocb'e'n 'icha junc ch'an̈ u'un̈. 'Oj cot smasnil c'anal, lajn 'oj 'aj eb' yem 'icha tz'aj stacj 'el xil te uva, tzpuc 'ejm 'a yich, mto 'icha tz'aj yem sat te 'awb'ente 'a yich.

Is 51:8

Yujto 'oj lajwc 'ejm eb' 'icha junc pichl 'aych yijal, mto 'icha junc lana pichl tzc'ux lajwc no 'ij cha. Palta a 'in tojlal yet' in colwal, 'ayc'n̈ej 'a smasnil tiempo, xchi Dios.

Is 13:13

An Jehová in tztac' wuj smasnil, 'oj in tzicb'tan̈c satcha'an̈, ax lum lu'um, 'oj 'ib'xoc lum 'a yet'l yuj yowl in c'ojol. Caw wal 'oj niwtjoc scot wowl 'a jun c'u cha.

Apoc 20:11

Xlajw cha, xwiln jun wocn 'ejm 'a jun niwquil despacho caw sac. Ax 'a yojltac, ata 'ix satl yolyib'n̈q'uinal, yet' satcha'an̈. Man̈x 'a 'aj 'ix 'ilchj jac sc'ajil.

Is 40:26

Q'uen̈ec q'ueln 'a satcha'an̈, ¿tom man̈oc Dios xb'on smasnil jun tzo'n̈ cha? A xb'on 'och junjn eb' c'anal 'a yet'ul. Tzb'isn smasnil junjn c'aj eb', tz'awtx sb'i junjn eb' yu'uj. May junc eb' tzsati, yujto caw niwn yel'ch Dios chi yet' spoder.

Dt 4:19

A yic tzex q'ue q'ueln 'a satcha'an̈, tzeyiln q'ue c'u, 'uj, c'anal yet' smasnil tas 'ay 'a satchan̈ cha, xeya't wal somchjoc e nab'en yic tzeyaln e b'a 'a jun tzo'n̈ cha, yujto a Jehová qui Diosalec, a b'ojnac jun tzo'n̈ cha, sec tz'och swach'loc smasnil chon̈b' 'ay 'a sat lum lum tic.

Dn 9:24

'Oj 'ec' 70 seman 'a yib'n eb' et israelal, yet' 'a yib'n̈ jun a chon̈b' to yicn̈ej Dios yaji, masnto 'oj lajwc 'ec' tenmtaquil yet' maysch'olnilal, ax yajx lajwc smasnil mul. Atta 'oj jawc jun tojl b'eyb'al 'a jun 'ejmn̈ej. A yic cha, 'oj 'el'choc tas 'ilb'il yuj eb' schecb' Dios 'a waychil, yet' tas alb'il can yuj eb'. 'Ixta to b'i'an, ax yajx 'och yopiso jun sic'b'il 'el yuj Dios.

A Ch'an̈ Carta D'a Eb' Hebreo 9:15

Yuj cha, a Jesucristo tz'a'n 'el'choc jun 'ac' trato cha. A yic xchami, 'ix ya'n can lajwc smul eb' 'ayc' 'a yol sc'ab' jun b'ab'l trato. Yuj cha, an̈ec 'awtb'iln̈ec yuj Dios yico'oc, tztac' quica'an jun 'aj ya'jnac can sti', atn qui q'uinlec 'a jun 'ejmn̈ej.

Is 50:9

A Jehová Wajlil a tzcolwj wet'oc. ¿Mach 'oj stac' ya'n 'och junc tas 'a wib'an̈? Smasnil eb' 'ajc'ojl yajch 'ayin, c'uxn 'oj lajwc 'el eb' 'icha junc 'ichm pichl 'ayx 'och 'ij 'a 'a.

Is 45:17

Ax pax an̈ israel on̈ tic on̈, caw ach 'oj on̈ a colnc 'el 'a jun 'ejmn̈ej on̈, man̈x 'a cab' b'a'n̈ 'oj quijx 'ejm on̈, man̈x 'a pax cab' b'a'n̈ 'oj qui q'uixw can pax 'el on̈.

A Ch'an̈ Carta D'a Eb' Hebreo 9:12

'Ochnc xo Cristo 'a jun Lugar to cojn Dios 'ay yico'. Palta man̈oc schic'l no quelm chiwo, no quelm wacx ya'jnac xajmb'alil. Caw a schic'l ya'jnac xajmb'alil. Yuj cha, yochcn c'och ta 'a jun 'ejmn̈ej. Ya'jnac ganar qui colnb'ilec 'a jun 'ejmn̈ej.

2 Ts 2:16

A Cajlil Jesucristo yet' qui Mam Dios, caw 'ay schamc'ojlal 'ayn̈ec. Yuj wal swach'c'ojlal, tzya'n sniwnal qui c'ojlec 'a smasnil tiempo. Tzya'n pax ca'c 'och swach'l chi yipc qui c'ojol.

Jn 5:24

Wal yel tzwal 'ayex, a eb' tz'ab'n in paxti', tzya'n 'och eb' sc'ojl 'a jun checjnacn coti, atn eb' chi 'ay sq'uinl 'a jun 'ejmn̈ej. Man̈x 'oj 'at eb' 'a yailal, yujto tox 'ix 'el eb' 'a yol sc'ab' chamel, 'ix schaj eb' sq'uinal.

A Ch'an̈ Carta D'a Eb' Hebreo 5:9

Ax yic 'ix tz'acw 'el'chi, 'ix 'ajx yopiso ya'n colnb'il 'a jun 'ejmn̈ej, 'a smasnil 'anma tzchan 'ab'noc tas tzyala.

Salmos 103:17

Palta a schamc'ojlal Jehová, may slajb' 'a 'ayn̈ to yiclum on̈c 'a 'a. A swach'c'ojlal 'ayc'n̈ej 'a yib'n̈ quin̈tlec b'aq'uin̈;

Is 33:6

'Oj ac' ste'nal eb', sjelnal eb', yet' snab'en eb'; a jun tzo'n̈ chi 'oj colnc 'el eb', ax yoch eb' yiclumal 'ayach, 'icha to 'oj 'och eb' ricoal o'oj.

Is 54:10

An Jehová in, caw yel tz'o'ch in c'ojl 'ayach. Wach'xam 'oj jelmjoc eb' lum niwc witz tic 'a yet'ul, ax scot eb' lum tzaln c'acpil, palta a 'in chamc'ojlal 'ayach, may b'a'n̈ tzjelmji, may pax b'a'n̈ 'oj in ju in trato b'ob'il wuj et'oc, yuj cha, 'ay junc'ojlal 'a qui cal, xchi Dios.

Salmos 111:3

Sja'l wal yilx tas b'ob'il yu'uj, tzwetzwni yilxi, ax stojlal 'ayc'n̈ej 'a smasnil tiempo.

Is 54:9

'Icha wal wutjnac wa'n in ti 'a win Noé yic ya'n owl yaxn̈ab', sec man̈x 'oj yac' jun chi jun 'ejm xo, 'ixta pax tzwutj wa'n in ti 'aych ticnec. Man̈x 'oj cot wowl 'ayach, man̈x 'oj ach in tumoc.