Biblia Todo Logo
Bib sou entènèt

- Piblisite -




Is 51:20 - Chuj San Sebastian Bible

20 Tox x'el yip eb' eyunnal, 'ix can eb' 'a ch'an̈yal 'icha tzyac' no c'ultquil chej. Telctac tz'ajcn eb' scham 'a 'aj tzchaj sb'a caye, lajwnac eb' yuj yowl sc'ojl Jehová, yujto a tz'a'n cuenta eb'.

Gade chapit la Kopi

Chuj San Mateo Bible

20 Toxo ix el yip eb' eyuninal, toxo ix telvi eb' icha noc' c'ultaquil chej scan d'a ch'an̈ yaal. Toxon̈ej ix can teljab' eb' d'a schiquintac calle, yujto ix yab' val syail yoval sc'ol Jehová e Diosal eb', yuj scachji eb' yuuj.

Gade chapit la Kopi




Is 51:20
27 Referans Kwoze  

a eb' cha, yowlal 'oj jawc jun niwn yailal 'a yib'n̈ eb' yuj Dios. 'Icha junc yal uva tzjaw sti', caw ow, may jac a 'ay't 'a scal, 'ixta wal yowl sc'ojl Dios 'oj yac' 'a eb'. Caw wal ow si'mb'il. 'Oj yab' eb' syal 'a scal c'ac' yet' azufre 'a yojltac eb' yángel Dios, yet' 'a yojltac jun tzcuch Calnelu.


A jun tzo'n̈ xajmb'al 'oj in b'o cha, 'oj wac' schi e no xepual eb'. Caw 'oj b'ut'joc e no si'mb'il, ax wa'n yuc' e no schic'l eb', 'oj q'ue 'a sjolm e no', 'icha xo 'u'm 'an̈ 'oj 'aj e no yu'uj.


'Icha to 'oj wa't 'in ch'an̈ yal 'a yib'an̈, ax scan 'a yojol. 'Oj wi' cot 'a Babilonia tic, ax 'a tic 'oj in b'eyc'ojloc, yujto tenmtac xyutj sb'a 'ayin.


An xo 'oj wa't in ch'an̈ yal 'a yib'an̈, ax scan 'a yojol, ax yijx cot 'icha presoal 'a Babilonia tic, atn lum slum ewin caldeo. Palta ma'oj yil xon jun chon̈b' tic, a pax a tic 'oj chamoc.


A eb' quelm caw 'ay yip, 'ix 'ajx 'och eb' chenoc, ax eb' quelmtac 'unin, 'ix laj telw eb' 'a yaln̈ sc'atzitz.


A eb' quelmtac winc 'a chon̈b' Sión, yel xo wal nib'b'il eb' 'a yib'n̈ q'uen oro caw wach', ax ticnec, lajn xoj tz'aj eb' yixtx 'icha junc lum chen ton̈j b'al b'ob'il yuj junc tz'acum.


'Ix cob' qui c'an scolwal jun tzo'n̈ xo nacion̈ 'aych quet' 'a calni, palta ton̈j on̈ yixtj paxti eb' on̈. A eb' ya'mal 'och qui ti 'a Dios yet' eb' yichm wincal chon̈ab', 'ix laj 'elt eb' cob' say jac tas tzc'ux 'a yol caye, palta ax x'aji, xlaj chamcn eb' ta'.


Caw wal najt xyijcan 'el Cajlil eb' 'anma caw jeln on̈ scoln on̈. Ax eb' soldado 'ajc'ojl yajch 'ayn̈ on̈, a eb' xyij coti, sec tzlajw 'el smasnil eb' qui soldado caw jeln on̈ scolni. An̈ 'aj Judá on̈ tic on̈, on̈ te'x can 'ejm yuj Cajlil 'icha tz'aj ste'x 'el yalil te uva.


A yic tzin 'el wil lum lum 'aj tz'och munljel 'a b'esan, ax tzwilni, to 'ay sniwnal eb' 'anma t'occtac yaj ta yuj owal. Ax yic tzin 'och paxt 'a yol chon̈ab', ax tzwilni wan laj scham eb' 'anma yuj wejel. Ax eb' tzyalch sb'a schecb'oc Dios, yet' eb' ya'mal 'och sti eb' 'anma', tox 'ix 'ijx 'at eb' 'a chuc chon̈b'al, jun to mant yojcoc eb', xa chi 'a eb', xchi Dios 'ayin.


An̈jtona eb' 'anma 'aj tzyal eb' jun tzo'n̈ cha, 'oj cham eb' yuj owal, yet' yuj wejel, 'oj cham pax yistzil eb', yunnal eb', yet' pax yisl eb'. T'ocquixtac xoj 'oj 'ajcn sniwnal eb' 'a yol scayeal chon̈b' Jerusalén. Man̈x 'a mach 'oj mucnc eb'. 'Ixta wal 'oj yutc eb' stupn lajwc smul wu'uj.


Yuj cha, ex 'aj Jerusalén, caw wal tzex 'ixtx si'mb'il, 'icha eb' 'u'm 'an̈, 'ixta xoj eyilxi, palta man̈ ex 'u'moc 'an̈.


Pitzc 'el 'a e sat ex 'aj Jerusalén, 'ijec pax chan̈ e b'a. A ticnec, tox 'ix 'ec' yowl sc'ojl Jehová 'a eyib'an̈. A eyailal 'ix 'eq'ui, 'icha tz'aj sat sc'ojl eb' 'u'm 'an̈ yuj yan̈ cha, 'ixta ex 'aj yuj eyailal tic.


A eb' tzach 'ixtn cha, an 'oj wac' schilac sb'a eb', ax yu'lan eb' schiq'uil. 'Oj q'ue 'a sjolm eb' 'icha te 'an̈. 'Ixta to b'i'an, ax yojcan 'el smasnil 'anma', to an ton Jehová a colmal waji. An tzach wa'l 'a libre, sDiosal in Jacob, tztac' wuj smasnil, xchi Dios.


Ex 'aj Jerusalén, b'eyn̈ecn̈ej yet' e man̈ nab'enal, b'eyn̈ecn̈ej 'a 'icha to matz uj eyiln xon jab'oc. 'E'n̈ecn̈ej tectnoc 'icha junc 'u'm 'an̈, wach'xam man̈ ex 'u'moc 'an̈.


'Oj tectnoc 'ec' jun tzo'n̈ 'anma chi yuj wejel. Yuj wejl cha, ax yowx 'och eb' 'a sreyal yet' 'a sDiosal. 'Ojt cob' q'ue q'ueln eb' 'a satcha'an̈,


Yuj wal jun tzo'n̈ mul cha, ax ya'n cot Jehová yowl sc'ojl 'a yib'n̈ schon̈ab', ax ya'n 'och syailal eb' 'anma cha. A eb' lum niwc witz, c'uxn 'oj 'ib'xoc eb' lum 'a yet'ul, ax eb' 'anma cha, t'octac 'oj 'ajcn eb' scham 'a yol caye. Palta man̈ yujoc cha, 'oj 'ec' yowl sc'ojl Dios, 'ipn ya'n 'och syailal eb'.


An̈jtona eb' quelem, caw wal tzc'unb' eb', tz'el yip eb', 'ixta pax eb' to caw 'ay xon yip, tztelw pax eb'.


'Oj ex scatb'tzoc can Jehová, ax ya'n cot yailal 'a eyib'an̈ yet' cusc'ojlal 'a yib'n̈ smasnil tas tze b'o'o. Jab' wal tiempo 'oj 'ec' eyu'uj, ax e lajw 'ejm yuj tas maysch'olnil tze b'o cha, yujto tzeyactj can Dios.


Yujto a 'a scal c'ac' 'aychi ax sjawi, a scaruaje 'aj 'aychi, lajn wal sb'ey 'icha chacxuxm'ic'. 'Oj jawc wul yi'l yowl sc'ojl 'a eb' 'ajc'ojl cha. Lajn wal yowl sc'ojl chi 'icha sq'ue wan snich c'ac'.


Jab' cab' scal tzex q'ue wa'an, q'ue cab' eyaw 'a 'ac'wal, yuj e c'ann scolwal Cajlilec. 'A smasnil e c'ojol, tzex 'oc' 'a yojltac, b'achc 'at e c'ab' 'a 'a, yic tze c'an sniwnc'ojlal 'a yib'n̈ eb' eyunnal wan scham 'a yoltc caye yuj wejel, xchi winac.


'Ix ya' cot Jehová yowl sc'ojl 'a yib'n̈ chon̈b' Sión, xyac' 'el'choc 'icha tas nab'il yu'uj. 'Ix ya'ch sc'a'l jun chon̈b' tic, masnto xlajw stz'a 'ejm smuroal yich.


Swiv nou:

Piblisite


Piblisite