Is 51:19 - Chuj San Sebastian Bible

¹⁹ 'Ix jaw chac'aj yailal 'a eyib'an̈: 'Ix ma'x 'ejm e chon̈ab', xlajw cha, 'ix 'ijx 'ec' tas 'ay 'ayex. Til wal 'anma xcham yuj wejel, 'ay pax eb' xcham yuj owal. ¿Mach to wal eb' 'oj 'o'ch sc'ojl 'ayex? ¿mach to wal eb' 'oj 'a'nc sniwnal e c'ojol?

Chuj San Mateo Bible

¹⁹ Aton cha macan̈ tas ix javi d'a eyib'an̈ tic: Ix mac'chajem lan̈naj e chon̈ab', ix champax eb' cajan d'ay yuj vejel yuj oval. ¿Machto val ol oc' sc'ol d'ayex? ¿Machto val ol ac'an snivanil e c'ool?

Is 51:19 Referans Kwoze

Am 7:2

Wan xo slajw 'ejm te c'ultc yuj no', 'ix waln 'ixtc 'a Dios: —Mamin Jehová, 'ac' wal niwnc'ojlal 'ayn̈ an̈ yin̈tl on̈ Jacob tic on̈, caw wal yune chon̈b'al on̈ on̈. Caw ma'oj techjoc jun tic cuj on̈, xin chi.

Is 47:9

Wach'xam til wal eb' 'ajchum, mto jeln snan 'el paxti 'ayc' o'oj, lemb'il ata 'oj jawc tza'njoc jun tzo'n̈ chi 'a eb'an̈, ax a can 'a to man̈x 'a echmil, 'a man̈x 'a pax one'.

2 Co 7:13

Yuj cha, caw x'ajx sniwnal qui c'ojl on̈. Man̈ cojnoc x'ajx sniwnal qui c'ojl on̈. Caw xwach' jaw pax qui tzaljc'ojlal on̈, yic xyaln Tito, to caw tzalj eyet'oc, yujto 'ix wach' jaw sniwnc'ojlal eyuj e masnil.

Ez 14:21

Yuj cha, an Jehová Yajl in, an tzwal 'ixtic: A yic 'oj wa'noc cot chan̈e niwc yailal 'a yib'n̈ chon̈b' Jerusalén, caw wal 'ay smay tas 'oj ujc cha. 'Oj jawc owal, wejel, no chiwjum noc' yet' yab'il. 'Oj cham eb' 'anma', yet' no noc'.

Lm 1:12

Ex 'anma tzex laj b'ey 'a b'e, 'ochn̈ec wan lin̈an, tze nan jab'oc, ¿tom 'ay eyailal 'icha quic tic on̈? Yujto an̈ tic on̈, yel xo wal niwn tzcab' syal on̈. A Jehová a tz'a'n cot jun yailal tic 'a quib'n̈ yuj yowl sc'ojol.

Lm 1:9

A smul eb' 'anma cha, caw wal checl yaji; palta may tas tzna eb' toto 'ay tas wan sjaw 'a yib'n̈ eb'. Caw wal satjub'tac x'aj slajw 'el schon̈b' eb'; may xon mach x'a'n sniwnal sc'ojl eb'. Yuj cha, tzyaln eb' 'ixtic: Mamin Jehová, 'ilt on̈ cot yet' wal qui yailal on̈, a eb' 'ajc'ojl yajch 'ayn̈ on̈, caw wal xyac' eb' sgana on̈ satn 'el on̈, xchi eb'.

Is 61:2

Tzwaln 'eli, to tox xjaw sc'ul yajx colnb'il tzyac' Jehová, xjaw sc'ul ya'n Dios spac 'a eb' 'ajc'ojol. Checb'iln cot yu'uj, yic tzwul wa'nc sniwnal sc'ojl eb' 'ay scusc'ojlal.

Is 22:4

Yuj cha, tzwaln 'ixtic: 'Eln̈ec 'a in tz'ey, yujto tzin nib'j caw tzin 'oc' si'mb'il, man̈x eyac' pural eya'n sniwnal in c'ojl yuj yailal 'oj jawc 'a yib'n̈ qui chon̈b'ec tic.

Is 14:30

A eb' israel 'icha to smeb'ail xoj yajcni, caw 'oj wa eb' si'mb'il yet' yunnal. Ax eb' 'anma may tas 'ay 'a 'a, 'oj way eb' 'a tzaljc'ojlal. Palta ax xo ax filisteo ex tic, 'oj ya' cot Dios wejl 'a eyib'an̈, ax jaywn̈oc ex 'oj e cant cani, a wejl chi 'oj e milni.

Ec 4:1

'Ix wa'n 'at in nab'en 'a jantc tz'aj eb' 'anma yixtx 'a yolyib'n̈q'uinl tic. 'Ix wilni to caw wal tz'oc' eb', palta may mach tz'a'n sniwnal sc'ojl eb', yujto a eb' 'ay yopiso cha, a eb' tz'ixtn eb' yit 'anmal cha.

Salmos 69:20

Yuj wal jun tzo'n̈ b'uchwal paxti cha, yuj cha, a tzwutj wab'ni to xjat in pixn yab'n syail; man̈x in 'anma'oc, man̈x 'a pax wip. Nab'an̈ej 'ix in say mach tz'a'n sniwnal in c'ojol, yet' mach tz'o'ch sc'ojl 'ayin.

Job 42:11

Xlajw to cha, 'ix c'ochx eb' yu'tac Job chi 'at yila', eb' yanab', eb' swach'c'ojol yet' jantcn̈ej mach 'ojtnac 'a yic yalan̈. 'Ix 'och wal jun niwquil tzaljc'ojlal, 'ix wa eb' 'a yatut Job cha. 'Ix syamn 'och eb' ya' sniwnal sc'ojol, 'ix yaln pax eb' to locn eb' xcus yuj yailal 'ix 'ec' 'a yib'n̈ yuj Jehová. Xlaj ya'nc junjn eb' tumin yet' junjn colc'ab' nab'a oro 'a Job cha.

Job 2:11

'Ay 'oxwn̈ swach'c'ojl Job, atn eb' tic: Win Elifaz cajn 'a yol yic Temán, win Bildad cajn 'a yol yic Súah, yet' win Zofar cajn 'a yol yic Naamat. 'Ix yab' eb' speclal to 'ay jun tzo'n̈ yailal chi xjaw 'a yib'n̈ winac, yuj cha, xya'n 'och eb' 'a sc'ojl scot wul yac' sniwnal sc'ojol, yic tzmol cus eb' yet' winac.

Is 8:21

'Oj tectnoc 'ec' jun tzo'n̈ 'anma chi yuj wejel. Yuj wejl cha, ax yowx 'och eb' 'a sreyal yet' 'a sDiosal. 'Ojt cob' q'ue q'ueln eb' 'a satcha'an̈,

Is 9:20

Teb'il xoj 'oj 'ilchjoc jac tas tzc'ux eb'. 'Ay eb' 'oj 'ilchjoc jac tas yu'uj, palta 'oj laj sto'lac 'ec' eb' 'a 'a. 'Oj sc'uxn̈j eb', palta ma'oj 'ec' swejl eb' yuj jac cha. 'Oj laj schi 'ejm eb' yunnal yuj wejel.

Is 54:11

Xyaln pax Dios 'ixtic: 'Oltacch wal ach chon̈b' Jerusalén, 'ix ab' wal syal tas 'ix 'ec' 'a eb'an̈, may xon mach 'ix 'a'n jac sniwnal a c'ojol. Ax pax ticnec jun, an 'oj wac' b'oxc 'a chon̈b' jun 'ejm xo yet' q'uen q'uen wach' yilxi, ax wa'n 'ejm yipnub'al yich 'a yib'n̈ q'uen safiro.

Is 60:18

Man̈x b'a'n̈ 'oj 'ab'xoc speclal smilx cham 'anma 'a e lum cha, man̈x 'a mach 'oj satxoc 'el 'a yol e macb'en. A e colnb'il xwac'a, a chi 'icha muro yajch oyn 'ayex, ax e b'inab'ilal, a chi 'icha spuertail e chon̈b' yaji.

Jeremías 15:5

Ex 'aj Jerusalén, ¡toc 'ayt mach 'oj 'o'ch sc'ojol, 'oj cusoc, mto 'oj 'och 'il eyu'uj!

Jeremías 24:10

'Oj wa' cot owal, wejel, yet' yab'il 'a scal eb'. Man̈x 'a junc eb' 'oj can 'a sat lum lum 'ix wac' 'a eb', yet' 'a eb' smam yichm eb', xchi Dios.

Nahúm 3:7

A smasnil mach 'oj eyiln 'ochi, caw 'oj 'at eb' 'elc 'ayex. Ax yaln eb' 'ixtic: A wal chon̈b' Nínive, caw xlajw 'ejmi. ¿Mach to wal 'oj 'o'ch sc'ojl 'a 'a? ¿'Ajto wal 'oj yic' mach 'oj 'a'nc sniwnal sc'ojol? 'oj schic eb'.

Lm 3:47

A xiwc'ojlal, tas 'ay smay, yailal yet' satl qui chon̈ab', a chi xjaw 'a quib'n̈ o'oj, xqui chiec.

Ez 14:15

Q'uinloc tzwa' cot no chiwjum noc' 'a sat lum lum tic, ax tz'aji, tzsatn 'el no eb' 'anma 'a jun chon̈b' cha, cusltac tz'ajcni, man̈x 'a junc 'anma tztac' yec' yuj no'.