Is 51:15 - Chuj San Sebastian Bible

¹⁵ An Jehová in tic, e Diosal in, a 'in b'i, Jehová tztac' yuj smasnil, an tzwac' q'ue wan chel-loc a mar, tzwa'n pax c'an̈ a'.

Chuj San Mateo Bible

¹⁵ A in Jehová e Diosal in, a in b'i, Jehová Yajal d'a Smasanil. A in svac'q'ue pon̈oljoc sat a' mar.

Is 51:15 Referans Kwoze

Jeremías 31:35

A Jehová, jun 'ix b'on c'u yic tzya'n sacq'uinl 'ayn̈ 'a c'ual, sb'on pax 'uj yet' c'anal yic tzya'n pax sacq'uinl 'a 'ac'wal, a tz'a'n c'an̈ a mar, yic tzq'ue wan a 'a cha'an̈, a Jehová tztac' yuj smasnil, a tzaln 'ixtic:

Is 54:5

A jun mach ex b'oni, a 'icha 'ichmilab'il yaj 'ayex, atn Jehová tztac' yuj smasnil; qui colmal an̈ israel on̈ tic, qui Diosalec; sDiosal pax smasnil tas 'ay 'a sat lum lum tic.

Jeremías 10:16

Caw wal chuc yel qui Diosalec an̈ yin̈tl on̈c Jacob tic. A qui Diosalec b'ojnac smasnil tas. A si'jnac can 'el chon̈b' Israel tic yico'oc. A Jehová tztac' yuj smasnil, 'ixtnta wal yalx sb'i.

Is 51:10

'Ix a'n tup a mar yet' eb' a niwc a caw xab' yich, ax xab'l yich a mar cha, 'ix a'ch b'eal, sec a eb' colb'il 'el o'oj, wach' 'ix 'ec' eb' 'a yojl a'.

Is 47:4

A qui colmal an̈ israel on̈ tic, atn jun Dios To Cojxni, Jehová tztac' yuj smasnil, 'ixta yalx sb'i. A tzaln pax 'ixtc 'a chon̈b' Babilonia:

Salmos 136:13

A x'a'n spoj sb'a snan̈l a Chac Mar. A schamc'ojlal Dios 'ayn̈j 'a smasnil tiempo.

Salmos 74:13

Ach xa pojcn snan̈l a mar yet' a poder, xlaj a ma'nc poj sjolm no niwc noc' 'ay 'a yol a mar cha,

Is 48:2

Tzeyala to cob' 'aj chon̈b' ex 'a in chon̈ab', tzin eya'n 'och cob' yipc e c'ojl eyalni. An e Diosal in tic, Jehová in b'i, tztac' wuj smasnil.

Job 26:12

Yuj yip Dios tz'ib'x yib'n̈ a mar, a yet' sjelnal 'ix ya'n ganar yem jun no niwquil noc' Rahab sb'i.

Nehemías 9:11

'Ix ac' spoj sb'a snan̈l a mar 'a sat eb', 'ix 'ec' eb' 'a stacn̈il lu'um; ax eb' pechjnac eb', 'ix 'atcn eb' 'a xab'l yich a', 'icha junc q'uen tzjulx 'at 'a yojl junc a sutb'il a'.

Lv 11:44

An tic Jehová e Diosal in, yuj cha, 'ijec 'el e b'a 'a jun tzo'n̈ tas man̈ wach'c cha. Yowlal wach'n̈j tzeyutj e b'a, yujto an tic, caw wach'nn̈ej. Yuj cha, caw matz tac' eyixtn 'el e b'a yuj jun tzo'n̈ no noc' cha.

Salmos 107:25

A yic xyalni to tzcot yowl a mar cha, 'ix q'ue wan ch'umch'noc a 'a cha'an̈;

Ex 6:7

'Oj ex wi'ch in chon̈b'oc, ax woch e Diosaloc. 'Ixta 'oj eyutc eyojcan 'eli to an ton Jehová in, e Diosal in. An tzex in col-l 'a yol sc'ab' eb' 'aj Egipto tic.

Jeremías 51:5

Wach'xam a eb' 'aj Israel yet' eb' 'aj Judá, caw 'ix 'och smul eb' 'ayin, palta an̈ja mantzac wij 'el in c'ojl 'a eb' an Jehová in, tztac' wuj smasnil, sDiosal in eb', to Cojxn̈ in.