Is 51:13 - Chuj San Sebastian Bible

¹³ An Jehová in, an jen̈jnac 'at satcha'an̈, in b'on pax lum lu'um. Ax ticnec, ¿tom xeyac' sat e c'ojl 'a mach b'ojnac ex? ¿Tom an̈ja e xiw yuj eb' 'anma tzex laj 'ixtn cha, eb' tznib'n tzex satn 'el yuj yowl sc'ojol? Palta a yowl sc'ojl eb' tzex 'ixtn cha, toxn man̈x 'a jac yel'chi.

Chuj San Mateo Bible

¹³ A in Jehová in, a in in b'onac ex. A in in jen̈b'ejnacb'at satchaan̈, in b'oannaquem lum luum tic d'a yed'tal. ¿Tom ix in b'atcan satc'olal eyuuj, yuj chi' tzex xiv d'a jun tzex ixtani, jun snaan ex sataneli? Palta man̈ ex xivoc, a in ol in satel yoval sc'ol jun tzex ixtan chi'.

Is 51:13 Referans Kwoze

Is 45:12

An in b'ojnac lum lum tic yet' smasnil mach cajn 'a 'a, an in jen̈jnac 'at satchan̈ tic yet' in poder, 'ix walni to tzpitzw smasnil c'anal.

Is 40:22

A Dios 'ayc' sdespacho 'a yib'n̈ q'ue satcha'an̈. A satchan̈ cha, jen̈n 'ec' 'a yib'n̈ lum lum tic. A yic tzon̈ yiln 'emt Dios an̈ 'anman̈ tic, lajn on̈ 'icha no b'ojch'in. A lich'jnac 'at satchan̈ 'icha junc nip, sb'on chan̈ 'icha junc mantiado tz'och cajnub'al.

Is 17:10

Yujto 'ix eyac' sat e c'ojl 'a qui Diosal coljnacn̈ec, ma'ix e na coti toto ata qui coljnaquec qui b'a. Yuj cha, wach'xam 'oj eyawc eyawb'ente caw wach' xlaj eyi' cot 'a chuc chon̈b'al.

Salmos 104:2

A sacq'uinal, icha to a pichl yajchi, ach xa lich't satchan̈ 'icha junc mantiado.

Dn 3:19

A wal yic xyab'n win rey Nabucodonosor jun tzo'n̈ spaxti ewin quelmtac cha, caw wal xjuw yilx sat win scot yowal, xya'n win 'ajxoc 'och sc'a'l jun jorna chi uc 'ejm xo 'a yib'n̈ 'icha xon tz'ajch sc'aq'uil.

Is 48:13

An in b'ojnac sb'achnub'al yich lum lum tic yet' in poder, an in jen̈jnac 'at pax satcha'an̈. Ton̈j xwal sb'i jun tzo'n̈ tic, 'ix pitzw chan̈ eb'.

Is 44:24

A Jehová atn b'ojnacn̈ec, a on̈ 'a'nec 'el pax 'a libre. A tzaln 'ixtic: An Jehová in, an b'ojnac ex yic mantzac ex 'alji, an b'ojnac smasnil tas, an in jen̈jnac 'ec' satcha'an̈, in b'on can pax lum lum tic 'a yet'ul, may junc mach colwjnac wet'oc.

Job 9:8

Toc 'ay mach xcolwj yet'oc yic sb'on satcha'an̈, a tztenn 'och wan a mar, yic tzq'ue wan chel-loc a'.

Apoc 20:9

A yic 'oj 'at eb' yac' owal, caw 'oj macchjoc 'el sat yolyib'n̈q'uinl yuj eb'. 'Oj c'och oynjoc eb' 'a jun slugar eb' yic xo Dios macb'ilx yu'uj, atn jun chon̈b' chamc'ojlb'ilx yu'uj. Ax Dios 'oj 'anc 'emt c'ac' 'a satcha'an̈, ax yejm 'a yib'n̈ eb' soldado cha. C'uxn 'oj tz'a eb' smasnil.

Apoc 19:20

Ax jun noc' sb'i cha, 'ix b'ab'l yamchj muc'uc. 'Ix yamchj pax jun xcob' yalch sb'a schecb'oc Dios, atn jun ch'oxjnac jun tzo'n̈ milagro 'a yojltac jun noc' sb'i. Yuj jun tzo'n̈ milagro cha, yixtn paxti eb' chajnac 'och senyail jun noc' sb'i 'a 'a, eb' yaljnac sb'a 'a jun yechel. Ax jun noc' sb'i cha, yet' jun xyalch sb'a schecb'oc Dios, pitzn to eb', xjulx can 'at eb' 'a scal jun c'ac' caw tzn̈ilchj yet' azufre, 'icha pama'.

A Ch'an̈ Carta D'a Eb' Hebreo 11:15

Q'uinloc an̈ja ya'jnac 'och eb' snab'en 'a jun lum yactjnac can cha, toto 'ixta', tecn meltzjnac eb' ta'.

1 Co 15:55

Ach chamel, ¿'aj 'ay a ganar ticnec? ¿'Aj 'ay a poder tzac' milwjoc ticnec? xchi 'a Ch'an̈.

1 Co 1:20

Yuj cha, may jac yopiso eb' jelan, yet' eb' cuywjum. May pax yopiso eb' jeln tzyutj sten sb'a. A Dios, 'ix ch'oxni, to a jun jelnal yic yolyib'n̈q'uinl tic, may jac yel'chi.

Dn 3:15

A ticnec jun, toto 'oj scha e c'ojol, to a yic 'oj 'oc' jun tzo'n̈ yamc'ab' tzc'anlb'ax sonal, a yic cha, tzex 'em cuman, tzeya'n 'ejm e b'a 'a jun yechl nab'a oro 'ix wac' 'ajxoc b'o cha, to 'ixta', may tas 'oj eyi'ni. Toto ma'oj eyiclc eya'n 'ejm e b'a 'a 'a, wal 'a yajn̈ej 'oj e julx 'emt 'a yojl jun jorna caw ow sn̈ilchj sc'aq'uil. ¡'Oj wila', toto 'ay junc xo dios 'oj e coln 'el 'a yol in c'ab'! xchi winac.

Jeremías 51:15

A Jehová 'ix b'on lum lum tic yet' spoder, yet' sjelnal 'ix sb'on yolyib'n̈q'uinl tic, yet' swach' nab'enal, 'ix sb'on satcha'an̈.

Jeremías 2:32

¿Tom tzsat sc'ojl eb' 'ix cob'stac ya'n 'och ston̈, mto spichul yic tz'och eb' 'ix 'a nupnel? Ax xo wal ax in chon̈b' ex tic, pectix in 'atcn satc'ojlal eyu'uj.

Is 42:5

A Jehová Dios 'ix b'on satcha'an̈, xlajw cha, 'ix sjen̈n 'ati. A 'ix b'on lum lu'um, yet' smasnil tas tzpac' 'a sat lu'um, a tz'a'n qui q'uinl an̈ 'anman̈ec tic, tzya'n pax qui'c quic', tzyaln 'a jun schecb' chi 'ixtic:

Is 16:4

Tzon̈ e chaj 'och 'a e cal, tzon̈ e c'ub'j 'el 'a eb' tzon̈ sayn 'ec' on̈. Matz on̈ e ch'ox 'a eb' on̈, 'oj schic eb' 'aj Moab cha. A yic 'oj lajwc 'ec' jun yailal cha, yet' 'a yic 'oj 'el jun tz'a'n lajwc 'el jun nacion̈ tic,

Is 7:4

ata tzal 'a win 'ixtic: Tzel wal a b'a, man̈ ach 'och 'il, man̈ a comn xib'tc a b'a yuj win Rezín yet' eb' 'aj Siria, yet' pax win yunnal Remalías, yujto caw wal tzowx 'och eb' 'ayach. A eb' cha, lajn eb' 'icha chab'oc cuxc'ac' ton̈j tztab'lani.

Salmos 76:10

A yowl sc'ojl eb' 'anma', 'oj 'a'nc niwtjoc a b'inab'il, ax jaywn̈ocx eb' ma'oj cham 'a owal, 'icha to 'oj 'och eb' elwnub'loc.

Job 37:18

¿Tzam stac' a colwj jac yet' Dios yic tzjen̈n 'at satchan̈ tic, 'icha tzyac' junc q'uen q'uen tzatz tz'ajcn 'a yet'ul?

Ester 7:10

'Ix slocn q'ue eb' win Amán 'a te 'oy ya'jnac b'o yuj Mardoqueo. 'Ixta x'aj sicb' yowl sc'ojl win rey cha.

Ester 5:14

Yuj cha, 'ix yaln 'ix yistzil win cha, yet' pax eb' swach'c'ojl win chi 'a 'ixtic: —'Ac' b'o junc te 'oy, jun ch'an̈l tz'aj ste'il, ax q'ui'n 'a sq'uin̈b'ial, tza c'ann 'a win rey to tzq'ue locn win Mardoqueo chi 'a te', yic wach' caw tzaljc'ojlal 'oj a wa yet' win rey chi q'uic'an, xchi eb'. A wal jun nab'en cha, caw schaj sc'ojl win Amán, yuj cha, 'ix ya'n win b'o jun te 'oy cha.

Dt 32:18

Ex wit israelal, 'oj eyac' sat e c'ojl 'a qui Mam, atn jun qui Colmalec yaji. 'Oj eyac' sat e c'ojl 'a Jehová qui Diosalec 'ix 'a'n qui q'uinlec.

A Tas Sc'ulejnac Eb' Schecab' Jesús Hechos 12:23

Yajn̈j wal cha, 'ix 'ajx can telwc win yuj jun yángel Cajlil, yujto ma'ix yala, to cojn qui Mam Dios 'ay yel'chi. 'Ix 'ocht ay winac. 'Ixta to b'i'an, 'ix chami.

Is 57:11

¿Mach cob' jun tzo'n̈ nacion̈ chi 'aj tz'ex xiwi? Yuj cha, in eyactn cani, in eya'n sat 'a e c'ojol. An tic ton̈j sictac waji, toc 'ay tas tzwal 'ayex.

Dt 6:12

A yic 'oj 'el'choc jun cha, tzeyil wal e b'a, xeya't wal sat e c'ojl 'a Jehová, yujto a on̈ 'i'nec 'elt 'a Egipto 'a 'aj 'ayn̈ec 'och mosoal.

Dt 8:11

Caw wal tzeyil e b'a, man̈ eyac' sat e c'ojl 'a Jehová qui Diosalec. Yowlal tzeyiclj schecnb'il, sley yet' jun tzo'n̈ cuynb'il tzwalcn 'ayx tic.

Is 9:4

Yujto ach 'ix a satl jun chon̈b' 'ix 'i'n 'at eb' a chon̈b' tic 'a 'icha presoal, eb' x'a'n 'och yailal 'a eb' a chon̈ab'. Ach 'ix a satl eb' 'icha 'ajnc satl eb' 'aj Madián 'a yic pecti'.

Is 10:24

Yuj cha, xyaln Jehová 'ixtic: Ex in chon̈b' cajn 'a Sión, man̈ ex xiw yuj eb' 'aj Asiria, wach'xam tzex cob' smac' eb' yet' jixc'ab'te', mto yet' sc'ococh, 'icha yutjnacx eb' 'aj Egipto.

Is 14:4

a 'a jun tiempoal cha, ata 'oj eyalb'tan̈c jun poesía tic, yic tze b'uchn win sreyl Babilonia, 'oj eyal 'ixtic: 'Iltec wal tz'ajcn win tzon̈ 'ixtnec tic, 'iltec wal x'ajcn yuj sb'an̈quintaquil.

Is 40:21

¿Tom man̈ eyojcoc ax tic? ¿Tom may 'aj eyab'jnac yab'xil? ¿Tom may mach aljnac 'ayx 'a yictax mantzac b'o smasnil tas? ¿Tom mant 'a mach cuyjnacx 'a yictax yel yich sb'o yolyib'n̈q'uinal?

Is 45:18

Mamin Jehová, ach b'ojnac satcha'an̈ yet' lum lum tic, wach' otjnac can 'a yet'ul, caw ach b'ojnac. Man̈toc sictac 'ajnc cani, palta to xcajxi. Ach aljnac can 'ixtic: Cojn in ton Jehová in, may junc xo.

Is 49:26

A eb' tzach 'ixtn cha, an 'oj wac' schilac sb'a eb', ax yu'lan eb' schiq'uil. 'Oj q'ue 'a sjolm eb' 'icha te 'an̈. 'Ixta to b'i'an, ax yojcan 'el smasnil 'anma', to an ton Jehová a colmal waji. An tzach wa'l 'a libre, sDiosal in Jacob, tztac' wuj smasnil, xchi Dios.

Is 54:14

A tojlal, a chi 'oj yic' yip 'a scal eb', 'oj colchjoc can 'el eb' 'a yol sc'ab' eb' 'anma tz'ixtn eb', 'oj 'el jun xiwc'ojlal chi 'a scal eb', man̈x 'a tas 'oj xib'tnoc eb'.

Jeremías 38:19

—Tzin xiw 'a eb' quit chon̈b' tox 'ix ya'ch sb'a yet' eb' 'aj Babilonia cha, toq'ue tzin 'ajx 'och 'a yol sc'ab' eb', ax am tz'aji, tzin yixtj eb', xchi win rey cha.

Dn 3:18

Wach'xam ma'oj qui colx pax yuj on̈ jun, palta tzca'cn ojcoc 'el mamin rey, chajtlto ma'oj cac' 'ejm qui b'a xon 'a a diosal chi 'on̈, atn jun yechl nab'a oro 'ix ac' 'ajxoc b'o cha, xchi eb'.

Salmos 106:13

Palta yajn̈j wal cha, 'ix satx sc'ojl eb' 'a tas xa b'o 'a eb', ma'ix stan̈wj eb' yila', tas wal a nab'en 'a yib'n̈ eb'.

Is 43:1

Ax ticnec ex israel yin̈tl can Jacob 'ab'ec, a Jehová jun b'ojnaquex, a tzaln 'ixtic: Man̈ex xiwoc, an 'oj ex in colo', ex wawtj coti, yujto wiquex.

Jeremías 51:19

Caw wal chuc yel sDiosal Jacob, a xb'on smasnil tas. A si'jnac 'el Israel yic tz'och schon̈b'oc. A Jehová tztac' yuj smasnil, 'ixtnta ton sb'i.