Is 51:12 - Chuj San Sebastian Bible

¹² Yuj cha, yaln Jehová eyuj 'ixtic: An ton tic, an tzwac' sniwnal e c'ojol. ¿Mach to wal junc 'aj 'oj e xiwi? ¿Tom 'oj e xiw yuj eb' 'anma to yic chaml yaji, yujto lajn eb' 'icha te 'unn c'ultac?

Chuj San Mateo Bible

¹² A Jehová tz'alan icha tic: A in Jehová in svac' eyip, ¿tas yuj tzex xiv d'a eb' anima chamelb'a yaji, to lajan eb' icha an̈ an̈c'ultac c'un stacjieli?

Is 51:12 Referans Kwoze

Salmos 118:6

A 'ayc' wet'oc, yuj cha, matz in xiw yuj tas tzin yutj eb' wit 'anma'il.

A Sb'ab'el Carta San Pedro 1:24

'Icha tzyal 'a Ch'an̈ U'un̈: A sq'uinl eb' 'anma smasnil, lajn 'icha te c'ultc c'un stacji. Caw yajn̈ej tzlajw 'ejm swach'l yilx eb', 'icha tz'aj slajw 'ejm swach'l yilx te nich te 'ay 'a lum 'a'lic. A te c'ultac, caw yajn̈ej tztacj can 'el te', ax snich te', tzlaj puccn 'eli.

Is 2:22

Cactquec ca'n 'och eb' 'anma yipc qui c'ojol, yujto an̈ 'anman̈ec tic chamlb'a cajec. Jun wal rato tz'el jab' qui'c tic, yuj cha, man̈ ca'c 'och qui nab'en 'a eb' 'anma'.

Jn 14:18

An tic, ma'oj ex wactc can e ch'ocoj, 'oj in japx eyet' jun 'ejm xo.

Is 66:13

'Icha junc 'ix nunb'il yet' yune', 'ixta 'oj ex wutc ex in montni yic tzwa'n sniwnal e c'ojol, 'ixtnta 'oj eyutc eyi'n sniwnal e c'ojl yuj Jerusalén, xchi Dios.

Mt 10:28

Man̈ ex xiw 'a eb' tztac' smiln e niwnal tic, yujto a e pixan matz tac' smiln eb'. Palta a 'a Dios tzex xiwi, yujto a tztac' satn 'el e pixn yet' e niwnal, tz'at 'a infierno yu'uj.

Is 51:3

'Ixta 'oj wutc wa'n in wach'c'ojlal an Jehová in 'a yib'n̈ eb' 'aj Sión, atn jun chon̈b' mac'b'il 'ejm lan̈chjoc. A eb' lum tacn̈ lu'um, 'oj 'och eb' lum yaxlumal, 'icha lum 'aj 'ay te 'awb'ente 'a Edén. Cojxn tzaljc'ojlal, b'it yet' alj yuj diosal 'ay 'ayn ta'.

Is 43:25

Palta an tic, yuj swach'l in nab'en, yuj cha, tzin sucsat e maysch'olnilal, man̈x 'a b'a'n̈ 'oj in na cot e mul cha.

Pr 29:26

Til wal 'anma tzsayn 'ec' swach'c'ojlal eb' yajal, palta cojn Jehová tzb'onyaj junc mach 'a wach'il.

Salmos 146:4

yujto a yic tzcham eb', tz'ochx can eb' poccal. A 'a jun c'u cha, ata tzlajw can pax smasnil tas tznib'j eb' sb'o'.

Salmos 92:7

Wach'xam a eb' 'ajmul 'anma', mto eb' tzb'on maysch'olnil tzq'ue wan tzicnjoc 'icha sq'uib' te c'ultac, yajn̈j cha tz'och yip eb', palta jab' wal tiempo 'ixta tz'aj eb'. Tzlajw cha, tzsatx can 'el eb' 'a jun 'ejmn̈ej.

A Tas Sc'ulejnac Eb' Schecab' Jesús Hechos 9:31

'Ixta to b'i'an, 'ix 'och wan jun owl chi 'a yib'n̈ eb' creyente smasnil 'a Judea, 'a Galilea, yet' 'a Samaria. Caw xlaj 'och ste'nal eb'. 'Ay xiwc'ojlal eb' 'a Cajlil. 'Ix 'och Yespíritu Dios yet' eb'. Yuj cha, 'ix niwtj chan̈ sb'isl eb'.

A Ch'an̈ B'ab'el Libro Samuel 15:24

—Yel toni 'ix 'och in mul, ma'ix in yiclj tas xyal Jehová, atn tas xyal 'ayin yujto in xiw 'a eb' soldado ajun wet' tic, 'ix in yiclni tas xyal eb'.

A Ch'an̈ Schab'il Libro Yic Yab'ixal Eb' Rey 1:15

Xlajw cha, 'ix yaln jun yángel Jehová 'a Elías 'ixtic: —'Ixc yet' winac, man̈ ach xiwoc, xchi. 'Ix q'ue wan Elías, 'ix pax 'emt yet' jun capitan̈ cha. Xlajw cha, x'at yilnoc jun rey cha.

Is 40:1

A Jehová qui Diosalec, a tzaln 'ixtic: 'Ac' sniwnal sc'ojl eb' in chon̈ab'.

Is 49:13

Ach satcha'an̈, 'el cab' aw 'a tzaljc'ojlal. Ach lu'um, tzaljan̈. Yet' ex witz, 'el cab' eyaw yuj tzaljc'ojlal, yujto a Jehová, wan ya'n sniwnal sc'ojl eb' schon̈ab'. Wan yo'ch sc'ojl 'a eb' yuj syailal.

Is 57:11

¿Mach cob' jun tzo'n̈ nacion̈ chi 'aj tz'ex xiwi? Yuj cha, in eyactn cani, in eya'n sat 'a e c'ojol. An tic ton̈j sictac waji, toc 'ay tas tzwal 'ayex.

Jeremías 38:19

—Tzin xiw 'a eb' quit chon̈b' tox 'ix ya'ch sb'a yet' eb' 'aj Babilonia cha, toq'ue tzin 'ajx 'och 'a yol sc'ab' eb', ax am tz'aji, tzin yixtj eb', xchi win rey cha.

Ez 2:6

Ach 'anma', man̈ ach xiw yuj tas 'oj yal eb' 'ayach, wach'xam 'oj yoych sb'a eb' 'aych 'icha te q'ui'ix, mto 'icha to scal no sinan 'aych 'ec' tzela, man̈ ach xiw xon yuj tas 'oj yal eb' 'ayach, yujto caw pit xon eb'.

A Ch'an̈ B'ab'el Libro Samuel 17:11

A yic xyab'n Saúl yet' smasnil eb' soldado israel tas 'ix yal win filisteo cha, caw somchj chan̈ eb', 'ix xiw eb' si'mb'il.

A Ch'an̈ B'ab'el Libro Samuel 21:13

Yuj cha, sjelmtan sb'a, chuc yilx 'och 'a yojltac eb'. Xya'n 'och sb'a owya'il, comn xoj tz'ib'j 'och jun tzo'n̈ coxquixtac letra 'a jun tzo'n̈ smac n̈a. 'Ix ya'n b'ey 'emt yal sti 'a scal xil sti'.

Is 8:12

Man̈ a mol alc yet' eb', yic tzc'ann eb' scolwal junc xo mach. Man̈ a xib'tc a b'a yuj tas 'aj tzxiw eb'.

Is 12:2

Ach qui Diosal qui Colmal aji; tzach ca'ch yipc qui c'ojol, yuj cha, matz on̈ xiw on̈. A ticnec tzon̈ b'itn 'aych Mamin Jehová, yujto achn̈ej 'aych 'och quipc on̈, tzon̈ a coln paxi, 'oj e chioc.

Is 52:9

Ex 'aj Jerusalén to lan̈chjnac can 'ejm e chon̈ab', 'el cab' eyaw e b'itn yuj tzaljc'ojlal, yujto a Jehová 'ix 'o'ch sc'ojl 'a schon̈b' tic, yuj cha, ex colx 'elt yu'uj.

Is 61:2

Tzwaln 'eli, to tox xjaw sc'ul yajx colnb'il tzyac' Jehová, xjaw sc'ul ya'n Dios spac 'a eb' 'ajc'ojol. Checb'iln cot yu'uj, yic tzwul wa'nc sniwnal sc'ojl eb' 'ay scusc'ojlal.