Is 5:14 - Chuj San Sebastian Bible

¹⁴ Ax yet'l chamel, 'oj sjac wal sti 'a eb' 'anma', yet' 'a eb' yajl yaj 'a scal eb' 'aj Jerusalén cha; ax sb'u'n 'ejm eb' smasnil, atn eb' 'anma tzcomn 'el yaw.

Chuj San Mateo Bible

¹⁴ Yuj chi', icha val to ol sjac sti' chamel yic ol sb'uc'anb'at eb' anima chi' yed' eb' yajalil eb' d'a Jerusalén tic, aton eb' anima scomon el yav tz'eq'ui.

Is 5:14 Referans Kwoze

Lc 21:34

Tzeyac' wal cuenta e b'a, man̈ e cha pitb'oc e b'a yuj pec'al, yuj 'u'lan̈, mto yuj tzann̈j junc xo tas tzex 'och 'il yuj 'a yolyib'n̈q'uinl tic. Toto ma'ay, ax 'oj jawc jun c'u cha, man̈ listaoc eyaji.

Habacuc 2:5

A eb' 'anma tz'u'w 'an̈, caw wal tzb'an̈ sb'a eb' yuj te 'an̈ cha. Matz 'och wan eb' sayn 'ec' tas tznib'ej. Lajn wal eb' 'icha lum jul 'aj tzmucx eb' 'anma tzchami, may tz'aj sb'ut'j lum jul chi yuj eb' tzcham cha. 'Ixta pax eb' caldeo tzlaj macnc 'ec' eb' lum nacion̈ yico'oc.

Pr 30:16

Atn sjul-l chamel, eb' 'ix 'ix matz 'unewi, lum lum may xon yalil sat, yet' te c'ac' may xon tz'aj yoch wan stz'a c'atztz 'a 'a.

Mt 7:13

'Ay jun 'icha puerta lot'an, ata tzex 'ochi. Yujto 'ay pax junx 'icha puerta caw lewan, ax jun b'e tz'ec' ta', caw lewn sat, palta a 'a yailal 'aj tzc'ochi. Til wal 'anma tz'at 'a jun b'e cha.

Pr 27:20

A chamel yet' sjul-l 'aj tzmucx eb' tzchami, may tz'aj sb'ut'ji, 'ixta may b'a'n̈ tz'och wan snib'n eb' 'anma tas tznib'ej.

Salmos 55:15

Jaw cab' chaml 'a yib'n̈ eb' 'ajc'ojl yajch 'ayin. Pitznto cab' eb' tz'ejm can eb' 'a yol sjul-l eb' chamnac, yujto cojxn maysch'olnil 'ayc' 'a scal eb' 'a yol yatut.

Is 30:33

Pectix b'ob'il jun yet'l eb' 'aj Asiria chi yet' sreyl 'aj 'oj tz'a sniwnal eb', caw lewn sat, xab' pax yich, b'ut'n yet' c'atzitz. A Jehová a 'oj 'a'nc 'och sc'a'l yet' spaxti', 'oj n̈ilchjoc 'icha wal azufre.

Is 14:9

A yic 'oj c'och jun tu snab'en chi 'a yol lum 'aj 'ay smasnil eb' chamnac, caw 'oj sat sc'ojl eb' yu'uj, ax scot eb' wul scha'. 'Icha to 'oj 'el swayn̈ eb' yu'uj, ax wul schanc eb' niwc yajal, eb' ya'jnac reyl 'a yolyib'n̈q'uinl tic. 'Oj q'ue wan eb' 'a yol xila, ax wul schanc eb'.

Lc 17:27

Yujto a eb' 'anma 'a jun tiempoal cha, ton̈j wanc eb', yu'n eb' tas tzyuq'uej. 'Ay eb' xlaj nupni, 'ay eb' laj ya'jnac 'och yisl yistzilc eb' winc cha, toc sna eb' toto 'ay tas tzjaw 'a yib'n̈ eb'. 'Ixta 'e'nc eb', masnto 'a jun c'u yic yoch win Noé 'a yol te barco. Ata ya'jnac jun owl yaxn̈ab', scham eb' smasnil.

Is 21:4

Caw somchjnac in nab'en, tu tz'aj in c'ojl yuj tas 'ay smay. May xon tas tzin na 'a junjn yemc'ual yic tzsicb' yoc c'u, palta ax ticnec, 'ix smeltztej 'och sb'a 'a xiwc'ojlal 'ayin.

Pr 1:12

Yol wal stzatzl 'ay ax qui yamnec coti, 'oj qui satc can 'eli,

Salmos 49:14

A 'a jun tzo'n̈ 'anma cha, a chamel 'a chi 'aych yilmalc eb'. A jun chi tz'i'n 'at eb' 'a campusan, 'icha tz'aj junc calnelu tz'ijx 'at 'a 'aj tzchami. Ax 'a yic 'oj sacb'c 'eli, a eb' wach' snab'en, a eb' 'oj 'a'nc ganar 'a yib'n̈ eb' cha. Jab'jnal 'oj sat 'ejm sniwnal eb', ax lum campusan cha, a chi 'oj 'och yatutoc eb'.

Dn 5:30

Ax 'a yic jun 'ac'wl cha, 'ix milx cham win Belsasar sreyl eb' caldeo cha.

Nahúm 1:10

'Icha to caw 'u'm ex 'an̈. 'Oj e lajw 'ejm 'icha tz'aj stz'a 'ejm te q'uix caw jeltz'm yaji mto 'icha tzyac' yoc trigo.

Is 14:11

A 'a pecti cha, caw wal tzach cob' b'inaxoc, to 'ajson ach, tzach cob' sonn yet' arpa, ax ticnec, 'aych xo 'ec' quet' 'a tic, ax no a'ay a no 'oj a c'an̈oc, ax yoch no a c'u'oc, 'oj schic eb' chamnc cha.

Is 24:8

Man̈x 'a q'uin̈ 'a 'aj tzlaj c'an̈ tinab', yet' arpa, caw man̈x 'a stzaljc'ojlal eb' tzsonn yet' jun tzo'n̈ yamc'ab' cha.

Ez 7:12

'Ix jaw stiempoal, 'ix c'och sc'ual yic man̈x 'a stzaljc'ojlal eb' manm lu'um, yet' pax eb' tzchon̈wj cha, man̈xtzac cus eb', yujto an tzwac' syailal smasnil eb' 'anma'.