Is 5:12 - Chuj San Sebastian Bible

¹² A 'aj tz'och niwc wa'el, ata 'aych son yet' arpa, salterio, tinab' yet' 'amay. Til wal 'an̈ 'ayc' yuj eb' chi ta', palta a tas wan snan Jehová 'a yib'n̈ eb', caw may jac yel'ch 'a eb'.

Chuj San Mateo Bible

¹² A b'aj tz'och nivac vael tz'uc'vi an̈ eb', ata' ayoch juntzan̈ yamc'ab' yic b'it: Aton te' arpa, te' violín, q'uen pandereta yed' te' flauta. Axo tas van snaan Jehová d'a yib'an̈ eb', max yac'laj pensar eb' yuuj.

Is 5:12 Referans Kwoze

Salmos 28:5

Smasnil tas tza b'o'o, caw may yel'ch 'a sat eb' maysch'olnil snab'en. Yuj cha, ach cab' tza satl eb', man̈x cab' b'a'n̈ tzpitzw chan̈ eb'.

Job 34:27

yujto matz nib'j eb' syiclc tas tzyala, matz nib'j eb' sb'eylb'oc sley.

San Judas 1:12

A yic tzeya'n mol wa'el, tze ch'oxn e chamc'ojlal, caw tzeyac' e q'uixwloc yuj eb'. Yujto ton̈j tzcomn 'och eb' wac eyet'oc, may jac xiwc'ojlal eb'. 'Icha junc tan̈m calnelu cojxn wal tzya'ilj sb'a, 'ixta eb'. 'Icha junc tacn̈ 'asn ton̈j tzb'eyc' yuj 'ic', 'ixta pax eb'. Lajn eb' 'icha junc te may xon 'aj tzyac' junc sat. Ton̈j tztacj 'eli, tzchami. Tzlajw cha, c'uxn tz'ijx q'uet yet' sch'an̈lyib' smasnil, tzwach' satli.

Dn 5:23

A eco', to 'ix a b'an̈ a b'a 'a sat jun sYajlil satcha'an̈. 'Ix a'n 'ijxoc cot 'a ojltac jun tzo'n̈ svaso 'ayc' 'a yol yatut. Ach xo tic yet' smasnil eb' 'awtb'il cot o'oj, 'ix o'j 'an̈ yet' eb' 'a yojl jun tzo'n̈ vaso cha. 'Ix aln wach' paxti 'a jun tzo'n̈ comn dios nab'a plata, oro, bronce, hierro, te', yet' q'uen q'ue'en, atn jun tzo'n̈ matz tac' xon yilni, matz yab'i, may jac yojtac. Man̈oc 'a Dios 'aj 'ix al wach' paxti', palta ticni a 'a yol sc'ab' 'ayc' a q'uinal, a tzach 'i'n b'eyc'oc.

Lc 16:19

A 'a jun 'el, 'ay jun winc caw rico, caw wach' yaj yet' jun tzo'n̈ spichl caw chan̈ stojol. Ax 'a junjn c'u til wal tas caw wach' tzc'ux winac, tzcot ch'ucn 'a yojltac.

Is 22:13

A eyico', cojn tzaljc'ojlal tze b'o 'a e q'uin̈, tze miln cham no wacax yet' no calnelu. Tze chi wal chib'ej, tzeyu'n pax 'an̈. Tzeyaln 'ixtic: Wa coyec, cu'c 'an̈, toq'ue ax q'uic'an tzon̈ chamec, xe chi.

Is 5:19

Tzcob' yal eb' 'ixtic: A qui Diosal an̈ israel on̈ tic, atn jun Dios Cojxni, comnoc yajn̈ej tzb'on tas 'icha tzna 'a quib'n̈ec, xchi cob' eb'.

Gn 31:27

¿Tas yuj in extej, ton̈j ach 'el coti, man̈xtoc xal a b'a 'ayin? Ma'ix al wab'i', alto ma'ay, xeyalcn e b'a 'ayn 'a tzaljc'ojlal, x'och son yet' tinab' yet' arpa yic ex coti.

1 Co 14:7

Q'uinloc 'ay jun tzo'n̈ son ticnec, tz'oc' junc chirminax, tzc'an̈ pax junc arpa. Toto ton̈j tzsomlji sjaj, ¿tom tzcab'i, tas sb'itn jun jun?

A Ch'an̈ B'ab'el Libro Samuel 12:24

Cojnto tzex xiw 'a Jehová, tzeya'n servil wal yet' smasnil e c'ojol, tze nan coti, jantc tas wach' 'ix sb'o cujec.

A Ch'an̈ Schab'l Libro Samuel 19:35

'Ayx 80 ab'il in q'uinl ticnec; man̈xtzac wab' schiloc tas tzqui c'uxu, yet' tas tzcuq'uej, man̈xtzac tztac' wilni toto wach' mto ma'ay. An̈jtona', man̈xtzac stac' wab'n sb'itn ewin tzb'itni yet' eb' 'ix tzb'itni. Nab'a xoj tzin 'och stz'acb'oc eb' tzac' servil mamin rey.

Is 24:8

Man̈x 'a q'uin̈ 'a 'aj tzlaj c'an̈ tinab', yet' arpa, caw man̈x 'a stzaljc'ojlal eb' tzsonn yet' jun tzo'n̈ yamc'ab' cha.

Is 29:1

'Oltac wal chon̈b' Jerusalén, tzcuch Yet'l Xajmb'al Yic Dios, 'aj 'e'nc cajn David. 'A junjn ab'il tznan jun tzo'n̈ q'uin̈ tz'eq'ui.

Is 56:12

Tzlaj yaln eb' 'ixtic: Coyc qui say jac can̈, a cab' te caw ow tzqui sayc 'eq'ui, sec tzq'ue te 'a qui jolmec. Tzcu'nec pax te 'an̈ chi q'uic'an, yab'n 'icha hora tic. 'Oj cu'c 'icha tzcutjec cu'n ticnec, mto yel xo wal 'oj 'ec' 'a yib'n̈ cu'nec ta', xchi eb', xchi Dios.

Ez 26:13

'Ixta 'oj wutc in satn 'el jun tzo'n̈ sb'it eb' 'anma', man̈x 'a 'aj 'oj 'ab'xoc yoch b'it yet' arpa.