Is 5:1 - Chuj San Sebastian Bible

¹ A ticnec 'oj in b'itnoc jun in wach'c'ojl 'a scal in b'it yet' yawb'en uva. A jun in wach'c'ojl cha, 'ay jun slum caw wal yax sat, ata 'ay yawb'en uva.

Chuj San Mateo Bible

¹ A ticnaic, ol in b'itej sb'ital jun vin̈ vamigo te vach' yed' jun yavb'en uva. A vin̈ vamigo chi', ay jun yavb'en uva vin̈ d'a jun sluum te yax sat d'a jun tzalan.

Is 5:1 Referans Kwoze

Mr 12:1

Ax Jesús, 'ix syamn 'och yaln jun 'ab'x tic 'ixtic: 'Ay jun winac, 'ix 'awn jun tzo'n̈ uva 'a slu'um. Smacn scol-lal, sb'on jun 'aj tzte'x 'el yalil te'. 'Ix sb'on pax q'ue jun yet'l eb' tztan̈wni te', chan̈ x'aji. Xlajw cha, xya'n can win slum chi majnil yet' te uva chi 'a jun tzo'n̈ eb' munljum winac. 'Ix 'atcn win 'a junx lugar 'a najat.

Lc 20:9

Xlajw cha, xyaln Jesús jun 'ab'x tic 'a eb' 'anma 'ayc' ta': —'Ay jun winc 'ix 'awn jun tzo'n̈ uva 'a slu'um. Xlajw yawn can winac, 'ix ya'n can win slum chi majnil yet' te 'awb'ente 'a jun tzo'n̈ eb' munljum winac. Xlajw cha, x'at win 'a junx lugar, najtl x'aj cajn win ta'.

Jn 15:1

'Ix yaln pax Jesús 'ixtc 'a eb' scuywum: —An tzin sch'ox cot jun te snun uva. Ax junc winc tzlaj mesn 'el sc'ab' te', a in Mam tzch'ox coti.

Mt 21:33

'A'c 'och e chicn 'a junx 'ab'x tic 'oj wal 'ayex. 'Ay jun winc 'ix 'awn jun tzo'n̈ uva 'a slu'um. 'Ix smacn scol-lal. Sb'on jun te'lab' 'el yal uva cha. 'Ix sb'on pax q'ue jun yet'l eb' tan̈m uva chan̈ x'aji. Xlajw cha, xya'n can win slum chi majnil yet' te uva chi 'a jun tzo'n̈ eb' munljum winac. 'Ix 'atcn win 'a junx lugar 'a najat.

Jeremías 2:21

'Icha wal tz'aj yawx te uva caw wach', 'ixta 'ix wutj ex wawni, lajn ex 'icha te 'in̈t uva caw wach'. Ax ticnec, ¿tas yuj caw lajn xoj tzex 'aj 'el'ch 'icha junc te tz'usup?

Salmos 80:8

Mamin Jehová, a 'a Egipto 'ix 'ej cot jun te snun uva; 'ix a pechn 'el jun tzo'n̈ chuc nacion̈al 'a sat slu'um, ax 'a slum eb' chi 'ix awj can pax te uva cha.

Cantares 2:16

A ni quelm chamc'ojlb'il wuj cha, yic in na, an̈jtona', wic pax na. Sja'l wal stan̈w calnelu ni 'a scal eb' te te 'ay snich.

Cantares 6:3

An tic, yic in ni quelm cha, an̈jtona wic pax na. Ata tztan̈wj wa ni scalnelu 'a scal eb' te c'ultc 'ay snich, xchi 'ix.

Cantares 5:16

A yic tzpaxtin na, caw wach' tas tzyal na, man̈x jantcoc snib'jub'tacl na, caw wal 'ay smon ni yet' smasnil tas tzyal cha. 'Ixtnta wal yilx ni quelm chi ex cob'stac 'aj Jerusalén, xchi 'ix.

Cantares 5:2

Waync in cob'i', palta pitzn pax in nab'en. Ax xwab'ni, x'awj 'och ni quelm chamc'ojlb'il wuj chi 'a smac watut xyaln ni 'ixtic: Ach cob's 'unn chamc'ojlb'il wu'uj, caw wal wach' elx 'icha no 'uch may spaltail; jacn 'och 'a yol atut, yujto caw xlojx 'el xil in jolm yuj chicb'cha'an̈. Caw wal tz'ujlni xil in jolm yuj yal 'ac'wal, xchi ni 'ayin.

Salmos 45:1

'Ay wal paxti caw wach' 'ayc' 'a in nab'en. A chi tzin c'anlb'ej yic tzwaln in wach' paxti 'a win rey. A 'in paxti', lajn 'icha spaxti junc mach jeln stz'ib'ni.

Salmos 101:1

Mamin Jehová, tzin nib'j in b'itnoc a chamc'ojlal yet' a tojlal; tzin nib'j tzach in b'itnej yet' b'it.

Salmos 60:5

Ta'wan̈ 'ayn̈ on̈, coln̈ yet' a poder, col eb' 'anma tza chamc'ojlej.

Jeremías 12:10

Til wal eb' syajlil eb' 'ajc'ojl xwul satnc 'el in chon̈ab', 'icha to satl eb' te wawb'en uva 'awb'il wu'uj. Ste'wtan̈j eb' lum lum 'aj tzb'o in munljel. A lum lum caw wal nib'b'il wu'uj, caw wal cusltac x'ajcn lum yuj eb'.

Ez 15:2

Ach 'anma', ¿'aym 'aj tzab' yalxi to a te sch'an̈l uva 'ec'b'al yel'ch te 'a sc'ab' eb' te tzann̈j te'al?

Os 10:1

A eb' 'aj chon̈b' Israel, lajn wal eb' 'icha jun 'ib'c te snun uva caw wal 'ay sat, palta mun tzsatn sch'ocoj, a yic wach' tz'aj sat tas 'awb'il yuj eb', yet' 'a yic tzniwtj sricoal eb', a pax ta tzniwtj sb'on eb' 'anma jun tzo'n̈ yet'l xajmb'al, tzb'on 'och eb' yelwnub'al.

Dt 8:7

Yujto a Jehová qui Diosalec, a 'oj eyi'n 'och 'a sat lum lum caw wach'. Til wal a a 'a lum ch'olctac, 'ay a spac'b'a', 'ay pax a niwc a tzcot 'a lum jolmctac witz.

Dt 8:10

Wach' 'oj e wa ta'. 'Oj e b'ut'j si'mb'il, palta yowlal tzeyac' yuj diosal 'a Jehová qui Diosalec, yujto wach' jun lum chi tzyac' eyico'oc.

Ez 19:10

A 'e nun chi ex rey, lajn pax 'icha junc te snun uva 'awb'il 'a sti a', til wal sat tzyac'a, caw niwquil tz'aji, til wal swol, yujto 'ay a a chi 'aj 'awb'il.