Is 49:4 - Chuj San Sebastian Bible

⁴ Palta xin nan 'ixtic: Nab'an̈ej in munlji, nab'an̈ej x'el wip, may jac tas 'ix wij 'a 'a, xin chi. Palta wojtac to checl yaj jun tic 'a sat Jehová, a spac wic yuj jun tic, ata 'ayc' 'a yol sc'ab' Dios.

Chuj San Mateo Bible

⁴ Palta ix in naani to nab'an̈ej ix in munlaji. Nab'an̈ej ix el vip, malaj tas ix vic'a', xin chi. Palta vojtac to chequel yaji tas vaj d'a yichan̈ Jehová. A spac in munlajel chi', ayec' d'a yol sc'ab'.

Is 49:4 Referans Kwoze

Is 35:4

Alc 'ixtc 'a eb' chab'c'ojlal yaji: Te'wtzejc e b'a, man̈ ex xiwoc, yaj qui Diosalec 'a tic, a 'oj qui colnec 'eli, ax eb' 'ajc'ojl yajch 'ayn̈ec, 'oj 'ajxoc 'och syailal eb' 'a 'icha wal smoj schani, xe chi.

Gl 4:11

Caw tzin xiwi, toq'ue nab'an̈ej 'ec' munljnacn 'a e cal ta'.

2 Co 12:15

An tic, caw tzin nib'j tzin lajl tastc 'ay 'ayin, sec 'oj wach' b'o e nab'en. Wach'xam 'oj lajwc in niwnal tic yuj 'ex wa'n servil, palta 'oj in tzaljn̈ej, wach'xam jab'xoj e chamc'ojlal 'ayin, palta yel xo wal tzex in chamc'ojlej.

2 Co 2:15

'Icha sjab' junc incienso tzyac' Cristo 'a Dios, caw su'q'ui sjab', 'ixta 'on̈ec, yic tz'ec' caln 'el yab'xil 'a scal eb' wan scolchji, yet' 'a scal eb' wanto satq'ui.

Mt 23:37

Ax wal tic ex 'aj Jerusalén, caw ton̈j tzlaj e jul cham eb' schecb' Dios yet' q'uen que'en, atn eb' tzchecx cot 'ayx yu'uj. Til xo wal 'ejm tzex wawtj cot 'ayin, 'icha junc caxtiln̈ tzyawtj cot yune', tzmoyni, palta toxn matz yal e c'ojol.

Mt 17:17

Yuj cha, 'ix yaln Jesús 'ixtic: —Ax tic, caw matz eya'ch e c'ojl 'a Dios, caw pit ex. 'In 'ayx tiempo 'ayn 'ec' eyet'oc. ¿B'a'n̈to wal 'oj nachjc 'el eyu'uj? Caw tzwab' syal eyu'uj. 'At 'ijec cot win 'unn chi 'ayin, xchi.

Ez 3:19

Palta toto 'oj al yab'i', ax tz'aji ma'oj yactj can stu b'eyb'al cha, 'oj ton cham yuj smul chi b'i'an, ach xo tic, libre ach 'a jun 'anma cha.

Is 65:23

Man̈ ton̈joc 'oj munljoc eb' in chon̈ab', may pax yunnal eb' 'oj comn cham 'a to man̈oc sq'uinl tzc'ochi. Yujto wa'jnac in wach'c'ojlal 'a eb' smam yichm eb', ax eb' yin̈tl eb' tic, 'ixta pax 'oj wutc eb'.

Is 62:11

A Jehová, 'oj yac' alxoc 'ixtc 'a eb' 'anma 'ay 'a 'aj tzlajw c'och yolyib'n̈q'uinl tic: Alc 'ixtc 'a eb' 'aj Jerusalén: 'Iltec to wan sjaw jun e Colmal, yet' spac xyij yuj smunljel, 'oj xchic eb' 'a eb', xchi Dios.

Is 40:10

A Jehová Dios caw wan sjaw yet' spoder, yuj ton wal spoder cha, tzyi'n 'ejm sb'a smasnil 'anma 'a 'a. 'Ay jun tas yet'i, atn tas xyij 'a smunljel.

A Ch'an̈ Carta D'a Eb' Hebreo 12:2

Ca'c 'at qui nab'en 'a Jesús, yujto a tz'a'n ca'c 'och qui c'ojl 'a 'a. Yu'uj, caw tz'acn tzcutjec ca'n 'och 'a qui c'ojol. 'Ix yab' syal 'a te culus. Ma'ix sna jab'oc toto q'uixweltac x'aj schami, yujto yojtac, a yic tzlajw yab'n syal cha, caw tzaljc'ojlal yico'. Ax ticnec, wocn 'ejm 'a sdespacho Dios 'a swach' c'ab'.

Ro 10:21

A Isaías cha, yaljnac can paxi tas yaljnac can Dios yuj eb' yit israelal. Yaljnac 'ixtic: An xo tic, smasnil tiempo cob' b'achn 'at in c'ab' 'a jun chon̈b'al eb' 'anma caw pit tic, yic tzcob' wi'nc cot eb' 'ayin, xchi.

Jn 1:11

A 'a scal eb' yico', ata wulnc 'eq'ui, palta toxn man̈ chab'ilc yuj eb'.

Lc 24:26

A Cristo, toxn to yowlal xyab' syal jun tzo'n̈ cha, yic mantzac 'och Yajlil, xchi 'a eb'.

Is 65:2

An xo tic, smasnil tiempo cob' b'achn 'at in c'ab' 'a jun chon̈b'al eb' 'anma caw pit tic, yic tzcob' wi'nc cot eb' 'ayin. Palta cojn maysch'olnil tzb'eylb'ej eb'. A tas tznib'j eb' sb'o', a chi tzb'o eb'.

Lv 26:20

Nab'an̈ej 'oj eyixtc e b'a e munlji, yujto a lum lum cha, man̈x 'a xon jac tas 'oj yac' lu'um, yet' pax smasnil te 'awb'ente', may xon sat te 'oj yac'a'.

A Scarta San Pablo D'a Eb' Aj Filipos 2:16

Yujto tzeyal-l spaxti Dios 'a scal eb', atn tzaln yuj qui q'uinlec 'ay 'a jun 'ejmn̈ej. Yuj cha, a yic 'oj jawc Cristo, caw 'oj jawc in tzaljc'ojlal eyu'uj, yujto wojtac, man̈ nab'an̈ejoc xwac' 'ip in munlj 'a e cal.

Pr 29:26

Til wal 'anma tzsayn 'ec' swach'c'ojlal eb' yajal, palta cojn Jehová tzb'onyaj junc mach 'a wach'il.

Is 25:1

Mamin Jehová in Diosal ach; 'oj ach in b'itnoc yet' in wach' paxti', yujto caw xac' 'el'choc tas nab'il o'oj, caw satjub'tac yilxi, to wach' yajcn xon oj 'a yictax pecti'.

Is 40:27

Ex israel yin̈tl can Jacob, ¿tas yuj tzex we'lji eyawji? ¿Tas yuj tzeyal 'ixtic: A Jehová caw matz on̈ yilc coti, caw matz 'och 'il Dios jac cujec? xe chi.

Is 57:21

Ax eb' maysch'olnil tas tzb'o'o, toxn may jac wach'l 'oj yil eb', xchi Dios.

Is 59:18

A Dios 'oj yac' spac yic junjn 'anma', a tzyala tas tz'el sb'oni: 'Oj ya'ch syailal eb' 'ajc'ojl yajch 'a 'a, eb' tzchichn 'och 'a 'a, yet' eb' nacion̈ cajn 'a sla'nil sti a mar. 'Oj yac' spac 'a eb', a tzyal tas xyutj eb' yi'n cot 'a yib'an̈.

Is 61:10

Caw wal tzin tzalj ticnec yuj Jehová. Caw wal tzjaw in tzaljc'ojlal yuj in Diosal, yujto caw wach' xyutj ya'n in colnb'il, a tojlal, a chi 'icha to x'och in pichloc yu'uj. 'Icha tz'aj junc quelem mto junc cob's 'ix tz'och 'a nupnel, 'ixta in yutj in sb'oni.

A Ch'an̈ B'ab'el Libro Yic Yab'ixal Eb' Rey 19:10

'Ix ta'w Elías chi 'ixtc 'a 'a: Mamin Jehová, yajl ach 'a yib'n̈ smasnil, caw wal xcot yowl in c'ojl yuj tas tzach yutj eb' wit israelal. 'Ix spatquilj can 'el eb' a trato, 'ix laj sma'n lan̈chjoc eb' yet'l xajmb'al to ec yaji, 'ix laj stzu'nc cham eb' ewin a checab'. Cojxn in cannc in 'a scal eb', ax ticnec, to tzin sayx 'ec' yuj eb', yic tzin smiln cham eb', xchi.