Is 48:2 - Chuj San Sebastian Bible

² Tzeyala to cob' 'aj chon̈b' ex 'a in chon̈ab', tzin eya'n 'och cob' yipc e c'ojl eyalni. An e Diosal in tic, Jehová in b'i, tztac' wuj smasnil.

Chuj San Mateo Bible

² Tzeyalani to aj chon̈ab' ex d'a in chon̈ab' vicn̈ej yaji. Tzin eyac'anoch yipoc e c'ool eyalani, a in ton Jehová e Diosal in Yajal in d'a Smasanil.

Is 48:2 Referans Kwoze

Miqueas 3:11

A eb' juez yaj 'a yol chon̈ab', man̈ wach'c tzyutj eb' sb'onyaj junc 'anma', tzchaj eb' q'uen c'ultac tumin. An̈jtona eb' tz'a'n 'och qui ti 'a Dios, yujn̈ej schan eb' tumin, yuj cha, tzcuywj eb'. 'Ixta pax eb' tzyalch sb'a schecb'oc Dios, yujn̈ej schan eb' tumin, yuj cha, tzyaln eb' tas tz'aj 'el'ch junc mach. Tzyaln pax eb' to 'aych Dios yet' eb', yuj cha, tzyaln eb' 'ixtic: A Jehová 'aych quet'ec, yuj cha, may yailal 'oj 'ec' 'a quib'n̈ec, xchi cob' eb'.

Ro 2:17

Palta 'ayx tzeyalch wal e b'a israelal si'mb'il, cojxn ley yic Moisés tzeya'ch wal yipc e c'ojol, caw tzeyij chan̈ e b'a, yujto schon̈b' ex Dios.

Is 52:1

Ex 'aj Sión mto Jerusalén, pitzc 'el 'a e sat, te'wtzejc e b'a, 'a'c eyip, yujto schon̈b' ex Dios. Ch'oxc 'el e jelnal 'ac'b'il 'ayx yu'uj, sec man̈x 'a b'a'n̈ 'oj 'oxtoc eb' chuc chon̈b'al 'a e cal, yic tzex yi'n can 'ejm eb'.

Is 10:20

A 'a jun tiempoal cha, a jaywn̈ocx eb' israel ma'oj chamoc, atn jaywn̈ocx eb' yin̈tl can Jacob 'oj colchjoc can 'eli. Man̈x 'oj ya'ch eb' yipc sc'ojl jun nacion̈ 'ijn satn 'el eb' cha. Palta axn̈ej 'a Jehová 'aj 'oj ya'ch eb' snab'en, atn sDiosal Israel to cojxni.

Mt 27:53

At 'a yic tox 'ix pitzw pax Jesús, atta x'elt eb' 'a jun tzon̈ q'uen 'aj 'aycn 'och cha, 'ix c'och eb' 'a yol chon̈b' Jerusalén, til wal 'anma xlaj 'iln eb'.

Apoc 22:19

An̈jtona', toto 'ay eb' 'oj 'i'nc 'el junc tas 'a jun libro yic Dios tic, ax Dios 'oj 'i'nc 'el pax smacl eb' 'a jun te te yic q'uinl 'a jun 'ejmn̈ej. Man̈x 'a yaln eb' yic sc'och 'a schon̈b' Dios. Atn jun tzo'n̈ 'ix tz'ib'x can yab'xil 'a jun libro tic.

Apoc 21:2

An Juan in tic, xwil jun schon̈b' Dios yicn̈ej yaji, atn jun 'ac' Jerusalén. 'Ix 'elt 'a yojltac Dios 'a satcha'an̈, 'ix 'emli. Caw wach'x yaj 'icha junc 'ix caw a'ijn yaj yet' spichul, tznupn yet' yichmil tzyi'aj.

Apoc 11:2

Ax yamq'uil sti', man̈ echtoc. Yujto a jun cha, 'ac'b'ilx 'a eb' man̈ israeloc. A eb' cha, 42 'ujl 'oj stec' 'ejm eb' jun chon̈b' yic Dios cha.

Mt 4:5

Xlajw cha, x'ijx 'at yuj win 'a jun chon̈b' yicn̈ej Dios yaji, atn Jerusalén. 'Ix yi'n q'ue win 'a schon yatut Dios.

Dn 9:24

'Oj 'ec' 70 seman 'a yib'n eb' et israelal, yet' 'a yib'n̈ jun a chon̈b' to yicn̈ej Dios yaji, masnto 'oj lajwc 'ec' tenmtaquil yet' maysch'olnilal, ax yajx lajwc smasnil mul. Atta 'oj jawc jun tojl b'eyb'al 'a jun 'ejmn̈ej. A yic cha, 'oj 'el'choc tas 'ilb'il yuj eb' schecb' Dios 'a waychil, yet' tas alb'il can yuj eb'. 'Ixta to b'i'an, ax yajx 'och yopiso jun sic'b'il 'el yuj Dios.

Jeremías 10:16

Caw wal chuc yel qui Diosalec an̈ yin̈tl on̈c Jacob tic. A qui Diosalec b'ojnac smasnil tas. A si'jnac can 'el chon̈b' Israel tic yico'oc. A Jehová tztac' yuj smasnil, 'ixtnta wal yalx sb'i.

Is 51:13

An Jehová in, an jen̈jnac 'at satcha'an̈, in b'on pax lum lu'um. Ax ticnec, ¿tom xeyac' sat e c'ojl 'a mach b'ojnac ex? ¿Tom an̈ja e xiw yuj eb' 'anma tzex laj 'ixtn cha, eb' tznib'n tzex satn 'el yuj yowl sc'ojol? Palta a yowl sc'ojl eb' tzex 'ixtn cha, toxn man̈x 'a jac yel'chi.

Is 47:4

A qui colmal an̈ israel on̈ tic, atn jun Dios To Cojxni, Jehová tztac' yuj smasnil, 'ixta yalx sb'i. A tzaln pax 'ixtc 'a chon̈b' Babilonia:

Salmos 87:3

Man̈x jantcoc wach' paxti tzyal 'a yib'n̈ schon̈ab'.

Salmos 48:1

A Jehová caw wal niwn yel'chi. A qui Diosalec smoj wal yalx wach' paxti 'a 'a, 'a yol chon̈ab' yet' 'a lum tzaln to yicn̈ej yaji.

Nehemías 11:18

A sb'isl eb' levita xcan cajn 'a schon̈b' Dios, 'ay 284 eb' 'a smasnil.

Nehemías 11:1

A eb' yajl 'a jun nacion̈ tic, 'ix can cajn eb' 'a Jerusalén; ax jaywn̈ xo eb' chon̈ab', xya'ch eb' suerte, sec wach' a junc n̈al 'a junjn lajn̈e n̈ail, tz'at cajn 'a Jerusalén, atn jun chon̈b' yic Dios yaji. Ax junx b'aln̈e n̈ail, tzcancn 'a jun tzo'n̈ xo chon̈b' 'a b'esan.

Jueces 17:13

'Ix sna winac, to 'oj scha syaxilal Jehová, yujto levita jun 'aych ya'malc 'och sti 'a sdiosal cha.

Jeremías 44:26

Palta 'ab'c wal e masnil ex 'aj Judá, ex cajn ex 'ec' 'a Egipto tic tas tzyal Jehová 'ayex, yujto tzyal 'ixtic: An wal tzwa'cn in ti', to man̈x 'a junc eb' 'aj Judá tic 'oj in b'inan 'a Egipto tic yic tzya'n sti 'a junc tas.

Is 51:15

An Jehová in tic, e Diosal in, a 'in b'i, Jehová tztac' yuj smasnil, an tzwac' q'ue wan chel-loc a mar, tzwa'n pax c'an̈ a'.