Is 48:17 - Chuj San Sebastian Bible

¹⁷ A Jehová qui Diosal an̈ israel on̈ tic, jun Dios To Cojxni, a tzaln 'ixtic: An Jehová e Diosal in, an tzin ch'ox 'ayex tas wal 'oj 'och e wach'loc, an tzin ch'ox pax e b'e 'aj smoj 'oj e 'ati.

Chuj San Mateo Bible

¹⁷ A Jehová Dios, co Columal a on̈ israel on̈ tic Axon̈ej Ochi, a tz'alan icha tic: A in Jehová e Diosal in, a in tzin ch'ox d'ayex tas ol och e vach'iloc, a in tzin ch'ox b'e b'aj smoj tzex b'ati.

Is 48:17 Referans Kwoze

Salmos 32:8

Mamin Jehová, ach 'ix al 'ayn 'ixtic: Q'ueln in 'ochn̈ej 'ayach, 'oj ach in cuyu', 'oj wac' a nab'enoc, ax in ch'oxn jun b'e 'aj 'oj a b'eyi.

Salmos 25:12

A mach 'ay el'ch 'a sat, 'oj a ch'ox 'a jun b'e wach' 'aj 'oj b'eyoc.

Is 30:20

Wach'xam tzex 'ec' 'a scal yailal, yet' 'a scal somc'ojlal yuj Cajlil, palta to e cuymal yaji, man̈x 'oj sc'ub'c 'el sb'a 'ayex, to caw 'oj eyil yet' e sat.

Salmos 73:24

In a cuy 'a wach' b'eyb'al, ax 'a slajub' caw wach' 'oj otc in a chani.

Is 54:13

'Oj in cuy eb' 'a swach'il, caw wach' oj 'aj 'el'ch eb'.

Job 36:22

Tzcham wal eln spoder Dios. May junc cuywjum tztac' slab'tzan sb'a yet'oc.

Jn 6:45

Tz'ib'b'il can yuj jun tzo'n̈ eb' schecb' Dios 'ixtic: 'Oj 'ajxoc cuywc smasnil 'anma yuj Dios, xchi eb'. Yuj cha, jantcn̈ej eb' tzya'ch schicn 'a tas tzyal qui Mam Dios, toto tznachj 'el yuj eb' tas tzyala, 'oj jawc eb' 'ayin.

Miqueas 4:2

Caw niwn sb'isl eb' chon̈b' cha, ax yaln junjn eb' 'a 'ixtic: Cotn̈ec, q'ue coyc 'a lum tzaln 'aj 'ay yatut Jehová, atn sDiosal eb' yin̈tl Jacob, yic wach' tzon̈ sch'oxc 'a sb'eyb'al, sec tzqui b'eylb'ejec, 'oj schic eb'. Yujto a 'a tzaln Sión cha, ata 'oj 'eltoc cuynb'il yic Jehová, ax 'a Jerusalén, ata 'oj cuyxoc sley cha.

Salmos 71:17

Ach in Diosal, in a cuyu yictax quelm in 'unin, ax ticnec an̈j 'ijnoc waln 'el jun tzo'n̈ a niwn munljel caw satjub'tac yilx b'ob'il can o'oj.

Jeremías 6:16

'Ix yal Jehová 'a eb' schon̈b' 'ixtic: 'Ochn̈ec wan lin̈n 'a 'aj tzchaj sb'a jun tzo'n̈ b'e, tze maclni eyila'. Tze c'anb'n 'ec' jun tzo'n̈ 'ichm b'e yet' 'ajtil 'ay b'e wach'. A 'a yol jun b'e caw wach' cha, ata tzex 'ati, sec wach' 'oj eyilji, xin chi. Palta 'ix eyaln 'ixtic: Ma'ay, matz qui nib'j tzo'n̈ 'at ta 'on̈, xe chi.

Is 54:5

A jun mach ex b'oni, a 'icha 'ichmilab'il yaj 'ayex, atn Jehová tztac' yuj smasnil; qui colmal an̈ israel on̈ tic, qui Diosalec; sDiosal pax smasnil tas 'ay 'a sat lum lum tic.

A Ch'an̈ B'ab'el Libro Yic Yab'ixal Eb' Rey 8:36

ab' wal 'a satcha'an̈ tas tzcal an̈ a checb' on̈ tic, ax a'n lajwc qui mul an̈ a chon̈b' on̈ tic. Tza ch'oxn junc b'eyb'al wach' tzqui b'eylb'ej, tzlajw cha, tza'n cot n̈ab' 'a yib'n̈ lum lum 'ix 'ac' quico'oc tic on̈.

Is 43:16

A Jehová a jacjnac jun b'e 'a yojl a mar, atn jun b'e 'ix 'ec' 'a snan̈l a'.

Is 2:3

Til wal 'anma chi 'oj c'och ta', ax yaln eb' 'ixtic: Cotn̈ec, coyc 'a lum jolm witz 'aj 'ay yatut Jehová, atn sDiosal eb' yin̈tl Jacob. Coyc quila', sec to 'oj on̈ scuyc 'a wach' b'eyb'al, ax qui b'eylb'anec sb'eyb'al cha, 'oj schic eb'. Yujto a 'a switzl Sión ata 'oj 'eltoc ley, ax 'a Jerusalén ata 'oj cuyxoc spaxti Dios.

Ef 4:21

Yujto a yab'xil xeyab' cha, xe cuyn sb'eyb'al to tzchaj 'el'ch sb'a yet' jun paxti caw yel ya'jnac Jesús cuyxoc.

Is 49:7

A Jehová Dios, scolmal chon̈b' Israel, atn jun Dios To Cojxni, a tzaln 'ixtc 'a jun schecb' to caw patcab'il 'eli, yajb'il yuj jun tzo'n̈ nacion̈, atn jun checb' yajch 'a eb' rey: A wal eb' rey yet' jun tzo'n̈ xo eb' yajal, a yic 'oj ach yilnc 'och eb', caw 'oj q'ue wan eb', ax yem n̈ojn eb' 'a ojltac, yujto an Jehová in, sDiosal in Israel, an si'jnacch 'eli, 'oj wac' 'el'choc in ti wa'jnac o'oj, xchi Dios 'a jun schecb' cha.

Is 48:20

A Jehová a tzaln 'ixtic: 'Eln̈ect 'a Babilonia, 'eln̈ect 'a scal eb' caldeo cha. Alc 'el yab'xil jun tic yet' 'aw yic tzaljc'ojlal, 'a'c 'ojcaxc 'eli, masnto 'a 'aj tzlajw c'och lum lu'um. Alc 'ixtic: A Jehová a 'on̈ 'a'nec 'el 'a libre an̈ yin̈tl on̈c Jacob tic, atn jun schecab', xe chi.

Is 43:14

A Jehová qui Diosal an̈ israel on̈ tic, jun tzon̈ 'a'nec 'el 'a libre, Dios To Cojxni, a tzaln 'ixtic: A wal 'oj wutc ex in coln ax tic, to 'oj in checb't nan̈l eb' soldado yac' owl 'a Babilonia, ax s'at eb' 'aj Babilonia chi elc 'a yol jun tzo'n̈ barco to 'aych yipc sc'ojol.

Gn 24:48

Xlajw cha, 'in 'em cuman, 'ix waln wach' paxti yet' in lesl 'a Jehová, atn sDiosal in patron̈ Abraham, to a 'ix 'och wet'oc, yic in cot 'a yol b'e, wach' in 'aj in coti, yic tzwul wi'nc yistzil win yunnal in patron̈ 'a scal eb' yican.

Is 28:9

Tzyaln eb' wuj 'ixtic: ¿Mach laj tznib'j jun winc tic scuyu'? ¿Am eb' 'unn tzat 'el 'a yim?

Is 30:21

Toto 'oj eyel 'a e b'e, ax e 'atcn 'a stojlal e wach' c'ab' mto 'a e surito, 'oj eyab' yalx jun paxti 'a e patc 'ixtic; man̈ ex 'at ta', yaj b'e 'a tic, a 'a tic tzex 'ati, 'oj xchioc.

Is 41:14

A Jehová a tzaln 'ixtic: Ex israel yin̈tl can Jacob, wach'xam man̈ niwnoc e b'isul, wach'xam mant 'a eyip, palta man̈ex xiwoc, an 'oj ex in colo'. Cojxn In Ton Dios In, e colmal waji.

Is 45:11

A Jehová qui Diosal an̈ israel on̈ tic, atn jun Dios To Cojxni, a b'ojnac n̈ec, a tzaln 'ixtic: ¿Tom ax 'oj eyal 'ayin tas 'oj in b'o yet' eb' wunnal 'a yic b'aq'uin̈? ¿Tom ax 'oj eyac' in nab'enoc tas 'oj in b'o'?

Is 49:26

A eb' tzach 'ixtn cha, an 'oj wac' schilac sb'a eb', ax yu'lan eb' schiq'uil. 'Oj q'ue 'a sjolm eb' 'icha te 'an̈. 'Ixta to b'i'an, ax yojcan 'el smasnil 'anma', to an ton Jehová a colmal waji. An tzach wa'l 'a libre, sDiosal in Jacob, tztac' wuj smasnil, xchi Dios.

Is 54:8

'Ix cot wowl 'aych jun tiempoal, yuj cha, xin c'ub'n 'el in b'a 'ayach, palta yuj in chamc'ojlal 'aych 'a jun 'ejmn̈ej, yuj cha, 'ix 'o'ch pax in c'ojl 'ayach, an Jehová in a colmal waji.

Josué 3:4

'Ixta 'oj eyutc eyojcan 'el jun b'e 'aj 'oj eyec' cha, yujto mant 'a xon junc mach 'ojtnac jun b'e cha. Palta man̈ ex c'och 'a sla'nil jun caxa cha, najt tza'n e 'ati. Tzex can cab' junc kilómetro 'a spatquil, xchi eb' 'a eb' 'anma cha.