Is 48:11 - Chuj San Sebastian Bible

¹¹ Yuj in b'inaxi, yuj cha, 'ixta ex wutej, yic wach' matz in alx tu'al. A wach' paxti smoj tzalx 'ayin, matz in chaj alxoc 'a junc comn dios, xchi Dios.

Chuj San Mateo Bible

¹¹ Yuj vic'jichaan̈, icha chi' ex vutej, yic man̈ chucoc tz'aj yalchaj in b'i. A aloj vach' lolonel smoj yalji d'ayin, max in cha alchaj d'a junocxo, xchi Jehová.

Is 48:11 Referans Kwoze

Is 42:8

An tic Jehová in, atn in b'i tic. Ma'oj in cha alxoc wach' paxti 'a junc xo mach yuj tas in b'ojnac, ma'oj in cha 'ijxoc chan̈ jun tzo'n̈ yechl chi in jeloc.

Ez 20:9

'Ixta xwutj in nan jun tzo'n̈ tic, palta man̈ 'ixta'oc 'ix wutej, sec man̈toc tu tzin can 'a sat jun tzo'n̈ xo nacion̈, yujto q'ueln 'och eb' yic xin ch'oxn in poder yic xwi'n 'elt eb' in chon̈b' 'a Egipto cha.

Ez 20:14

Palta man̈ 'ixta'oc 'ix wutej, sec man̈toc tu tzin can 'a sat jun tzo'n̈ xo nacion̈, yujto q'ueln 'och eb' yic xwi'n 'elt eb' israel 'a Egipto cha.

Is 37:35

'Oj in tan̈wc jun chon̈b' tic, ax in colni, yujto 'ay in chamc'ojlal 'a in checb' David, yuj pax in b'inaxi, xchi Dios, xchi Isaías.

Ez 20:22

Yujto caw wal b'inab'il in, yuj cha, xwi'n 'och wan jun yailal cha, sec man̈toc tu tzin can 'a sat jun tzo'n̈ xo nacion̈, yujto q'ueln 'och eb' yic xwi'n 'elt eb' 'a Egipto cha.

A Ch'an̈ B'ab'el Libro Samuel 12:22

Yujto a Jehová ma'oj ex yactc can e ch'ocoj, sec matz alx tu paxti 'a spatquil, yujto tznib'j to tzex 'och schon̈b'oc.

Is 43:25

Palta an tic, yuj swach'l in nab'en, yuj cha, tzin sucsat e maysch'olnilal, man̈x 'a b'a'n̈ 'oj in na cot e mul cha.

Jeremías 14:7

Mamin Jehová, wach'xam caw niwc qui mul 'a a sat on̈, palta colwjan̈ quet' on̈, sec matz ach alx tu'al. Til wal 'ejm tz'och qui tenmtacl 'aych on̈, caw wal 'ay qui mul tz'och 'ayach.

Ez 20:44

Ex israel, a yic 'oj eyilnoc to matz wac' eyailal 'icha wal smoj tzex 'aj yuj e b'eyb'al mto yuj tas maysch'olnil tz'el e b'oni, palta to tz'o'ch in c'ojl 'ayex yuj yi'nb'ilc chan̈ in b'i, ata 'oj eyojcoc 'eli to an Jehová in, cojn in ton Dios in, xchi Dios.

Ez 20:39

Ex israel, an tzwal 'ayx 'ixtic: Toto caw pit tzeyutj e b'a 'ayin, 'ixquec, 'at alc e b'a 'a jun tzo'n̈ e diosal cha. Palta 'ojquejec 'eli to 'oj c'och stiempoal ax eyaln pax e b'a 'ayin. Man̈x 'oj eyixtc 'el in b'i, yuj eya'n tz'a e xajmb'al 'a jun tzo'n̈ comn dios cha.

Ro 2:24

A 'a Ch'an̈ U'un̈, ata tzyal 'ixtic: Yuj e b'eyb'al, yuj cha, ton̈j tzb'uchwj eb' man̈ israeloc 'a Dios, xchi.

Jn 5:23

'Ixta yutjnac in Mam ya'n wopiso an Yunnaln tic, sec wach' lajn wel'ch yet' in Mam chi 'a sat smasnil 'anma'. Toto 'ay eb' may wel'ch 'a sat, an̈jtona', may yel'ch pax in Mam 'a sat eb', yujto a checjnacn coti.

Is 52:5

Ax ticnec ¿tas 'oj wutc in b'a an Jehová in tic? 'In ton̈j xcomn 'ijx 'at eb' in chon̈b' tic 'a Babilonia 'a nab'an̈ej. Ax eb' tzyac' yajlil 'a yib'n̈ eb', caw wal tzb'an̈ sb'a eb', toxn matz 'och wan eb' in sb'uchni.

Is 48:5

'Aycto waln can eyab' jun tic, yic mantzac uji waln can 'ayex. Yuj cha, ma'oj stac' eyaln 'ixtc yuj jun tzo'n̈ yechl e comn diosal to te', mto q'ue'en: A qui diosal a 'ix nan chan̈ jun tic, a 'ix b'oni, man̈ xe chioc.

Salmos 25:11

Mamin Jehová, caw wal man̈x alchjb'enoc in maysch'olnilal, palta 'a'n niwnc'ojlal 'icha yaj aln cani.

Salmos 106:8

Palta yuj a chamc'ojlal 'a eb', yuj cha, xa coln 'el eb', sec tzyojquej 'el eb' to 'ay a poder, sec may tas tu tzalx 'a a patic.

Salmos 115:1

Mamin Jehová, a cab' 'aych tzalx wach' paxti', man̈oc cab' 'ayn̈ an̈ 'anman̈ tic. Caw smoj yalx wach' paxti 'aych yuj a chamc'ojlal yet' yuj a tojlal.

Is 48:9

Palta 'ay in niwnc'ojlal 'ayex, yuj cha 'ix wi'n 'och wan yowl in c'ojl 'a eyib'an̈, sec wach' man̈ tuc in b'inaxi. Yuj cha, ma'ex in satli.

Dn 9:17

Ach qui Diosal, maclj wal ab' in lesal, yic tzin tew 'aych an a checb' in tic. Caw wal b'inab'ilch Mamin, ch'ox a wach'c'ojlal 'a yib'n̈ a cajnub' mac'b'il 'ejm lan̈chjoc.

Salmos 25:7

Ax pax jun tzo'n̈ in mul jun, man̈ a na coti, man̈ a na cot jun tzo'n̈ in tu nab'enal 'ix in b'o 'a yic quelm in 'unin. Tzin a na cot yet' a chamc'ojlal, yet' a wach'c'ojlal.

Ez 36:22

Ax ticnec, al yab' eb' et israelal tic, to an Jehová in, an tzwal 'ixtic: A tas 'oj in b'o', man̈ eyujoc tzin b'oni, palta wu'uj, yujto caw tu yaln eb' 'anma chi 'ayn eyu'uj, atn eb' 'aj tzex laj pucn coti.