Is 47:12 - Chuj San Sebastian Bible

¹² B'eylb'ej 'ajchumal cha, yet' tas cuyb'il oj 'a yictax cob'sal. 'Oj ela', toto 'oj 'och to yopiso jun chi o'oj, 'oj ela', toto 'ojt xiw eb' 'anma chi 'aych yu'uj.

Chuj San Mateo Bible

¹² B'eyb'alej ajchumal yed' ajb'aalil chi', aton juntzan̈ chi' a c'ayb'ejnac yictax cob'es ach. Ol vila' tato olto och yopisio uuj, ol vila' tato olto xiv eb' anima d'ayach yuuj.

Is 47:12 Referans Kwoze

Nahúm 3:4

'Ixta 'ix 'aj sjaw 'a yib'n̈ chon̈b' Nínive, yujto caw x'ixtx jun tzo'n̈ xo chon̈b' yu'uj. A wal eb' yajl 'a jun chon̈b' cha, caw jeln eb' 'a 'ajchumal yic tzya'n ganar eb' yoch jun tzo'n̈ xo chon̈b' 'a yaln̈ schecnb'il. Lajn yaj schon̈b' eb' 'icha junc 'ix 'ajmul 'ix tzmontj 'och winc 'a 'a, caw wach' yilxi, caw nib'b'il 'ix, 'ixta jun chon̈b' cha.

Jeremías 2:28

Ex 'aj Judá, ¿'ajtil 'ay jun tzo'n̈ e diosal e b'ojnac? ¡'Icha wal sb'isl e chon̈ab', 'ixta wal sb'isl eb' e diosal chi e b'ojnac! ¡Jaw cab' eb' quilnoc, ax quilni, toto 'oj stac' ex scoln eb', yic 'oj c'och stiempoal sjaw yailal 'a eyib'an̈!

Is 44:25

An tzwixtj 'el spaxti eb' 'ajchum, tzwixtn 'el pax snab'en eb' tztac' snan 'el junc paxti yalni. Tzwa'n pax somchjoc 'el snab'en eb' tzyal jelnal sb'a, caw tzsucb'i can 'el snab'en eb'.

Is 19:3

'Oj wac' somchjoc 'el snab'en eb', man̈x 'oj nachjoc 'el yuj eb' tas 'aj tzc'och eb'. Yuj cha, ax sc'anb'n sb'a eb' 'a eb' comn dios, 'a eb' wayjel, 'a eb' tzc'umn spixn eb' chamnac yet' 'a eb' 'ajchum.

Is 8:19

'Oj laj yal eb' 'anma chi 'ayx 'ixtic: C'anb'jec eyab' 'a eb' tz'acn snab'en, 'a eb' tzc'umn spixn eb' chamnac, atn 'a eb' tzsajsni sc'umn sb'a sch'ocoj, 'oj schic eb'. Ax eyaln 'a eb': ¿Tas yuj man̈oc 'a sDiosal jun tzo'n̈ 'anma tic tzc'anb'j sb'a? ¿tas yuj a 'a eb' chamnc chi tzc'anb'j sb'a eb' pitzan?

Ex 9:11

Ax ewin tzyal jelnal sb'a cha, man̈x 'ic sch'ox ewin yic 'a Moisés, yujto ya'ay ewin yuj yab'il, yet' smasnil 'anma 'a Egipto cha.

Ex 8:7

'Ixta 'ix yutj pax eb' tzyal jelnal sb'a chi yet' tas cuyb'il yu'uj, 'ix yij cot eb' no pajtza 'a yol yic Egipto.

Ex 7:11

Yuj cha, 'ix yawtn cot win rey chi ewin jelan, yet' ewin 'ay tas tztac' yu'uj, 'ix sb'on pax ewin yic 'icha xyutj Aarón yic cha.

Apoc 9:21

A jun tzo'n̈ 'anma cha, 'ay eb' milm cham 'anma', 'ay eb' 'ajchum. 'Ay eb' tzb'on 'ajmulal, 'ay pax eb' 'elc'um. Palta man̈ jac 'ix sna sb'a eb' yuj jun tzo'n̈ smul cha.

Salmos 129:1

Ex wit israelal, til wal jun tzo'n̈ yailal 'ix ya'ch eb' 'ajc'ojl chi 'a quib'n̈ec yic cochc can chon̈b'al. Calc cab' 'ixtic:

Dn 2:2

Yuj cha, xya'n win rey chi 'awtxoc cot eb' 'ay tas tztac' yu'uj, eb' wayjel, eb' tzyal jelnal sb'a, yet' eb' tzchumn yet' c'anal, sec tzyal eb' tas tzyal 'el'ch jun tzo'n̈ swaych win cha. Ax yic xjaw eb' 'a yojltac winac,

Dn 5:15

Yuj cha, ach wawtni, an tic xwawtj cot eb' tzyal jelnal sb'a yet' eb' tzchumn yet' c'anal, sec tzyawtj eb' jun tas tz'ib'b'il 'och tic, yic tzyaln pax eb' 'ayin tas tzyal 'el'chi, palta may junc eb' xnachj 'el yu'uj.

Miqueas 3:7

A wal jun tzo'n̈ checb' to 'a'm 'es cha, yet' eb' tztac' snan 'el paxti chi yalni, caw 'oj q'uixwc can 'el eb', sictac xoj 'oj 'ajcn eb' smasnil, yujto may jac spac 'oj scha eb' 'a Dios.

Nm 22:25

A yic xyiln pax sb'a no 'axna chi 'a jun yángel Jehová cha, 'ix squiln 'och sb'a no 'a sat q'uen q'uen chi 'a sti b'e cha. 'Ix sc'an̈tzan 'och no yoc win Balaam chi 'a sat q'ue'en. Yuj cha, 'ix sma'n pax win no jun 'ejm xo.

Ez 21:26

An tzwal 'ixtic: 'Oj 'ijxoc 'ec' te sc'oxl sjolm win sat ya'mal 'och sti eb' 'anma', ax yijx 'ec' a corona, 'oj 'ijxoc q'ue'ch eb' 'emmquilal yeq'ui, ax yijx 'ejm can eb' niwc winac, yowlal 'ixta 'oj 'ajoc.

Dn 2:11

Yujto a jun tic caw wal 'ajltac snachj 'eli, may junc mach tztac' yaln 'ayach. Cojn am eb' dios tztac' snachj 'el yu'uj, palta a eb' cha, man̈ 'ayc' 'ec' eb' 'a qui cal an̈ 'anman̈ tic, xchi eb'.