Is 46:13 - Chuj San Sebastian Bible

¹³ A colnb'il tzwac'a, la'n xo yaj wu'uj, man̈x najtoc yaj 'a e tz'ey, jab'xoj wal 'oj in colcn 'el Sión; wu'uj ax sb'inax pax chon̈b' Israel, xchi Dios.

Chuj San Mateo Bible

¹³ A colnab'il svac'a' toxo val tz'elc'och vuuj, man̈xo ol ec' tiempo in colan chon̈ab' Sion, ol b'inajxoc Israel tic vuuj, xchi Jehová.

Is 46:13 Referans Kwoze

Is 62:11

A Jehová, 'oj yac' alxoc 'ixtc 'a eb' 'anma 'ay 'a 'aj tzlajw c'och yolyib'n̈q'uinl tic: Alc 'ixtc 'a eb' 'aj Jerusalén: 'Iltec to wan sjaw jun e Colmal, yet' spac xyij yuj smunljel, 'oj xchic eb' 'a eb', xchi Dios.

Is 61:3

In jaw wul wac' scorona eb' 'aj Sión 'aych 'a scusc'ojlal, atn sniwnal sc'ojl eb' tz'ajx sjelc stan̈il c'ac' tzlaj yac' q'ue eb' 'a sjolom. Tzwa'n stzaljc'ojlal eb' sjelc yal sat, ax eb' 'ay somc'ojlal, a b'it yic alj wach' paxti', a tzwa'cn 'a eb'. Ax yalx yuj eb' to lajn eb' 'icha junc 'awb'ente 'awb'il yuj Jehová. 'Oj sb'o eb' tojlal, sec 'oj b'inaxc sb'i yuj eb'.

Is 12:2

Ach qui Diosal qui Colmal aji; tzach ca'ch yipc qui c'ojol, yuj cha, matz on̈ xiw on̈. A ticnec tzon̈ b'itn 'aych Mamin Jehová, yujto achn̈ej 'aych 'och quipc on̈, tzon̈ a coln paxi, 'oj e chioc.

Is 51:5

A ticnec, la'nxo yaj in b'eyc'ojlal, la'nxo pax yaj to 'oj in colwji, 'oj in b'eyc'ojloc jun tzo'n̈ chon̈b' tic yet' in poder. Ax eb' 'anma 'a lum chon̈b' 'ay 'a sti 'a mar, 'oj ya'ch eb' yipc sc'ojl in poder.

Is 44:23

A satcha'an̈, 'el cab' yaw sb'itn 'a tzaljc'ojlal yuj smasnil tas sb'ojnac Jehová. A xab'l yich lum lu'um, q'ue cab' yaw, ax eb' lum niwc witz, eb' lum tzalctac, yet' eb' te niwc te smasnil, ya'l cab' eb' yaw yuj tzaljc'ojlal. Yujto a Jehová tox 'ix sch'oxl stzictznial yic 'ix 'ajx 'el eb' israel 'a libre, atn eb' yin̈tl can Jacob.

Is 43:7

Atn smasnil eb' wico', an in pitzjnac 'el eb', in b'on eb', yuj yi'nb'ilc chan̈ in b'i, 'oj in chioc.

A Sb'ab'el Carta San Pedro 2:6

Yuj cha, 'ixtc yaj yaln can Dios 'a Ch'an̈ U'un̈: An 'oj wa'cn 'och jun q'uen q'uen yipnub'alc yich n̈a 'a Sión. A jun cha, sic'b'il 'el wu'uj, caw niwn yel'chi. A mach 'oj ya'ch jun chi yipc sc'ojol, ma'oj somchjc 'el yu'uj, xchi 'a Ch'an̈.

2 Ts 1:10

A 'a yic jun c'u yic 'oj jawc Cajlilec, caw niwn yel'ch 'oj 'aj 'a qui satc an̈ yic on̈c xo. Qui masnil an̈ creyente on̈ec, 'oj ca'c 'ejm qui b'a 'a 'a. Locn ex quet' ta 'on̈, yujto eya'jnac 'och e c'ojl 'a jun 'ab'x 'ec' caljnac 'ayx on̈.

Habacuc 2:3

Wach'xam a tas wan in ch'oxn 'aych tic, 'ayt sjaw stiempoal yuji, palta yowlal 'oj ujoc. Tan̈wj ela', wach'xam 'oj 'ec' tiempo, palta 'oj 'el'chn̈ej.

Jl 3:17

Ax tic 'oj eyojcoc 'eli, to an tic, Jehová e Diosal in, 'ayn 'ec' 'a tzaln Sión 'a 'aj tz'och 'emmquilal 'ayin. A Jerusalén tic, in chon̈b' 'oj 'ajcni. Man̈x 'a b'a'n̈ 'oj 'ejmc jun 'ejm xo yuj eb' chuc chon̈b'al.

Is 61:11

Yujto 'icha wal tz'aj spac' q'uet junc 'in̈t 'a yol lu'um, mto 'icha tz'aj sq'uel swol junc 'awb'ente', 'ixta 'oj yutc Jehová ya'n checljoc chan̈ stojlal, sec tzalx wach' paxti yuj eb' nacion̈ 'a 'a.

A Ch'an̈ Carta D'a Eb' Hebreo 10:37

Yujto 'ixtc tzyal 'a Ch'an̈ U'un̈: Jab'xoj wali, ax sjaw jun mach to yowlal 'oj jawoc, ma'oj 'ec' tiempo sjawi.

2 Ts 1:12

Toto 'ixta tzeyutj e b'a, 'oj alxc wach' paxti 'a Cajlil Jesucristo eyu'uj. Ax Cristo 'oj ex yal pax wach'il. 'Ixta 'oj eyaji, yujto a qui Diosalec, yet' Cajlil Jesucristo, 'oj yac' swach'c'ojlal 'ayx quet' on̈.

Ef 1:6

Yuj cha, tzcalc wach' paxti 'a 'a, yujto caw niwn yel'ch swach'c'ojlal. 'Ix ch'ox wal swach'c'ojlal tic 'ayn̈ec, yujto junxn̈ej cajc yet' Yunnal, atn jun caw chamc'ojlb'il yu'uj.

Ro 1:17

A jun wach' 'ab'x tic, a tz'a'n nachjc 'el cujec, to tzon̈ yalc Dios wach'il, yujn̈ej to tzca'c 'och qui c'ojl 'a 'a. May junc xo tas tzqui b'o'ec cojn to tzqui wach' 'a'jec 'och 'a qui c'ojol. Yujto 'ixtc yaln 'a Ch'an̈ U'un̈: A eb' tz'a'n 'och Dios 'a sc'ojol, wach' eb' 'a sat. Yuj wal cha, 'ay sq'uinl eb' 'a jun 'ejmn̈ej, xchi Dios 'a Ch'an̈.

Jn 17:10

Jantcn̈ej eb' wico', ec xo pax yaj eb'. An̈jtona eb' eco', wic pax eb' et'oc. Atn eb' tic tzch'oxn 'eli, to caw niwn wel'chi.

Hageo 1:8

'Ixquec 'a lum calcte', tzeyi'n cot te te ta', yic tze b'on pax chan̈ watut jun 'ejm xo. 'Ixta to b'i'an, ax in can cajn ta 'a tzaljc'ojlal, ax eyi'n chan̈ in b'i ta'.

Jeremías 33:9

A Jerusalén tic, caw 'oj tzaljc in c'ojl yu'uj, 'oj wac' junc'ojlal 'a 'a. A wal yic 'oj yab'nc smasnil eb' nacion̈ yuj tas niwn yel'ch 'oj in b'o 'a 'a, caw 'oj yal eb' wach' paxti 'ayin, ax in sb'inan eb' si'mb'il. Palta caw 'oj satcn sc'ojl eb', 'oj 'ib'xoc eb' yuj xiwlal, yic 'oj yilnc eb', xchi Dios.

Is 60:21

A smasnil eb' eyit chon̈b' 'a jun tiempoal cha, caw wach'n̈j 'oj 'aj snab'en eb'. 'Oj yico'oc pax eb' lum e lum chi 'a jun 'ejmn̈ej. Lajn wal eb' 'icha swol junc 'awb'ente', sec tzin b'inax yuj eb'.

Is 28:16

Yuj cha, tzyaln Jehová 'ixtic: An 'oj wa'cn 'och jun mach yipnub'alc 'a Sión, lajn jun chi 'icha junc q'ue'en. A jun cha to niwn yel'chi, sic'b'il 'el wu'uj yic tz'och 'a schicn n̈a. May b'an̈ 'oj satl jun yich 'aycn 'ejm cha. A eb' tzya'ch jun mach chi yipc sc'ojol, may b'a'n̈ 'oj somchjoc eb'.

Salmos 46:5

A Dios 'ayc'n̈ej 'a jun chon̈b' cha, a tz'a'n yip; a tz'och yet'oc yic tzsacb' pax 'eli.

Salmos 46:1

A Dios a 'aych quen̈loquec, a pax 'aych quipquec, a tz'och pax quet'ec yic 'ay qui somc'ojlal.

Salmos 14:7

A cab' 'a tzaln Sión, ata tzcot qui colnb'il an̈ israel on̈c tic. A yic 'oj ya'nc pax Jehová swach'c'ojlal 'a quib'n̈ec jun 'ejm xo, caw 'oj qui tzaljec an̈ yin̈tl on̈c can Jacob tic.

Salmos 85:9

Caw wal b'ecn sc'ojl Dios scolwj 'a eb' tz'och 'emmquilal 'a 'a, sec 'oj checljoc cha'an̈, to 'ayc' 'a qui calc yet' spoder.

Is 54:17

Palta ach xo tic, may xon junc mach tztac' sb'on junc yamc'ab' tztac' ach satn 'eli. A eb' tzach cob' 'a'n queja, sictac xoj 'oj 'ajcn eb' o'oj. Atn jun tic tzwac' in ti wa'n 'a eb' in checab', an Jehová in, an 'oj in col-l eb', xchi Dios.

Is 56:1

'Ix yaln Jehová 'ixtic: B'eylb'ejc tas tojol, a cab' tas wach' tze b'o'o, yujto jab'xoj wal 'oj ex wa'l 'a libre; 'oj in ch'ox in poder ex in coln 'eli.

Is 62:1

Yuj wal in chamc'ojlal 'a Sión, yuj cha, man̈toc sictac tzin 'aji. Yuj in chamc'ojlal 'ayx ex 'aj Jerusalén, yuj cha, ma'oj wilji, masnto 'oj checljoc chan̈ e tojlal, 'icha wal yic tzsacb'i. Ax e colnb'il, 'oj checljoc chan̈ 'icha wal sn̈ilchj junc tziclab' taj, caw tzyac' sacq'uinlal.

Jl 2:32

Palta ax smasnil eb' tzyal sb'a 'ayn an Jehová in, 'oj colchjoc can 'el eb'. 'Icha wal yaj waln cani, to a 'a tzaln Sión 'a Jerusalén, 'ay eb' 'oj colchjoc, a eb' sic'b'il 'el wu'uj, ma'oj cham eb'.

Miqueas 7:9

'Ix 'och qui mulc 'a Jehová, yuj cha, 'oj ca'c techjoc yowl sc'ojol, masnto 'oj on̈ sb'eyc'ojloc, ax on̈ sb'onec yaji. 'Oj yac' Jehová quilc sacq'uinlal, 'oj quilc tas 'oj yutc on̈ scolnec 'eli.

Salmos 85:10

'Oj sch'ox Dios schamc'ojlal 'a scal eb' schon̈ab', ax yoch eb' yiclumal 'a 'a. A eb' 'anma tojl sb'eyb'al, 'oj scha eb' sjunc'ojlal Dios.

Is 45:8

An 'oj wa' cot tojlal 'a satcha'an̈, 'icha tz'aj scot chicb'cha'an̈, 'icha pax tz'aj scot n̈ab' 'a scal 'asun, ax lum lum tzchan yemli. Niwtj cab' colnb'il 'icha sat te 'awb'ente', ax tojlal, pojl cab' 'icha te snich te', yujto an Jehová in, an 'oj wac' 'el'choc, xchi.

Is 60:9

A jun tzo'n̈ 'oj eyil cha, atn te barco tzcot 'a jun tzo'n̈ xo chon̈b' 'ay 'a sti a mar, b'ab'l eb' te yic Tarsis yuj eb' te'. Ata ajun eb' eyit chon̈b' yet' eb' 'anma cha, yet' eb' oro, yet' eb' plata, yuj yi'nb'ilc chan̈ in b'i an Jehová in. An e Diosal in, to Cojxn In Ton Dios In, an 'ixta 'oj wutc ex wa'n b'inaxc paxi.