Is 46:1 - Chuj San Sebastian Bible

¹ A jun yechl comn dios tzcuch Bel, tox 'ix 'em pacnjoc; ax jun yechl comn dios tzcuch Nebo, tox 'ix telw 'ejm 'a sat lu'um. A jun tzo'n̈ yechl comn dios cha, a no chej tzcuchnb'ey eb', caw 'al jun tzo'n̈ chi 'a no, tzc'unb' no 'a yalan̈.

Chuj San Mateo Bible

¹ A sdiosal eb' aj Babilonia scuch Bel, q'uixvelal ix ajcani, axo sdiosal eb' aj Nebo, man̈xalaj yelc'ochi. A juntzan̈ comon dios chi', ix tzec'jioch d'a yib'an̈ yicatz noc' b'uru al yaji, c'unb'inac noc'.

Is 46:1 Referans Kwoze

Jeremías 51:44

'Ix yaln Dios 'ixtic: 'Oj wa'ch wal yailal 'a yib'n̈ Bel, atn sdiosal Babilonia. 'Oj wac' xejc q'uet tas b'uc'b'il 'ejm yu'uj, man̈x 'oj wul 'ilxoc yuj jun tzo'n̈ xo nacion̈. 'Oj lan̈chjoc 'ejm smuroal Babilonia cha.

Is 21:9

Ax ticnec, tzwil scot jun winc yet' jun caruaje toc'b'il yuj chawn̈ no chej, xchi. Xlajw cha, xyaln jun winc ajun 'a jun caruaje chi 'ixtic: 'Ix 'ejm Babilonia, 'ix lajw 'ejmi. Smasnil jun tzo'n̈ yechl comn dios 'a jun chon̈b' cha, choc' x'ajcn spoj 'a sat lu'um, xchi.

Jeremías 50:2

Alc 'el jun 'ab'x tic, 'a'c yojcoc 'el eb' nacion̈. 'Ijec chan̈ e bandera, tzeyaln 'eli, man̈ e c'ub'c 'eli, alc 'ixtic: A Babilonia caw 'oj lajwc 'eli. A jun dios tzcuch Bel, 'oj 'el sq'uixwel, ax jun dios tzcuch Marduc, 'oj xiwoc. A sdiosal eb' 'aj Babilonia cha, caw 'oj can eb' 'a q'uixwc'ojlal. A jun tzo'n̈ yechl cha, 'oj ma'xoc poj eb', xe chi.

Jeremías 51:52

Palta an Jehová in, an tzwala: 'Oj jawc wal jun c'ual yic 'oj wa'nc 'och yailal 'a yib'n̈ sdiosal eb' 'aj Babilonia, yet' 'a smasnil yol smacb'en, a eb' 'anma 'oj lajwc cha, caw 'oj 'el yaw eb'.

Jeremías 51:47

'Ixta wal 'oj 'aj sjaw sc'ul wa'n 'och yailal 'a yib'n̈ jun tzo'n̈ sdiosal eb' 'aj Babilonia. Smasnil jun nacion̈ cha, caw 'oj 'el sq'uixwel, 'oj b'ut'joc 'el yol chon̈b' chi yuj sniwnal eb' chamnac.

Jeremías 10:5

A jun tzo'n̈ yechl cha, lajn eb' 'icha xib'tnub'al ch'ic 'a scal junc 'awb'en. Matz tac' spaxtini, yowlal to tzcuchx b'eyc'oc, yujto matz tac' sb'eyi. Man̈ ex xiw 'a jun tzo'n̈ cha, yujto matz tac' sb'on tas tu', matz tac' pax sb'on tas wach', xchi Dios.

Is 2:20

A 'a jun c'u cha, a eb' 'anma', 'oj laj sjulcn 'at eb' jun tzo'n̈ yechl comn dios 'a scal no ch'o'ow yet' 'a scal no sotz'; atn jun tzo'n̈ b'ob'il yuj eb' 'a q'uen oro mto plata, jun tzo'n̈ 'aj xlaj yal sb'a eb'.

A Ch'an̈ B'ab'el Libro Samuel 5:3

Ax 'a junx c'u, 'ix seb' c'och eb' 'aj chon̈b' Asdod 'a 'aj 'ay sdiosal eb' cha, ax xyiln eb', n̈ojn 'ec' Dagón chi stelw 'a yojltac te scaxail strato Jehová cha. 'Ix si'n chan̈ eb', 'ix ya'n pax 'och eb' 'a yet'l 'aj 'ay.

Ex 12:12

An Jehová in, an tzwala: To a wal 'a jun 'ac'wl cha, 'oj wec' 'a yol yic Egipto tic smasnil. 'Oj 'ec' in mil cham sb'ab'l 'unnal junjn 'anma 'a junjn n̈ail, yet' sb'ab'l 'une no cajb'en noc', ax wa'n lajwc 'ejm sdiosal eb' 'aj Egipto tic.

Mt 23:4

A jun tzo'n̈ schecnb'il eb', lajn 'icha junc 'ictz caw 'al, toxn matz q'ue xon jac cu'uj. Tztusb'tzej eb', tzya'n eb' qui cuchu'. Palta toxn matz ya'ch eb' jac yune sc'ab' st'un̈n chan̈ jac quictz cha. 'Ixta tzyutj eb' ya'n qui yiclc jun tzo'n̈ checnb'il caw ya.

Is 2:18

ax ya'n satl smasnil jun tzo'n̈ yechl comn dios cha.

Is 30:6

Yaljnac Dios 'ixtc yuj no 'ictzum noc' tzlaj 'ec' 'a sat lum Neguev: A jun lugar cha, caw wal 'ay smay. Ata cajn 'ec' no león, til wal yel yaw no ta', 'ay no niwc chan, yet' no chan tzlaj jen̈wi. Ata tzb'ey no chej yet' no cameyo tzlaj cuchnc 'at sricoal chon̈b' Judá, yic tzya'n siylab'oc 'a Egipto, jun chon̈b' to matz colwj jab'oc.

Is 45:20

Tzyaln pax Dios 'ixtic: Jantcn̈ej mach 'atnc can 'eloc, molb'tzejc e b'a, tzex coti. Caw wal may jac e nab'en, yuj cha, a te te tzeya'ch e diosaloc, tzlaj e b'achnb'eyc'oc, tzeyaln e b'a 'a jun dios to matz tac' scolwji.

Is 46:7

Tzya'n q'ue 'a sjolm squelab', tzyi'n 'ati, tzya'n q'ue 'a sat junc mexa, sin̈n̈i tzyutj can 'a yet'ul sec matz 'ib'xi. Wach'xam jantc yawj 'och jun 'ay yic chi 'a 'a, yic tzc'ann scolwal, palta matz ta'w xon jun yechl cha, matz tac' scolx 'el jun chi 'a syailal yu'uj.

Jeremías 50:38

Tup cab' 'ejm yal eb', tacj cab' chan̈ yet'l a', yujto a Babilonia, schon̈b'al jun tzo'n̈ comn dios yajb'entac yilxi. Yuj jun tzo'n̈ cha, tzsucb'i 'el snab'en eb'.

Dn 3:14

'ix sc'anb'n win 'a eb' 'ixtic: —¿Tom yel, may yel'ch in diosal 'ayex, matz eyac' 'ejm e b'a pax 'a jun yechl in diosal nab'a oro 'ix wac' 'ajxoc b'o'oc?

Dn 11:8

An̈jtona', 'oj yi't pax 'a Egipto jun tzo'n̈ q'uen q'uen tenb'il b'o sdiosalc eb', yet' q'uen oro yet' q'uen plata tzc'anlb'ax 'a jun tzo'n̈ sdiosal eb' cha. 'Oj 'ec' jaye'oc ab'il yuj eb', yic may owl 'a scal chab' nacion̈ cha.

Nahúm 1:14

A Jehová a tzaln 'ixtc 'a win sreyl Nínive: Man̈x 'a junc en̈tl 'oj b'inanc a b'i. 'Oj in satl jun tzo'n̈ a diosal 'a yol yatutal 'aj 'aychi, checl xo yaj et'l 'aj 'oj a mucxi, yujto caw yajb'entac ach, xchi Dios.

Job 39:11

¿Tom yuj caw 'ay yip no', yuj cha, ax cob' a'nc yipc a c'ojl no yuj a munljel?