Is 45:22 - Chuj San Sebastian Bible

²² Jantcn̈ej ex cajn ex 'a 'aj tzlajw c'och sti lum lu'um, cotn̈ec 'ayin, 'oj ex in colo', cojn in ton Dios in, may junc xo.

Chuj San Mateo Bible

²² Jantac ex cajan ex b'aj slajvic'och lum luum tic, ojtaquejec in eli, ol ex in colo', yujto A inn̈ej Dios in, malaj junocxo.

Is 45:22 Referans Kwoze

Jn 6:40

An tic, Yunnaln Dios. Yuj cha, jantcn̈ej eb' tz'och q'ueln 'ayin, toto tzin ya'ch eb' 'a sc'ojol, tznib'j in Mam cha, to tzchaj eb' sq'uinl 'a jun 'ejmn̈ej. Yuj cha, an 'oj wac' pitzwc pax chan̈ eb' 'a slajb' c'ual, xchi Jesús 'a eb'.

Miqueas 7:7

Palta an xo pax an tic, a Jehová 'aych yipc in c'ojol. Cojn Dios in Colmal yaji, a yipc'ojlal yaj wu'uj, yujto 'oj yab' tas 'oj wala'.

A Ch'an̈ Carta D'a Eb' Hebreo 12:2

Ca'c 'at qui nab'en 'a Jesús, yujto a tz'a'n ca'c 'och qui c'ojl 'a 'a. Yu'uj, caw tz'acn tzcutjec ca'n 'och 'a qui c'ojol. 'Ix yab' syal 'a te culus. Ma'ix sna jab'oc toto q'uixweltac x'aj schami, yujto yojtac, a yic tzlajw yab'n syal cha, caw tzaljc'ojlal yico'. Ax ticnec, wocn 'ejm 'a sdespacho Dios 'a swach' c'ab'.

Zacarías 12:10

'Oj wac' jun espíritu yic wach' nab'enal 'a eb' yin̈tl David yet' 'a eb' cajn 'a Jerusalén, sec wach' 'oj leslwoc eb' 'ayin. Ax yic 'oj in yilnc eb' tecjnac in, 'oj 'oc' eb' 'icha yoc' junc mach tzcham jun c'otn̈ yunnal, mto yuj junc sb'ab'l 'unnal.

2 Cr 20:12

Ach qui Diosal on̈, 'el cab' 'a a c'ojl a'n 'och yailal 'a yib'n̈ eb'. Yujto an̈ tic on̈, may wal quip yic tzqui te'wtzan qui b'a 'a sat eb' soldado caw niwn sb'isl cha, atn eb' tznib'j tzyac' owl quet' on̈. Man̈ cojcoc tas 'oj cutc qui b'a on̈, yuj cha, a wal 'aych tzca'ch qui nab'en, xchi win rey 'a Dios.

Is 45:21

Paxtinan̈ec, alec tas chi eyojc cha, c'anb'jlajec 'ayex, jun lajn tzeyutj eyalni. ¿Mach aljnac 'el jun tzo'n̈ tic 'a yictax yel yich sb'o smasnil tas? ¿Mach aljnac 'el 'a yictax pecti'? ¿Tom man̈ oquin an Jehová in 'ix wal-l jun tzo'n̈ tic? May junc xo Dios, To Cojxn In Toni. Cojn in tzwac' 'el'choc tas tzwala yic tzex in coln 'eli.

Tito 2:13

Qui tan̈wc sjaw jun c'u yic tzaljc'ojlal, yic 'oj jawc qui Diosal caw niwn yel'chi, atn qui Colmal Jesucristo.

Is 49:6

'Ix yaln 'ixtc 'ayin: In checb' ach, palta man̈ yujocn̈ej a tojlb'tzan pax eb' yin̈tl Jacob 'a 'icha xon yaji, yic tze'n pax meltzjoc jaywn̈ xo eb' cann̈cto can 'a Israel, palta yuj pax ach wa'n 'och sacq'uinlal 'a jun tzo'n̈ xo nacion̈, masnto 'a 'aj tzlajw c'och yolyib'n̈q'uinal, tze'n pax 'at colnb'il ta', xchi 'ayin, xchi jun schecb' Dios cha.

Salmos 65:5

Ach qui Diosal on̈, qui Colmal aji, ach tzon̈ a ta'wej, tzon̈ a b'onyaj yet' tas satjub'tac yilxi. Smasnil eb' 'anma cajn 'a sat lum lum tic, yet' eb' cajn 'a sc'axpil 'ec' a mar, 'oj ach ya'ch eb' yipc sc'ojol.

A Schab'il Carta San Pedro 1:1

An tic Simón Pedro in, ya'mal in servil Jesucristo. Schecb' in paxi. Tic tzin tz'ib'j 'at jun in carta tic 'ayx tzeya'ch e c'ojl 'a Dios quet' on̈. Caw niwn swach'l eyic quet' on̈, yujto 'aych qui c'ojlec 'a 'a. 'Ixta tzon̈ 'ajec, yujto a qui Diosalec, atn qui Colmal Jesucristo, caw tojl snab'en.

Salmos 22:17

Tztac' in b'isn smasnil in b'aquil. Ax eb' 'ajc'ojl cha, caw tzalj eb' in yiln 'ochi.

Is 49:12

'Iltec, 'ay jun tzo'n̈ 'anma tzcot 'a caw najat, 'ay eb' tzcot 'a stojlal norte, 'ay eb' 'a stojlal 'aj tz'em c'u, 'ay pax jun tzo'n̈ xo eb' tzcot 'a yol yic Sinim.

Is 30:15

A Jehová qui Diosal an̈ israel on̈c tic, jun Dios To Cojxni, a tzaln 'ixtic: Meltzjan̈c cot 'ayin, tzin eya'n 'och yipc e c'ojol, man̈ ex 'och 'il, sec 'ixta 'oj eyaj e colchji, xchi. Palta ax xo tic, ma'ix e chaj eyab'i'.

Is 43:6

'Oj wal 'a eb' chon̈b' 'ay 'a stojlal norte 'ixtic: 'A'c meltzjoc eb' in chon̈ab', 'oj in chioc. Ax 'a eb' chon̈b' 'ay 'a stojlal sur, 'oj wal 'ixtc 'a eb': Man̈ eyamch wan eb', 'ijec cot eb' wunnal yet' eb' wisl 'aycn 'at 'a caw najt cha, eb' 'ay 'a 'aj tzlajw c'och yolyib'n̈q'uinal.

Is 52:10

A Jehová, tox 'ix sch'ox spoder yil smasnil nacion̈. 'Oj yojcoc 'el smasnil 'anma 'a yolyib'n̈q'uinl tic, chajtlto a Dios on̈ colnec 'eli.

Is 55:5

Ax 'a yic b'aq'uin̈, 'oj eyawtc cot eb' 'anma man̈ eyojcoc. A eb' 'anma man̈ ex 'ojtnacc cha, caw yajn̈ej ax sjaw eb' 'ayx muc'uc, yujto an Jehová in, Cojxn In Ton e Diosal In, an tzex wac' 'ijxoc chan̈ yet' e chon̈ab', xchi Dios.

Is 55:6

'A'c 'och Jehová yipc e c'ojol, ya' sb'a chab'ilx to yu'uj, 'awjan̈c 'a 'a, ya' sb'a to la'nto yaj 'a e tz'ey.

Is 60:3

A jun tzo'n̈ nacion̈ cha, 'oj jawc eb' 'ayx yuj jun sacq'uinl cha, ax eb' rey, 'oj jawc eb' 'ayx yuj in tzictznil 'oj checljoc chan̈ 'a e cal.

Jeremías 33:16

A 'a yic jun tiempoal cha, a eb' 'aj Judá 'oj colchjoc can 'el eb', ax eb' 'aj Jerusalén, man̈x 'a tas 'oj 'i'noc eb'. Atn jun b'i tic 'oj 'ajxoc 'a eb' 'ixtic: A Jehová Tzon̈ B'onyajec 'A Stojlal, xchi.

Os 13:4

'Ix yaln Jehová eyuj 'ixtic: An Jehová e Diosal in, yictax 'ayc' eb' e mam eyichm 'a Egipto, may junc xo tas xya'ch eb' sdiosaloc, palta cojn in. Cojn in ton sColmal eb' waji.

Miqueas 5:4

A jun yajl cha, 'oj q'ue wa'an, ax ya'n Jehová qui Diosal yopiso yet' spoder 'a 'a, yic stan̈wni eb' schon̈ab' sec tzcan eb' 'a junc'ojlal, yujto a jun yajl cha, caw niwn 'oj 'aj 'el'ch 'a scal chon̈ab', masnto 'aj tzlajw c'och lum lum tic.

Salmos 22:28

yujto Rey ach. Ach tzac' yajlil 'a yib'n̈ smasnil nacion̈ 'a yolyib'n̈q'uinl tic.

Salmos 65:6

Yuj a poder caw tzatz 'ix otj can lum niwc witz 'a yet'ul.

Is 41:22

Cotn̈ec, wul alc 'ayn̈ on̈ tas ujnac 'a yic yaln̈taxi, 'oj qui cha cab' 'ayex, wul alc tas 'oj ujc 'a yic b'a'n̈ cha, yic wach' 'oj quilc tas 'oj 'aj slajw 'el'chi.

Is 45:5

Cojn in ton Jehová in, may junc xo. May junc xo Dios, Cojxn In Toni. An 'oj wac' ep, wach'xam man̈ in ojcoc.