Is 45:19 - Chuj San Sebastian Bible

¹⁹ An tic, man̈ c'ultacloc tzin paxtini, man̈oc pax 'a q'uic'q'uinl 'a yol lum 'aj tzwala. May tas waljnac 'a eb' yin̈tl Jacob 'ixtic: Saynec 'ec' 'a nab'an̈ej, man̈ xin chic 'a eb'. An Jehová in tic, an̈j tas yel, yet' tas tojol, an̈j tzwala, xchi Dios.

Chuj San Mateo Bible

¹⁹ A in tic, man̈ elc'altacoc tzin loloni, man̈oc pax d'a q'uic'alq'uinal d'a yoltac lum luum. Malaj tas valnac d'a eb' yin̈tilal Jacob icha tic: Man̈ in e comon sayejeq'ui, man̈ xin chioc d'a eb'. A in Jehová in tic, an̈ej tas yel yed' tas tojol svala', xa chi.

Is 45:19 Referans Kwoze

Is 48:16

Cotn̈ec 'a in tz'ey, tze maclni eyab' tas 'oj wala': Yictax pecti', may junc tas 'ix wal 'a c'ultaquil. A yic tzuj smasnil jun tzo'n̈ tic, 'ayn 'ec' xon ta', xchi Dios. A ticnec jun, checb'il in cot yuj Jehová Dios yic tzwaln jun tic yuj spoder Yespíritu.

Am 5:4

Meltzjan̈c 'ayin, sec ma'oj e chami.

Jn 18:20

Ax Jesús, 'ix yaln 'ixtc 'a winac: —A jun tzo'n̈ cuynb'il tic, 'in 'ix wal 'elt 'a scal eb' 'anma smasnil. Smasnil tiempo tzwal 'elt 'a yol jun tzo'n̈ e capiya, yet' 'a yamq'uil yatut Dios, 'a 'ajtil tzyam sb'a eb' quit israelal smasnil. May junc tas 'ix wal 'a c'ultaquil.

Pr 30:5

A Dios a tztan̈wni eb' tz'a'n 'och sc'ojl 'a 'a, smasnil tas 'aj tzyac' sti', smoj wal ca'nec 'och yipc qui c'ojol.

Salmos 9:10

A eb' tox ach 'ojcan 'eli, 'aych 'och yipc sc'ojl eb', may b'a'n̈ tzactj can eb' tzc'ann a colwal.

Santiago 4:3

Wach'xam tze c'ana, palta matz 'ajx 'ayex, yujto maysch'olnil tzeyutj e nab'en yic tze c'anni. Enani to 'oj 'ajxoc 'ayex, yic tze lajn 'a spatc jun tzo'n̈ maysch'olnil tze nib'j 'ochi.

Pr 15:8

A eb' maysch'olnil sb'eyb'al, matz chaj sc'ojl Jehová xajmb'al eb', ax pax eb' tojl snab'en, caw tzchaj sc'ojl yab'n slesl eb'.

Salmos 69:32

A yic 'oj 'ilxoc jun tic, caw 'oj tzaljoc sc'ojl eb' 'ay scusc'ojlal. Toto 'oj yal sb'a eb' 'a in Diosal, 'oj yac' ste'nal snab'en eb'.

Is 8:19

'Oj laj yal eb' 'anma chi 'ayx 'ixtic: C'anb'jec eyab' 'a eb' tz'acn snab'en, 'a eb' tzc'umn spixn eb' chamnac, atn 'a eb' tzsajsni sc'umn sb'a sch'ocoj, 'oj schic eb'. Ax eyaln 'a eb': ¿Tas yuj man̈oc 'a sDiosal jun tzo'n̈ 'anma tic tzc'anb'j sb'a? ¿tas yuj a 'a eb' chamnc chi tzc'anb'j sb'a eb' pitzan?

Is 1:15

A yic tzcob' ex leslwi, tzlaj cob' e mojchan̈ e c'ab' 'ayin, palta 'oj in c'ub'c 'el in sat 'ayex. Wach'xam cob' niwn tas tzeyal 'a e lesl cha, ma'oj wab'i', yujto milm ex cham 'anma'.

Salmos 69:13

Palta an xo tic Mamin Jehová, a 'aych tzin leslwi. Ach in Diosal colwjan̈ wet' ticnec. Caw niwn a chamc'ojlal, ta'wj in yujto 'aych 'ochn̈ej wet'oc, yuj cha, coln 'el ticnec.

1 Cr 28:8

A ticnec jun, 'a e sat e masnil ex wit israelal, ex schon̈b' Jehová, yet' 'a yojltac qui Diosalec tzon̈ 'ab'ni, cham wal waln 'ayex, to tze cuy smasnil schecnb'il Jehová qui Diosal, tzeyiclni paxi, sec wach' 'oj e caj jun chon̈b' to man̈x jantcoc swach'l tic, ax xo 'oj eya'cn lum smacloc eb' eyunnal 'a smasnil tiempo.

Jn 7:28

Yic 'ix yab'n Jesús jun tzo'n̈ cha, 'ix yaln jun tzo'n̈ xo cuynb'il tic 'a eb' 'ay 'a yamq'uil yatut Dios cha, 'ix yaln 'elt 'ixtc 'a scal eb': —Yel ton jun, eyojc in. Eyojc ton pax 'aj cotnc in. Palta man̈ munoc in jaw 'a yol wico'. To a Dios, atn jun caw yel, a checjnacn coti. Palta a jun cha, man̈ eyojcoc.

Jn 7:26

Palta 'in yaj win 'a tic, wan spaxtin 'elt win 'a qui calec. Palta may jac owl tzyac' ewin yet'oc. Lemb'il 'ix ya'ch ewin yajl chi sc'ojl 'a 'a, chajtlto a Cristo.

Is 63:1

An Isaías in tic, xin c'anb'n 'ixtic: —¿Mach jun chi tzcot 'a niwquil chon̈b' Bosra, 'a yol smacb'en Edom, chac spichl 'aychi, caw wal 'ay xo smay yilxi? Caw wal niwc winc sjawi, tzjaw yet' smasnil yip, xin chi. Xta'w jun chi 'ixtic: —An tic Jehová in, 'ay waln wic in b'eyc'ojlwi, tztac' pax ex in coln 'el yet' in poder, xchi.

Is 45:23

Mun tzin loc in b'i, yic tzwa'n in ti', to yel tas tzwala, ma'oj in jel in paxti'. 'Oj 'em cumn smasnil 'anma 'a wojltac, ax ya'n eb' sti 'ayn smasnil.

Salmos 24:6

Yowlal 'ixta 'oj sb'o eb' nab'il Dios yu'uj, atn eb' tznib'j tzc'och 'a yojltac qui Diosalec an̈ yin̈tl on̈c Jacob tic.

Salmos 12:6

A tas alb'il oj Mamin Jehová, tztac' ca'n 'och yipc qui c'ojl on̈, yujto lajn 'icha q'uen plata si'mb'il yaj stz'a'i, man̈x 'a jac slumal tzcan 'a 'a, uc 'ejm tz'ajx tz'a 'a yol jorna.

Esdras 8:22

Tox 'ix calc 'a win rey cha, to a qui Diosalec a tztan̈wni mach tz'och 'emmquilal 'a 'a, palta tzcot yowl sc'ojl 'a mach matz yiclni tas tzyala. Yuj cha, tzin q'uixw in c'ann in soldado 'a win rey, atn eb' tzb'ey 'a yoc, yet' eb' tzq'ue 'a yib'n̈ chej yic tzon̈ stan̈wni eb' 'a yol b'e, xin chi 'a eb'.

2 Cr 15:2

'Ix 'elt wul scha win Asa, 'ix yaln 'a 'ixtic: 'Ab' tas 'oj wal 'aych mamin Asa, yet' e masnil ex wit chon̈b' 'aj Judá, yet' ex yin̈tl Benjamín. A Jehová 'aych ton wal quet'ec, toto a wal yet' 'ayn̈ec 'ochi. Toto tzcalc qui b'a 'a 'a, 'oj yab' tas tzcalec. Palta toto 'oj cactquec cani, 'oj on̈ yactc can paxi.

Dt 32:4

'Icha junc q'uen niwquil q'uen 'aych quen̈loc, 'ixta yaj Jehová 'ayn̈ec; tz'el'chn̈ej tas tzyala, caw tojln̈ej tas tzb'o'o. A Dios wach'n̈j tzyutj paxtinc sb'a, matz yac' 'es; tojln̈ej 'a smasnil.

Dt 29:29

'Ay jun tzo'n̈ tas man̈ cojcoc: A jun tzo'n̈ cha, yic Jehová qui Diosalec yaji; 'ay pax jun tzo'n̈ tas tz'ajx cojcoc 'eli, tz'ajx pax yojcoc 'el eb' cunnalec, sec tzqui yicljec 'a smasnil tiempo; atn smasnil checnb'il yet' jun ley tic.

Pr 8:6

'Ab'c wal si'mb'il, to 'oj wal jun tzo'n̈ tas caw niwn yel'ch 'ayex, man̈x jantcoc swach'l yalxi.

Salmos 78:34

A yic tzcham jaywn̈oc eb', ax nan̈locx eb' 'ix yal sb'a eb' 'a Dios. 'A smasnil sc'ojl eb' 'ix meltzj eb' 'a 'a.

Is 43:12

An waljnac to 'oj ex in colo', ax ticnec 'elnc c'och jun cha. In testigo eyaji, to an xwac' 'el'choc, man̈oc junc comn dios aljnac.

Is 44:8

Man̈ex xiwoc, te'n tzeyutj e b'a, ax tic in testigo ex, to waljnac jun tic 'ayx 'a yictax pecti'. ¿Tom 'ay junc xo dios, mto 'ay junc xo colwjum? Cojxn In Toni, may junc xo mach wojtac, xchi Dios.

Is 45:25

Cojn 'ayn an Jehová in, ata 'oj yic' eb' yin̈tl Israel tojlal, 'oj yac' eb' tzaljoc sc'ojl wu'uj, xchi Dios.

Is 65:9

'Oj wactc can jaywn̈ocx eb' yin̈tl Jacob, sec wach' 'ay eb' 'anma cajn 'a eb' lum jolmctac witz 'a yol yic Judá. A eb' sic'b'il 'el wu'uj, 'oj can cajn eb' 'a lum lum tzwac' yico'oc cha, 'oj can cajn eb' in checb' chi ta'.

Jeremías 2:31

(Ex yin̈tl can Israel, macljec eyab' tas tzwal 'ayx an Jehová in tic.) ¿Tom 'icha wal junc lum cusltac lum waj 'ayex? ¿mto 'icha junc lum lum 'ay smay? Ex in chon̈ab', ¿tas wal yuj tzeyal 'ayn 'ixtic: Mun quic qui b'a on̈, man̈x 'a b'a'n̈ 'oj qui meltzj 'aych on̈? xe chi.

2 Cr 7:14

palta toto 'oj eyic' 'ejm e b'a, ax sb'inax in b'i eyu'uj, tzex leslwi 'ayin, tzeyaln e b'a 'ayin, tzlajw cha, tze jeln e b'eyb'al. Toto 'ixta', 'oj wab' e lesl 'a satcha'an̈, ax wa'n lajwc e mul, ax wa'n pax yaxb'oc e lu'um.