Is 44:21 - Chuj San Sebastian Bible

²¹ Tzyaln pax Dios 'ixtic: Ex israel yin̈tl can Jacob, nacc coti, chajtlto in checb' ex, an in b'ojnac ex, sec tzex 'och in checb'oc. Ex israel may b'a'n̈ 'oj wac' sat in c'ojl 'ayex.*f13*

Chuj San Mateo Bible

²¹ Ex israel, yin̈tilal Jacob, naeccoti to in checab' ex, a in in b'onac ex yic tzex och in checab'oc, mocab' in b'at satc'olal eyuuj.

Is 44:21 Referans Kwoze

Zacarías 10:9

Wa'jnac sactzic can 'at eb' 'a scal jun tzo'n̈ nacion̈. Wach'xam najt 'ay eb', palta 'oj in sna cot eb'. 'Ay wal jun c'ual 'oj meltzjc paxt eb' yet' yunnal.

Is 43:15

Ex israel, an Jehová in, an b'ojnac ex, e Diosal in, e Reyl in paxi, xchi Dios.

Is 43:1

Ax ticnec ex israel yin̈tl can Jacob 'ab'ec, a Jehová jun b'ojnaquex, a tzaln 'ixtic: Man̈ex xiwoc, an 'oj ex in colo', ex wawtj coti, yujto wiquex.

Is 43:7

Atn smasnil eb' wico', an in pitzjnac 'el eb', in b'on eb', yuj yi'nb'ilc chan̈ in b'i, 'oj in chioc.

Is 42:23

¿Machx wal tze nib'j tze chaj eyab' jun tzo'n̈ tic ex wit chon̈ab'? ¿Machx wal tzchaj e c'ojl eyab'n tas 'oj ujoc?

Dt 32:18

Ex wit israelal, 'oj eyac' sat e c'ojl 'a qui Mam, atn jun qui Colmalec yaji. 'Oj eyac' sat e c'ojl 'a Jehová qui Diosalec 'ix 'a'n qui q'uinlec.

Dt 4:23

Tzeyil wal e b'a, man̈ eyac' sat e c'ojl 'a strato Jehová qui Diosalec b'ob'il yuj quet'ec. Man̈ e comn b'oc yechl tzann̈j tas tzalx 'och diosal, yujto 'ay yowlal yuj Jehová.

Dt 4:9

Yuj cha, caw wal tzeyil e b'a, man̈ eyac' sat e c'ojl 'a tas xeyil tic. Man̈ eyi'l e nab'en 'a jun tzo'n̈ ley tic, ya' sb'a pitznex. A eyico', to tzeyalcn yab' eb' eyunnal yet' eb' eyiechiquin.

Is 27:11

A yic tztacj sc'ab' eb' te te cha, tzlaj lo'chjc cot eb' te', ax eb' 'ix 'ix tzlaj 'ec' si'nc chan̈ eb' te sc'ab' cha, tzya'n 'och eb' 'ix sc'ac' yet' te'. A jun chon̈b' tic, may xon jac snab'en. Yuj cha, a Dios b'ojnac, caw man̈x 'oj 'o'ch sc'ojl 'a 'a, man̈x 'oj cus pax yu'uj.

Is 40:27

Ex israel yin̈tl can Jacob, ¿tas yuj tzex we'lji eyawji? ¿Tas yuj tzeyal 'ixtic: A Jehová caw matz on̈ yilc coti, caw matz 'och 'il Dios jac cujec? xe chi.