Is 44:11 - Chuj San Sebastian Bible

¹¹ Smasnil eb' tzyac' 'emmquilal 'a jun tzo'n̈ yechl cha, 'oj q'uixwc can 'el eb'. A eb' tzb'on jun tzo'n̈ yechl cha, 'anman̈ej eb'. Toto tzmolb'tzej sb'a eb' smasnil 'a wojltac, yic tzin b'eyc'ojlan eb', caw wal 'oj tzq'uixw can 'el eb', ax xiw chan̈ eb'.

Chuj San Mateo Bible

¹¹ Masanil eb' tz'och ejmelal d'a juntzan̈ yechel chi', ol q'uixvoccan eb', yujto a eb' sb'oan juntzan̈ yechel chi', animan̈ej eb'. Tato smolb'ej sb'a eb' smasanil d'a vichan̈ yic tzin ch'olb'itan eb', ol q'uixvoc val eb', ol xivcanq'ue eb'.

Is 44:11 Referans Kwoze

Is 42:17

A wal eb' 'anma tz'a'n 'och jun tzo'n̈ yechl yipc sc'ojol, tzyaln sb'a eb' 'a jun tzo'n̈ yechl chi 'ixtic: Ax tic, qui diosal ex, xchi eb' 'a eb'. A eb' tzaln chi 'ixta', caw q'uixwc'ojlal 'oj 'aj eb' s'atcni.

Is 45:16

Smasnil eb' tzb'on jun tzo'n̈ yechl comn dios, 'oj 'ijxcan 'ejm eb', ax sq'uixw can 'el eb', man̈x 'a yel'ch 'oj 'ajcn eb'.

Is 1:29

'Ixta to b'i'an ax eyecn q'uixwc e b'a, yujto xlaj eyal e b'a 'a yechl jun tzo'n̈ comn dios, xeyi'n 'ejm e b'a 'a eb' te niwc mach' 'ay 'a calte'.

Salmos 97:7

'Oj 'el sq'uixwel eb' tzyac' 'ejm sb'a 'a jun tzo'n̈ yechel, atn eb' tzb'an̈ sb'a yet' jun tzo'n̈ comn dios cha. Smasnil eb' tzalx 'och diosal, 'oj yac' 'ejm sb'a eb' 'a Jehová.

Jeremías 51:17

A wal eb' 'anma', yel xo may jac snab'en eb', toc tzq'uixw eb' jac yuj jun tzo'n̈ yechl tzlaj sb'o'. A jun tzo'n̈ yechl cha, man̈ pitznoc, ton̈j tzyac' satc sb'a eb' 'anma chi yuj eb'.

Jeremías 10:14

Smasnil eb' 'anma tzya'ch jun tzo'n̈ yechl yipc sc'ojol, caw may snab'en eb', may tas yojc eb'. A eb' tenm q'uen cha, caw tzq'uixw 'el eb' yuj jun tzo'n̈ yechl tzb'o cha. A jun tzo'n̈ tzb'o eb' cha, may jac yel'chi, may spixan.

A Ch'an̈ B'ab'el Libro Yic Yab'ixal Eb' Rey 18:40

Yuj cha, xyaln Elías 'ixtic: —Yamc ewin schecb' Baal, may cab' junc eb' tz'atcn 'eloc, xchi. 'Ix yamchj eb' yuj eb' 'anma cha, ax Elías 'ix 'a'n 'ijxoc 'at eb' 'a sti a niwn a Cisón, axta xmilx cham eb'.

Is 44:9

A eb' tzb'on yechl jun tzo'n̈ comn dios, may jac yel'ch eb', may pax yel'ch jun tzo'n̈ yechl tzchamc'ojlej eb' cha. A eb' tz'och 'emmquilal 'a jun tzo'n̈ cha, 'icha to matz uj yiln eb'. May snab'en eb', yuj cha, caw 'oj can eb' 'a q'uixwc'ojlal yu'uj.

Is 65:13

Palta tzwal 'ayex, to a eb' in checab' 'ay tas 'oj sc'ux eb', ax xo tic, 'oj e cham yuj wejel. 'Ay tas 'oj yuc' eb', ax xo, 'oj e cham yuj tacn̈ti'al. 'Oj tzaljoc eb', ax xo, to 'oj e q'uixw can 'eli.

Dt 4:28

Ata 'oj eyac' servil comn dios b'ob'il yuj 'anma', atn jun tzo'n̈ yechl b'ob'il yet' te te', mto yet' q'uen q'ue'en. A jun tzo'n̈ cha, matz yila, matz yab'i, matz wa'i, matz su'lej.

Os 13:2

An̈ja sniwtj eya'n 'och e mul. Tzlaj e b'onc q'uen plata e diosaloc, a tzyal tas tznachj eyu'uj, 'ixta tzeyutj e b'on junc yechl cha. Tzlajw cha, tzeyaln 'a eb' 'anma 'ixtic: 'A'c e xajmb'al 'a 'a, xe chi. Tzlaj e tz'ub'n 'elt sti jun yechl wacx cha.