Is 43:13 - Chuj San Sebastian Bible

¹³ A 'a yictax pecti', Dios in xoni. May junc mach tztac' scoln 'el sb'a 'a yol in c'ab', may junc mach tztac' sjun 'el tas tzin b'o'o, xchi Dios.

Chuj San Mateo Bible

¹³ D'a juneln̈ej toxonton Dios in. Malaj junoc mach syal scolanel sb'a d'a yol in c'ab', malaj mach syal stenanec' tas tzin c'ulej, xchi Dios.

Is 43:13 Referans Kwoze

Is 14:27

Toto tox sna Jehová jun tzo'n̈ tic, ¿mach wal junc 'oj stac' stenn 'eq'ui? Toto wach'x yaj yu'uj, ¿mach wal junc 'oj stac' sjelni?

Is 46:10

A 'a yictax pecti', waln cani tas 'oj ujc 'a slajb' c'ual. Waln cani to 'oj ujc tas nab'il wu'uj, 'oj in b'o smasnil tas tzin nib'ej.

Salmos 90:2

Yic mantzac a b'o eb' lum niwc witz, lum lum tic yet' smasnil yolyib'n̈q'uinl tic, masnto 'a slajub', Dios achn̈ej xoni.

A Ch'an̈ Carta D'a Eb' Hebreo 13:8

A Jesucristo, lajnn̈ej snab'en 'a yictax pecti', ticnec, yet' 'a yic b'aq'uin̈.

Jn 8:58

—Wal yel tzwal 'ayex, yic mantzac 'alj Abraham cha, toxn 'ayn xon 'eq'ui, xchi Jesús 'a ewinac.

Job 9:12

Q'uinloc 'ay junc tas tzyij 'ec' 'a junc mach, ¿tom 'ay junc mach tztac' yaln 'a yuj tas tzb'o cha?

Dt 32:39

An tic, cojn in ton Dios in, may junc xo dios 'icha 'in tic. An tzwac' cham junc mach, an pax tztac' wa'n sq'uinal. An tzwac' lajwc eb' 'anma', an pax tzwan̈tj eb'. ¡May junc mach tztac' scoln 'el sb'a 'a yol in c'ab'!

Apoc 1:8

Yaljnac Cajlilec 'ixtic: An tic b'ab'l waj 'a smasnil, slajb' in paxi. 'Icha chab' letra A yet' Zeta, 'ixta 'in, xchi Cajlilec, atn pax jun tztac' yuj smasnil. A 'ayc' ticnec, 'ayc'n̈ej tax 'a yic pecti', atn jun 'oj jawoc.

1 Ti 1:17

A Dios, Rey 'a smasnil tiempo. May b'a'n̈ tzchami. May junc mach tztac' yilni. Cojxn jun Dios tic, may junc xo. [Cojn 'ojtnac smasnil tas.] Caw niwn cab' yel'ch 'a qui sat. Smasnil cab' tiempo, cal wach' paxti 'a 'a. 'Ixta cab' tz'aji.

Ef 1:11

Yictax pecti', sic'b'iln̈ec xon 'el yuj Dios, yic 'oj qui chac quic 'oj yac' 'ayn̈ junjn on̈, yujto junxn̈ej cajc yet' Cristo. 'Oj 'el'choc jun tic 'icha tznib'j Dios, yujto a tzb'on smasnil tas 'icha tznib'ej.

Is 57:15

Yujto a jun mach caw niwn yel'chi, atn jun Dios To Cojxni, pitznn̈ej 'a jun 'ejmn̈ej, a tzaln 'ixtic: An tic, ata cajn in 'a jun wet'l to yel xo chan̈ yaj'ti, jun to wicn̈ej yaj in ch'ocoj. Palta 'ayn pax 'ec' yet' eb' 'emmquilal tzyutj sb'a, yet' eb' tzna sb'a sc'ojol, an tzwac' pax sniwnal sc'ojl eb'.

Is 41:4

¿Mach 'ix 'a'n sb'o jun tzo'n̈ tic? ¿Mach 'ix nalb'an smasnil tas 'ix uj 'a yictax pecti'? An ton Jehová in, an b'ojnac, cojn in ton Dios in, b'ab'l waj 'a smasnil, slajb' in paxi.

Salmos 93:2

Mamin, toxn to 'aych 'ec' yet' opiso; toxn to 'aych xon 'eq'ui.

Salmos 50:22

Toto tzin 'at satc'ojlal eyu'uj, wach' cab' tz'aj snachj 'el eyu'uj, to choc' 'oj ex wutc cani. Man̈x 'a mach 'oj e coln 'el 'ayin.

Habacuc 1:12

Mamin Jehová, ¿tom man̈ toc 'aych 'ec' 'a jun 'ejmn̈ej jun? Ach in Diosal, cojxn̈ej ach ton Dios ach. Ma'oj on̈ a cha satl 'a jun 'ejmn̈ej on̈, qui Colmal aji. Ach 'ix ac' yip eb' caldeo yuj a'n 'och yailal 'a quib'n̈ yuj qui mul on̈.

Miqueas 5:2

A Dios a tzaln 'ixtic: A chon̈b' Belén tzcuch pax Efrata, wach'xam yunen̈ej chon̈b'al 'a scal jun tzo'n̈ xo chon̈b' 'ay 'a yol yic Judá, palta ata 'oj cot jun yajal, ax wa'n 'och syajlilc chon̈b' Israel. 'Oj 'eltoc 'a scal jun 'in̈tal eb' israel cha, a jun cha, 'ayc' xon 'a yic pecti', xchi Dios.

Dn 4:35

Qui masnil an̈ cajn on̈c 'a sat lum lum tic, caw may jac quel'chec 'a sat. Tzb'o tas tznib'j sb'o 'a scal eb' 'ayc' 'a satcha'an̈, yet' 'a qui cal an̈ cajn on̈c 'a sat lum tic. May junc mach tztac' stenn 'och wa'an, yic tzyaln 'a 'ixtic: ¿Tas yuj 'ixta tza b'o'o? man̈ xchic 'a 'a.

Pr 21:30

Wach'xam 'ay mach jelan, 'ay snab'en, toxn̈ej niwn tas yojtac, palta matz tac' stenn 'och wan snib'b'en Jehová.

Job 34:29

Toto a Dios may tas tzyala, ¿mach wal junc tztac' ya'n 'och 'a yib'an̈? Q'uinloc pax tzcub'j 'el sb'a Dios 'a eb', ¿mach wal junc 'oj stac' yilni? A Dios lajnn̈ej yel'ch yopiso 'a yib'n̈ junjn nacion̈ yet' 'a yib'n̈ junjn 'anma'.

Dt 28:31

Caw q'ueln ex wal 'ochi, ax smiln eb' 'ajc'ojl chi e wacax, palta ma'oj e chi jac schib'jal no cha. 'Oj 'ijxoc 'ec' e b'uru, palta man̈x 'oj 'ajxoc meltzjoc no'. 'Oj smacb't eb' e calnelu, palta man̈x 'a mach 'oj stac' scoln 'el e no eyet'oc.

Os 5:14

'Icha wal smacwj junc no león, 'ixta 'oj wutc in macwj 'a eb' yin̈tl Efraín yet' 'a eb' 'aj Judá. 'Oj in ch'iychtoc can eb', 'oj lajwc cha, ax in 'ati. An 'oj 'ec' in lem chan̈ eb', toc 'ayt mach 'oj stac' scoln eb' 'a yol in c'ab'.

Os 2:10

Q'ueln 'och wal jun tzo'n̈ nacion̈ 'ix mont 'at 'a sdiosal, ax wa'n yac' sq'uixwloc. May xon junc comn dios chi 'oj stac' scoln 'a yol in c'ab'.

Nm 23:20

Xyal Jehová 'ayin, to tzwal wach' paxti 'a yib'n̈ jun chon̈b' cha. A tas tzyala, matz tac' in jeln 'eli.

Is 46:4

'Ixtan̈ej 'oj in b'o eyet'oc, wach'xam 'ichmexx 'anma', mto sacx xil e jolom, palta 'oj ex wi'n̈j b'eyoc. An b'ojnac ex, yuj cha, 'aynn̈ej 'och eyet'oc, 'oj ex in coln̈ej.

Is 47:15

'Ixta wal 'oj 'ajcn eb' cob' tzaln tzach coln cha, eb' til wal trato a'jnac yet' 'a yictax a cot'chi. Palta 'ix 'atcn junjn eb' 'a stu b'eyb'al 'a 'aj 'oj satli, man̈x 'a junc eb' 'oj a colni, xchi Dios.

Is 48:16

Cotn̈ec 'a in tz'ey, tze maclni eyab' tas 'oj wala': Yictax pecti', may junc tas 'ix wal 'a c'ultaquil. A yic tzuj smasnil jun tzo'n̈ tic, 'ayn 'ec' xon ta', xchi Dios. A ticnec jun, checb'il in cot yuj Jehová Dios yic tzwaln jun tic yuj spoder Yespíritu.

Josué 2:2

Palta 'ay eb' 'anma chi x'iln sc'och eb', yuj cha, 'ix 'at yalnc eb' 'a win sreyl chon̈b' Jericó chi 'ixtic: —'Ay wal jun tzo'n̈ ewin israel xjaw 'a yol qui chon̈b'ec tic, yic tzwul smaclnoc ewin yila' tas yilxi, xchi eb'.

Job 10:7

Wach'xam ojtac to may in mul, palta toc 'ay mach tztac' in scoln 'el 'a yol a c'ab'.

Salmos 102:28

A eb' cunnal an̈ a checb' on̈ tic on̈, 'oj a tan̈wc eb' b'aq'uin̈. Yuj a colwal 'a eb', yuj cha, may tas 'oj 'i'nc eb' 'a ojltac.