Is 42:3 - Chuj San Sebastian Bible

³ 'Ay wal eb' caw 'oltac, 'icha junc te 'aj tzpacchji, mto 'icha junc cantil wan stupi, 'ixta eb'. Palta a 'oj colwjoc 'a eb', ma'oj yixtc eb', wal yel 'oj yac' tojlal 'a eb'.

Chuj San Mateo Bible

³ Ay eb' te ilb'aj c'ool, icha te' aj scan̈chaji, ma ichoc sc'apaquil candil van stupi. Palta ol colvaj in checab' chi' d'a eb', man̈ ol svach' ixtej eb', tojol ol yutoc sch'olb'itan tas yaj eb'.

Is 42:3 Referans Kwoze

Ez 34:16

'Oj in sayc' eb' satnc can 'ati, ax in molb'tzan eb' sactzicnac yajcn 'at cha, 'oj wan̈tc eb' lajwnac, eb' wecchil, ax wa'n yip eb' may yip, palta 'oj in satl eb' yajl yaj 'a scal eb', atn eb' tzlaj 'ixtn eb' in chon̈ab'. Caw wach' 'oj wutc in tan̈wni eb' in chon̈b' cha.

Mt 11:28

Tzann̈j ex 'icha to tz'el eyip e munlji, yet' ex 'icha to caw 'al eyaj yuj eyicatz, cotn̈ec 'ayin, 'oj ex wac 'iljoc.

Jeremías 31:25

'Oj wac' sicb'oc sc'ojl eb' c'unb'nac, ax wa'n tas tzc'ux eb' wan yel yip yuj wejel, xchi Dios.

Is 40:11

'Oj jawc 'icha junc 'ilm calnelu to xajn scalnelu yu'uj, tzme'n b'eyc'oc no cotc calnelu chi 'a sn̈i sc'ojol, ax no nun calnelu tot 'aljnac yune', caw tztan̈wx no yu'uj. 'Ixta yaj Jehová quet'ec.

Salmos 147:3

A tz'a'n sniwnal sc'ojl eb' to 'icha lajwnac spixn tzyab'i, a tz'an̈tn slajwelal eb' cha.

Jn 5:30

An tic, may junc tas tztac' in b'on in ch'ocoj. 'Icha tzyal in Mam 'ayin, 'ixta tzwutj in b'eyc'ojlani. Caw wach'n̈j tzwutj in b'eyc'ojlani, yujto matz in b'o 'icha tzin nib'j an tic, palta an̈j 'icha tznib'j jun checjnacn coti, atn in Mam.

Apoc 19:11

Ax xwilni, jacn satcha'an̈. Ata 'ayc' jun chej caw sac. Ax jun 'ay q'ue 'a yib'an̈, Yiclum sb'i, Yel pax sb'i. Yujto caw tojl tzyutj sb'eyc'ojlwi, xya'n pax owal.

Is 50:10

Ex to 'ay yel'ch Jehová 'a e sat, ex tzeyab' tas tzyal schecab': Toto scal q'uic'q'uinl tzex b'eyi, 'a'c 'och Jehová yipc e c'ojol, cann̈ec yamn 'a qui Diosal.

Salmos 98:9

yujto tzjaw wul yac' yajlil 'a sat lum lum tic. A 'oj yac' yajlil 'a yib'n̈ smasnil chon̈b' 'a yolyib'n̈q'uinl tic. 'Oj sb'oyaj eb' 'anma 'a stojlal yet' 'a swach'il.

Salmos 96:13

yic 'oj jawc Jehová. 'Oj jawc wul yac' yajlil 'a sat lum lum tic. 'Oj yac' yajlil 'a yib'n̈ smasnil chon̈ab', ax sb'eyc'ojlax eb' yuj 'a stojlal.

Jn 20:27

Xlajwn̈ej cha, xyaln 'ixtc 'a Tomás: —'Ilt in c'ab' tic, 'a'ch yune a c'ab' 'a yolnil tic. Tza'n pax 'och a c'ab' 'a yolnil in costl tic. 'A'ch a c'ojl 'ayin, man̈x a chab'c'ojloc a b'a, xchi Jesús.

Miqueas 7:9

'Ix 'och qui mulc 'a Jehová, yuj cha, 'oj ca'c techjoc yowl sc'ojol, masnto 'oj on̈ sb'eyc'ojloc, ax on̈ sb'onec yaji. 'Oj yac' Jehová quilc sacq'uinlal, 'oj quilc tas 'oj yutc on̈ scolnec 'eli.

Is 66:2

An Jehová in, an tzwala. An b'ojnac smasnil tas, 'ixta 'ajnc spitzw chan̈ smasnil. Palta an tic tz'o'ch in c'ojl 'a eb' 'anma 'emmquilal yeq'ui, eb' tzlaj yab' syal yuj smul, eb' to 'ay yel'ch in paxti 'a sat.

Is 50:4

A jun schecb' Dios tzaln 'ixtic: A Jehová Wajlil a x'a'n jelnb'oc in paxtini, yic wach' tztac' wa'n sniwnal sc'ojl eb' c'unb'nac. 'A junjn sq'uin̈b'ial tzin nib'n wab'i' tas tzyac' in cuyu'.

Mt 12:20

'Ay eb' caw 'oltac, 'icha junc te 'aj tzpacchji, mto 'icha junc cantil wan stupi, 'ixta 'eb'. Palta a 'oj colwjoc 'a eb', ma'oj yixtc eb'. 'Ixta 'oj yutc sb'a, masnto 'oj 'och Yajlil. Ax ya'n yajlil 'a stojlal.

Salmos 54:5

A stu nab'enal eb' 'ajc'ojl cha, meltzjc cab' 'och 'a eb'. Mamin Jehová satcn 'el eb', yujto tz'el'ch tas tzala.

Salmos 94:15

A tojlal 'oj yic' yip jun 'ejm xo. Smasnil eb' 'anma wach' snab'en, 'oj ya'ch eb' yipc sc'ojl jun tojlal cha.

Is 9:7

A 'oj 'och sjelc rey David, 'oj can sjelc 'a yopiso cha. 'Oj yac' yajlil 'a yib'n̈ smasnil 'anma 'a junjn lugar. Yu'uj ax scann̈j yolyib'n̈q'uinl tic 'a junc'ojlal. 'Oj yic' yip yopiso cha, ax sb'eyc'ojlwi 'a stojlal, ticnec yet' 'a b'aq'uin̈. A Jehová tztac' yuj smasnil, 'oj yac' 'el'choc jun tic, yujto nab'ilx yu'uj.

Is 42:2

May 'aj 'oj q'ue yaw, may mach 'oj 'ab'noc sjaj 'a yoltc caye.

Is 2:4

A Jehová 'oj sb'eyc'ojloc eb' 'anma yic junjn nacion̈ 'aj 'ay owal, 'oj yac' lajwc 'ejm owl chi 'a scal eb'. Ax syamc'ab' eb' yic owl cha, a q'uen espada, 'oj 'ochcn q'uen 'asaronal, ax q'uen lanza, 'oj 'ochcn pax q'uen josal. A 'a jun tiempoal cha, man̈x 'a junc nacion̈ 'oj yac' owl yet' junc xo nacion̈, man̈x 'a pax eb' soldado 'oj cuyxoc 'a owl cha.

Is 63:1

An Isaías in tic, xin c'anb'n 'ixtic: —¿Mach jun chi tzcot 'a niwquil chon̈b' Bosra, 'a yol smacb'en Edom, chac spichl 'aychi, caw wal 'ay xo smay yilxi? Caw wal niwc winc sjawi, tzjaw yet' smasnil yip, xin chi. Xta'w jun chi 'ixtic: —An tic Jehová in, 'ay waln wic in b'eyc'ojlwi, tztac' pax ex in coln 'el yet' in poder, xchi.