Is 42:15 - Chuj San Sebastian Bible

¹⁵ 'Oj in satcn 'el eb' lum witz yet' eb' lum tzalan. 'Oj in satl smasnil te te', 'oj wa' tup chan̈ eb' a niwc a tzb'eyi, ax yochcn cusltac lumal. 'Oj wac' tupchan̈ eb' a niwc pama'.

Chuj San Mateo Bible

¹⁵ Ol laj in satel lum vitz yed' lum tzalquixtac. Ol vac'an tacjoquel masanil tas yaax d'a sat lum tic. Ol vac'an tup a' nivac a' sb'eyi. Ol ochcan lum taquin̈ lumal, ol laj tupcan a' scan d'a yed'tal.

Is 42:15 Referans Kwoze

Is 50:2

¿Tas yuj a yic in jawi, may mach x'ilchj wu'uj? ¿Tas yuj a yic in 'awji, may mach xta'w 'ayin? ¿Tom matz tztechj ex in coln 'el tze na'a? ¿Tom matz tac' ex wa'n 'el 'a libre tze na'a? Cojn junc paxti'al tzwala tztup chan̈ a mar, cusltac tz'ajcn sb'e a niwn a 'aj tzb'eyi, tzlaj cham no chay yuj tacn̈ti'al, tzc'a pax no', yujto man̈x 'a a a cha.

Is 44:27

Tztac' waln 'a a mar to tztup chan̈ a', smasnil yoctc a a tzb'eyi, c'uxn 'oj tup cha'an̈.

Apoc 20:11

Xlajw cha, xwiln jun wocn 'ejm 'a jun niwquil despacho caw sac. Ax 'a yojltac, ata 'ix satl yolyib'n̈q'uinal, yet' satcha'an̈. Man̈x 'a 'aj 'ix 'ilchj jac sc'ajil.

Apoc 16:18

Yajn̈j wal cha, x'ec' jun tzo'n̈ raya. 'Ix laj c'an̈ c'u. 'Ay pax jun tzo'n̈ xo tas xlaj c'an̈i. 'Ix 'ec' wal jun niwquil quixcab'. Yictax mant 'a 'anma 'a yolyib'n̈q'uinal, mant xon junc quixcab' 'e'nc 'icha jun cha.

Apoc 16:12

Xlajw cha, ax jun swacl ángel, 'ix secn 'ejm sb'al svaso 'a yib'n̈ a niwquil a Éufrates. Ax jun a cha, 'ix tupi. 'Ix tacj can sb'e a'. 'Ixta x'aj sb'o jun sb'e eb' yajl xcot 'a stojlal 'aj tzq'uel c'u.

Apoc 11:13

At wal cha, ax yec' jun quixcab'. Caw ow 'oj 'ec'oc. Til wal n̈a 'oj laj lan̈chjoc 'ejm 'a jun niwquil chon̈b' cha. A 'a junjn lajlajn̈e n̈ail, junjn 'oj laj lan̈chjoc 'a 'a. Uque mil 'anma 'oj cham yu'uj. Ax jun tzo'n̈ xo eb' 'anma', caw 'oj xiw chan̈ eb'. Ax laj yalnc eb', chajtlto caw niwn yel'ch Dios 'a satcha'an̈.

Zacarías 10:11

A yic 'oj 'ec' eb' 'a scal yailal, 'icha to yojl a mar tz'ec' eb', an 'oj wi'l yip a mar cha, ax a Nilo 'oj tup 'ejm a'. 'Oj wac' lajwc 'ejm sb'an̈quinal eb' 'aj Asiria, ax wa'n lajwc pax yopiso eb' yajl yaj 'a Egipto.

Hageo 2:6

An Jehová in, an tzwala, to jab'xoj wal tiempo, ax wa'n 'ib'xoc satcha'an̈, yolyib'n̈q'uinl tic, a mar yet' lum lu'um.

Ez 38:20

Ax smasnil no chay 'a yojl a mar, no ch'ic tz'ec' jen̈n̈oc 'a satcha'an̈, no calte'al noc', no tzjuc sb'a 'a sat lu'um, yet' eb' 'anma', caw 'oj 'ib'xoc chan̈ eb' yuj xiwlal 'a wojltac. Ax laj scot c'acp 'a eb' lum jolmctac witz, 'a eb' lum tzalctac. 'Oj laj cot q'uen niwc tenm 'a pac'an, ax laj slan̈chj 'ejm eb' chon̈b' yet' smuroal.

Jeremías 4:24

'Ix laj wilnc 'at eb' lum witz, caw wal tz'ib'x eb' lu'um, 'ixta pax eb' lum tzalan, caw wal tzicb'tan̈x eb' lu'um.

Is 49:11

'Oj in b'o junc b'e 'a eb' lum jolmctac witz, caw wach' 'oj wutc in b'on sb'e eb' in chon̈b' ta', xchi Dios.

Salmos 18:7

Xlajw cha, 'ix 'ec' jun niwquil quixcab' caw ow, c'uxn xlaj 'ib'x smasnil sb'achnub'al yich eb' lum niwc witz, 'ix cham wal stzicb'tan̈x yuj yowl a c'ojol.

Is 41:15

'Oj ex wa'ch 'icha junc q'uen 'i'm 'el sat trigo to caw 'a'to, 'ay ye si'mb'il. 'Oj e mac' poj eb' lum witz, pococ 'oj eyutc can eb' lu'um, ax eb' lum tzalan, 'icha stzapil 'ixm trigo, 'ixta 'oj eyutc can eb' lu'um.

Ez 38:19

Yuj cha, ax wa'n cot jun niwquil quixcab' 'a in chon̈b' cha.