Is 42:10 - Chuj San Sebastian Bible

¹⁰ Ex 'anma cajn 'a snajtil 'el sti lum lu'um, ex tzex 'ec' 'a yib'n̈ a mar, yet' no noc' cajn ta', yet' pax ex cajn ex 'a jun tzo'n̈ chon̈b' 'ay 'a sti a mar cha, b'itnejec junc 'ac' b'it yic tzeyaln e wach' paxti 'a Jehová.

Chuj San Mateo Bible

¹⁰ B'itejec junoc ac' b'it d'a Jehová e masanil ex ayex b'aj slajvic'och lum luum tic, ex tzex ec' d'a yib'an̈ a' mar, noc' noc' ay d'a a' yed' ex pax cajan ex d'a stitac a' mar chi', b'itanan̈ec d'a Dios.

Is 42:10 Referans Kwoze

Salmos 33:3

B'itnejec yet' 'ac' b'it, wach' tzeyutj eya'n 'och sjajl b'it yet' e yamc'ab' yic b'it cha,

Is 42:4

Ma'oj 'iljoc, ma'oj schab'c'ojloc sb'a, masnto 'oj b'eylb'axc tojlal chi 'a sat lum lum tic. A jun tzo'n̈ nacion̈ 'ay 'a sti a mar, 'oj smaclc eb' yab' cuynb'il 'oj yac'a', xchi Dios.

Salmos 40:3

'Ix ya'n in b'itnoc jun 'ac' b'it, jun b'it yic alj wach' paxti 'a Dios. Til wal eb' 'oj sat sc'ojl yiln jun tic. 'Oj laj xiw chan̈ eb', ax laj ya'noc 'och eb' Jehová yipc sc'ojol.

Apoc 5:9

Ax eb' 'ichm winc cha, 'ix sb'itnan eb' jun 'ac' b'it 'ixtic: Ach tic, a moj xa chaj jun ch'an̈ un̈ tic, yic tza n̈i'chtan seyoal. Yujto ach milb'ilch chamoc, a mann 'och eb' 'anma yico'oc Dios yet' a chiq'uil. Niwn eb' 'a junjn 'in̈tal, 'a junjn ti'al, 'a junjn chon̈b'al, yet' 'a junjn nacion̈al.

Is 49:13

Ach satcha'an̈, 'el cab' aw 'a tzaljc'ojlal. Ach lu'um, tzaljan̈. Yet' ex witz, 'el cab' eyaw yuj tzaljc'ojlal, yujto a Jehová, wan ya'n sniwnal sc'ojl eb' schon̈ab'. Wan yo'ch sc'ojl 'a eb' yuj syailal.

Apoc 14:3

'Ay eb' tzb'itnan jun 'ac' b'it 'a yojltac sdespacho Dios, yet' 'a yojltac eb' querubín schan̈wn̈il, yet' pax 'a yojltac eb' 24 'ichmtac winac. May junc mach tztac' sc'ay jun b'it chi yu'uj. Cojxn eb' 144 mil colchjnac 'el 'a scal eb' 'anma 'a yolyib'n̈q'uinal, cojxn eb' tztac' sb'itnani.

Sofonías 2:11

Caw wal 'ay smay Jehová 'a eb'. 'Oj satxoc 'el smasnil sdiosal eb' 'aj tzyal sb'a 'a yolyib'n̈q'uinl tic. 'Intax a eb' 'anma cajn 'a jun tzo'n̈ xo nacion̈ 'a sc'axpil 'ec' sti a mar, 'oj yal sb'a eb' 'a Jehová 'aj cajn eb' cha.

Is 65:14

A eb' in checb' tic, 'oj b'itnoc eb' yuj tzaljc'ojlal, palta ax xo tic, to 'oj 'el eyaw eyoq'ui. Caw wal 'oj e cus yuj yailal 'oj jawc 'a eyib'an̈.

Is 60:9

A jun tzo'n̈ 'oj eyil cha, atn te barco tzcot 'a jun tzo'n̈ xo chon̈b' 'ay 'a sti a mar, b'ab'l eb' te yic Tarsis yuj eb' te'. Ata ajun eb' eyit chon̈b' yet' eb' 'anma cha, yet' eb' oro, yet' eb' plata, yuj yi'nb'ilc chan̈ in b'i an Jehová in. An e Diosal in, to Cojxn In Ton Dios In, an 'ixta 'oj wutc ex wa'n b'inaxc paxi.

Is 51:5

A ticnec, la'nxo yaj in b'eyc'ojlal, la'nxo pax yaj to 'oj in colwji, 'oj in b'eyc'ojloc jun tzo'n̈ chon̈b' tic yet' in poder. Ax eb' 'anma 'a lum chon̈b' 'ay 'a sti 'a mar, 'oj ya'ch eb' yipc sc'ojl in poder.

Is 49:6

'Ix yaln 'ixtc 'ayin: In checb' ach, palta man̈ yujocn̈ej a tojlb'tzan pax eb' yin̈tl Jacob 'a 'icha xon yaji, yic tze'n pax meltzjoc jaywn̈ xo eb' cann̈cto can 'a Israel, palta yuj pax ach wa'n 'och sacq'uinlal 'a jun tzo'n̈ xo nacion̈, masnto 'a 'aj tzlajw c'och yolyib'n̈q'uinal, tze'n pax 'at colnb'il ta', xchi 'ayin, xchi jun schecb' Dios cha.

Is 44:23

A satcha'an̈, 'el cab' yaw sb'itn 'a tzaljc'ojlal yuj smasnil tas sb'ojnac Jehová. A xab'l yich lum lu'um, q'ue cab' yaw, ax eb' lum niwc witz, eb' lum tzalctac, yet' eb' te niwc te smasnil, ya'l cab' eb' yaw yuj tzaljc'ojlal. Yujto a Jehová tox 'ix sch'oxl stzictznial yic 'ix 'ajx 'el eb' israel 'a libre, atn eb' yin̈tl can Jacob.

Salmos 150:6

Smasnil cab' tas tzyij yic', b'itn cab' 'a Jehová. ¡Alx cab' wach' paxti 'a Jehová!

Salmos 97:1

A Jehová caw Rey 'a yolyib'n̈q'uinl tic, yuj cha tzalj cab' chan̈ smasnil eb' 'anma 'a eb' lum chon̈b' 'a sat lum tic yet' eb' cajn 'a stitc eb' a mar.

Salmos 96:11

Tzalj cab' satcha'an̈ yet' lum lum tic. 'El cab' yaw a mar yet' smasnil tas 'ay 'a junjn c'aj.

1 Cr 16:32

'El cab' yaw a mar yet' smasnil tas 'ay 'a junjn c'aj. Tzalj cab' chan̈ lum lum tz'awxi yet' tas 'ay 'a sat lu'um.

Ex 15:1

Xlajw cha, 'ix sb'itnan Moisés jun b'it yet' smasnil eb' israel 'a yojltac Jehová, xyaln eb' 'ixtic: Caw wal tzon̈ b'itnec 'a Jehová yic tzqui'nec chan̈ sb'i, yujto caw wal satjub'tac 'ix yutj ya'n ganar owal. 'Ix mucchj can 'ejm no chej 'a yojl a mar yet' ewin 'et'jnac e no'.

Ex 20:11

Yujto an Jehová in, waquen̈ej c'u in munlji yic xin b'on satcha'an̈, lum lu'um, a mar yet' smasnil tas 'ay 'a 'a, ax 'a yucl c'ual, in 'ilji. Yuj cha, a jun yucl c'u cha, wic yaji, niwn yel'ch cab' 'ayex.

Salmos 65:5

Ach qui Diosal on̈, qui Colmal aji, ach tzon̈ a ta'wej, tzon̈ a b'onyaj yet' tas satjub'tac yilxi. Smasnil eb' 'anma cajn 'a sat lum lum tic, yet' eb' cajn 'a sc'axpil 'ec' a mar, 'oj ach ya'ch eb' yipc sc'ojol.

Salmos 72:10

A eb' sreyl Tarsis, yet' eb' cajn 'a lum checl 'a snan̈l a mar, eb' sreyl Sabá, yet' pax eb' yic Seba, ya' cab' eb' siylab' yet' stojlb'al 'a win rey.

Is 11:11

A 'a jun tiempoal cha, ata 'oj sch'oxx Cajlil spoder 'a jun tzo'n̈ nacion̈ cha, ax smolb'tzan paxt eb' schon̈b' sactzicnac yajcn 'ati. 'Oj paxtc eb' 'aycn 'at 'a Asiria, 'a Egipto, 'a Patros, 'a Etiopía, 'a Elam, 'a Sinar, 'a Hamat yet' 'a jun tzo'n̈ xo chon̈b' 'ay 'a sti a mar.

Is 12:5

B'itn coyc 'a 'a, yujto yel xo wal niwn yel'ch tas sb'o 'a qui calec, yowlal 'oj 'ojcaxc 'el yuj smasnil 'anma 'a yolyib'n̈q'uinl tic.

Is 48:20

A Jehová a tzaln 'ixtic: 'Eln̈ect 'a Babilonia, 'eln̈ect 'a scal eb' caldeo cha. Alc 'el yab'xil jun tic yet' 'aw yic tzaljc'ojlal, 'a'c 'ojcaxc 'eli, masnto 'a 'aj tzlajw c'och lum lu'um. Alc 'ixtic: A Jehová a 'on̈ 'a'nec 'el 'a libre an̈ yin̈tl on̈c Jacob tic, atn jun schecab', xe chi.

Is 60:6

Ax eyilni to til wal 'oj jawc eb' 'anma 'ayx yet' scameyo: 'Ay eb' 'oj cot 'a Madián. 'Ay eb' 'oj cot 'a chon̈b' Efa, 'oj jawc smasnil eb' 'aj Sabá. Caw 'al yaj eb' yet' yicatz ax sjaw eb', yet' eb' q'uen oro yet' incienso. 'Oj yaln eb' swach' paxti 'ayn an Jehová in, yujto satjub'tac yilx tas tzin b'o yil eb'.

Is 62:11

A Jehová, 'oj yac' alxoc 'ixtc 'a eb' 'anma 'ay 'a 'aj tzlajw c'och yolyib'n̈q'uinl tic: Alc 'ixtc 'a eb' 'aj Jerusalén: 'Iltec to wan sjaw jun e Colmal, yet' spac xyij yuj smunljel, 'oj xchic eb' 'a eb', xchi Dios.