Is 41:8 - Chuj San Sebastian Bible

⁸ Tzyal Dios 'ixtic: Ex israel yin̈tl can Jacob 'ab'xnan̈c 'a tas tzwala, caw yel in checb' eyaji, an si'jnacx 'eli, ax tic yin̈tl ex can in wach'c'ojl Abraham.

Chuj San Mateo Bible

⁸ Syalan Jehová icha tic: Ex israel yin̈tilal Jacob, ab'ec tas svala': In checab' val eyaji, sic'b'il ex el vuuj, yin̈tilal ex can vin̈ vamigo aj Abraham.

Is 41:8 Referans Kwoze

Santiago 2:23

Yuj cha, tz'el'ch tas tzyal 'a Ch'an̈ U'un̈, 'a 'aj tzyal 'ixtic: A Abraham, 'ix ya'ch sc'ojl 'a tas xyal Dios. Yujn̈ej cha, yaln Dios to wach' 'a sat, xchi. An̈jtona', tzyaln pax 'a Ch'an̈ U'un̈, chajtlto a Abraham cha, swach'c'ojl sb'a yet' Dios.

2 Cr 20:7

Ach qui Diosal on̈, ach 'ix ej 'el eb' 'anma cajn 'a sat lum lum tic, atn 'aj 'ayn̈ 'ec' an̈ israel on̈ tic on̈. 'Ix ac' lum 'a smasnil tiempo 'ayn̈ an̈ yin̈tl on̈ Abraham tic on̈, atn jun a wach'c'ojol.

Dt 14:2

Yujto an̈ec tic, schon̈b' on̈c Jehová Dios. A 'on̈ si'n 'elt 'a scal jun tzo'n̈ xo chon̈b' 'ay 'a sat lum tic, sec tzon̈ 'ochcn schon̈b'oc.

Is 51:2

'Iltec nab'n e mam 'ichm Abraham yet' e nun chichm Sara. May yunnal eb', sch'ocj eb' schawn̈il yic xwawtn eb'. Palta xwac' in yaxilal 'a yib'n̈ eb', til wal x'aj sniwtj yin̈tl eb'.

Is 44:21

Tzyaln pax Dios 'ixtic: Ex israel yin̈tl can Jacob, nacc coti, chajtlto in checb' ex, an in b'ojnac ex, sec tzex 'och in checb'oc. Ex israel may b'a'n̈ 'oj wac' sat in c'ojl 'ayex.*f13*

Is 29:22

Yuj cha, a Jehová sDiosal Israel, atn jun coljnac 'el Abraham, a tzaln 'ixtic: Ex yin̈tl Jacob, a ticnec yet' 'a yic b'aq'uin̈, man̈x 'a 'aj 'oj e q'uixw 'eli, man̈x 'a 'aj 'oj chacb'oc 'el e sat yuj q'uixwelal.

Salmos 33:12

Caw wach' yic junc nacion̈ to a Jehová 'aych sDiosaloc, a si'jnac can 'och yico'oc.

Is 43:1

Ax ticnec ex israel yin̈tl can Jacob 'ab'ec, a Jehová jun b'ojnaquex, a tzaln 'ixtic: Man̈ex xiwoc, an 'oj ex in colo', ex wawtj coti, yujto wiquex.

Salmos 135:4

A si'jnacn̈ 'el an̈ yin̈tl on̈c Jacob tic, sec tzon̈ 'ochc yico'oc.

Jeremías 33:24

¿Tom matz nachj 'el o'oj, tas tzyal eb' 'anma'? Tzyal eb' chajtlto xin patquilj can 'el chab' 'in̈tal eb' 'anma tic sic'b'il 'el wu'uj, atn eb' 'aj Israel yet' eb' 'aj Judá. Yuj cha, man̈x 'a yel'ch eb' in chon̈b' 'a sat eb', man̈x nacion̈oc eb' 'a eb'.

Is 48:12

A Dios tzaln 'ixtic: Ex israel yin̈tl can Jacob, 'ab'c wal tas 'oj wala', to an si'jnacx can 'eli: Cojn in ton Dios in, an b'ab'l waj 'a smasnil tas, slajb' in paxi.

Mt 3:9

Man̈ laj eyal 'ixtic: May pena, an̈ec tic yin̈tl on̈ec can Abraham, man̈ xe chioc. Yujto an tzwal 'ayex, toto tznib'j Dios, tztac' tz'och jun tzo'n̈ q'uen q'uen tic yin̈tloc Abraham e jeloc.

Is 63:16

Ach tic to qui Mam aji. Wach'xam a Abraham yet' win Israel man̈x on̈ yojcoc eb', palta ach tic to qui Mam ach; toxn to qui colmal xon aji.

Is 49:3

'Ix yaln 'ayn 'ixtic: Ach yin̈tl Israel in checb' 'aji, ojn̈ej ax checlj 'eli to niwn wel'chi, xchi.

Dt 10:15

Yujto a Jehová caw wal 'ay schamc'ojlal 'a eb' qui mam quichmec, yuj cha, si'n can 'el yin̈tl eb', an̈ec ton tic sic'b'iln̈ec 'elt yuj 'a scal jun tzo'n̈ xo chon̈ab', 'icha ton tas wan quilnec tic.

Lv 25:42

Yujto ax tic, in checb' eyaji. An ex wij 'elt 'a Egipto, yuj cha, man̈ smojc e chon̈x 'och mosoal.

Gl 3:19

Palta ¿tas yopiso jun ley chi tze na'a? 'Ac'b'il jun ley cha, sec tzcheclj 'el smul junjn 'anma'. 'Ayn̈j yopiso jun ley cha, masnto jawnac jun yin̈tl Abraham, atn jun 'aj ya'jnac can Dios sti'. Ax eb' ángel aljnac jun ley chi 'a Moisés, yujto a ya'jnac sb'a yuj eb' 'anma 'a Dios.

Salmos 136:22

A x'a'n lum lum chi quicooquec an̈ yin̈tl on̈c Israel tic, atn win schecab'. A schamc'ojlal Dios 'ayn̈j 'a smasnil tiempo.

Is 14:1

A Jehová 'oj sch'oxx schamc'ojlal 'a eb' israel jun 'ejm xo. 'Oj scha si'c pax 'och eb' yico'oc, ax scha cajn pax eb' slum chi jun 'ejm xo. Ax eb' chuc chon̈b'al, 'oj jawc pax cajn eb' 'a scal eb', ax ya'n 'och sb'a eb' 'aj chon̈b'al yet' eb' yin̈tl can Jacob.

Is 42:1

Tzyaln pax Dios 'ixtic: A jun tic in checab', an 'ayn 'och yet'oc, an in si'jnac 'eli, caw tzin tzalj yet'oc, 'oj wa'cn 'och Wespíritu 'a 'a, sec 'oj sb'oyaj eb' nacion̈ 'a stojlal.

Is 42:19

Toc 'ay mach jun 'eln̈ej caw matz uj yiln 'icha jun in checb' sic'b'il 'el wu'uj, toc 'ay junc mach to chacn̈ 'icha jun in checb' checb'il 'at wuj an Jehová in.

Is 43:5

Man̈ex xiwoc, 'ayn 'ec' eyet'oc. 'Oj in molb'tzoc cot eb' eyit chon̈b' 'ay 'a stojlal 'aj tzq'uel c'u, yet' eb' 'ay 'a stojlal 'aj tz'ejm c'u, sec junxn̈ej 'oj eyaji.

Is 43:10

A Jehová a tzaln pax 'ixtic: Ax israel ex tic in testigo ex, in checb' ex, sic'b'ilx 'el wu'uj, sec wach' tzin eyojquej 'eli, tzin eya'n 'och yipc e c'ojol, nachj cab' pax 'el eyu'uj, to cojn in toni. May junc xo dios b'ab'l 'e'nc wu'uj, may pax junc xo tza'n 'oj jawoc.

Is 45:4

Yuj in chamc'ojlal 'a eb' yin̈tl win in checb' Jacob, yuj cha, in si'n can 'el chon̈b' Israel. An ach wawtej yic tzach b'inaxi, wach'xam man̈ in ojcoc.

Malaquías 1:2

A Jehová a tzaln 'ixtc 'a chon̈b' Israel: An tic, caw tzex in chamc'ojlej. Palta ax xo tic', 'in 'ixtc wal tzeyutj ta'wc e b'a 'ayin: ¿Tas wal tzcutj cojcan 'eli, toto tzon̈ a chamc'ojlej? xe chi. An Jehová in, an tzwal 'ixtc 'ayex: Wach'xam yu'tac sb'a Esaú yet' Jacob, palta an xin chamc'ojlej Jacob,

Salmos 136:21

A xpojn 'ec' lum slum eb' rey cha. A schamc'ojlal Dios 'ayn̈j 'a smasnil tiempo.