Is 41:15 - Chuj San Sebastian Bible

¹⁵ 'Oj ex wa'ch 'icha junc q'uen 'i'm 'el sat trigo to caw 'a'to, 'ay ye si'mb'il. 'Oj e mac' poj eb' lum witz, pococ 'oj eyutc can eb' lu'um, ax eb' lum tzalan, 'icha stzapil 'ixm trigo, 'ixta 'oj eyutc can eb' lu'um.

Chuj San Mateo Bible

¹⁵ Ol ex vac'och icha junoc q'uen ic'umel sat trigo ac'to te ay ye. Ol laj e mac'poj lum nivac vitz, pococ ol ajcan lum eyuuj. A lum tzalquixtac, choc' ol eyutejcan lum icha smatz'il ixim trigo.

Is 41:15 Referans Kwoze

Miqueas 4:13

Ex 'aj Sión, q'uen̈ec wa'an, te'c 'ejm jun tzo'n̈ nacion̈ cha, yujto tzyal Jehová 'ixtic: An 'oj wac' eyip e te'n 'ejm jun tzo'n̈ nacion̈ cha, 'icha junc no quelm wacx nab'a hierro sch'a'ac, nab'a pax bronce yech to te'm trigo. Ax eyi'n can 'ec' sricoal jun tzo'n̈ nacion̈ ya'jnac ganar 'a spatc maysch'olnil, ax eya'n 'ayn an Jehová in tic, an tic Yajl waj 'a smasnil yolyib'n̈q'uinal, xchi Dios.

Zacarías 4:7

Wach'xam til wal yajltacl sb'o watut 'icha junc niwquil witz, palta a 'a sat ach Zorobabel, man̈ 'ajltacc 'oj 'aj sb'o'i. Ach wal 'oj a'ch q'uen niwquil q'uen niwn yel'ch 'oj q'ue 'a sjolm schicn watut cha, ya' sb'a ax eb' chon̈ab', wan yel yaw eb' yaln 'ixtic: Man̈x jantcoc swach'l yilx x'aji, ya' cab' Dios swach'c'ojlal 'a yib'an̈, 'oj xchic eb', xchi Dios, xchi jun ángel cha.

Habacuc 3:12

Yet' wal yowl a c'ojol, xa te'n can 'ejm lum lum tic. Yet' wal a c'a'lc'ojlal xa te'n can 'ejm jun tzo'n̈ xo nacion̈.

Is 21:10

'Ab'c wal ex wit chon̈ab', caw ex te'x 'ejm yuj eb' 'aj Babilonia, 'icha tz'aj ste'x 'ixm trigo. A tas 'ix wab' yaln Jehová tztac' yuj smasnil, atn qui Diosal an̈ israel on̈c tic, a tzwal eyab'i.

Is 28:27

A te eneldo cha, matz te'x 'el sat te', matz tac' yec' pax junc careta 'a yib'n̈ te comino, palta ton̈j tztenx 'el te eneldo chi yet' junc te', ax te comino cha, ton̈j tzma'x 'el yet' junc jixc'ab'te'.

Salmos 18:42

Caw choc' x'aj eb' wu'uj. 'Icha wal pococ, 'ixta 'ix 'aj yijx 'at eb' yuj 'ic'. 'Ix in te'cn 'ejm eb' 'a sat lu'um, 'icha wal tz'aj ste'x can 'ejm b'i'ch 'a yoltc b'e.

Is 17:13

Palta ax yic 'oj tenxoc 'och wan eb' yuj Dios, wach'xam tzc'an̈ yec' eb', palta ma'oj yil eb' s'at 'eloc, lajn 'oj 'aj eb' 'icha tz'aj yutz'x 'at solcal trigo yuj 'ic' 'a caltc te', mto 'icha tz'aj yutz'x chan̈ pococ yuj chacxuxm'ic', 'ixta 'oj 'aj eb'.

Is 29:5

Ax 'oj 'ajoc, a Jehová tztac' yuj smasnil, wal 'a yajn̈ej ax sjaw yet' yowl sc'ojol yic tzya'n 'och yailal 'a yib'n̈ eb' 'ajc'ojl yajch 'a Jerusalén. 'Oj c'an̈ c'u, ax yec' niwc quixcab'. 'Oj jawc niwc chacxuxm'ic', niwc yaxn̈ab', yet' junc niwquil c'ac' 'et'jnac chamel. A eb' 'ajc'ojl cha, man̈x yalnb'ilc sb'isl eb'. Lajn xoj 'oj 'ajcn eb' 'icha pococ. Caw choc' 'oj 'ajcn eb' 'a'm owl cha. 'Oj 'ijxoc 'at eb' 'icha tz'aj yijx 'at solcal 'ixm trigo yuj 'ic'.

Is 42:15

'Oj in satcn 'el eb' lum witz yet' eb' lum tzalan. 'Oj in satl smasnil te te', 'oj wa' tup chan̈ eb' a niwc a tzb'eyi, ax yochcn cusltac lumal. 'Oj wac' tupchan̈ eb' a niwc pama'.

Is 64:1

Comnoc 'ay tz'aj a jatn satcha'an̈, yic tzach 'eml 'a yolyib'n̈q'uinl tic, sec tzlaj 'ib'x lum niwc witz 'a ojltac.

Jeremías 9:10

'Ix waln an Jeremías in tic 'ixtic: Caw tzin 'oc' yuj eb' lum jolmctac witz, tzin cus yuj eb' lum 'a'lic 'aj wach' swa e cajb'en noc', yujto 'ix tz'a smasnil, man̈x 'a mach tztac' sb'eyc' ta'. Man̈x 'a junc wacx tz'el yaw; an̈jtona e no ch'ic yet' e no calte'al noc', 'ix 'at e no 'elc smasnil, xin chi.

Jeremías 51:20

'Ix yaln Dios 'ixtic: A Babilonia 'icha to in niwquil martillo yaji, in yamc'ab' yic owal, yic xin satl jun tzo'n̈ nacion̈ yet'oc, yet' jun tzo'n̈ eb' 'aych reyal.

Jeremías 51:33

A Jehová tztac' yuj smasnil, atn sDiosal Israel, a tzaln 'ixtic: A eb' 'aj Babilonia, lajn wal eb' 'icha 'ixm trigo lista xo yaj 'a yol te'lab', wan sjaw stiempoal ste'xi, xchi Dios.

Ez 33:28

'Oj can lum lum chi 'a sictaq'uil, cusltac xoj 'oj 'ajcni, ax wa'n lajwc sb'an̈quintacl eb' cha. Cusltac xoj 'oj 'ajcn eb' lum jolmctac witz yic chon̈b' Israel, man̈x 'a 'anma 'oj 'ec' ta'.

Dn 2:35

Wal 'a yajn̈ej, 'ix poj smasnil q'uen hierro, lum mucb'il lu'um, q'uen bronce, q'uen plata, yet' q'uen oro cha. Nab'a pococ x'ajcn 'icha tzyac' stzapil 'ixm trigo 'a yic cuaresmail, ax 'ic' x'utz'n can 'ati, man̈x 'a jac sc'ajl 'ix can yu'uj. Ax q'uen q'uen 'ix ma'n poj jun yechl 'anma cha, 'ix ya'ch sb'a q'uen niwquil witzal. C'uxn 'ix macchj 'el sat lum lum tic yuj q'ue'en.

Miqueas 5:8

Lajn wal 'oj 'aj eb' yin̈tl Jacob chi 'a scal nan̈loc nacion̈ 'icha junc no león 'ay 'a scal no calte'al noc', mto 'icha junc no león tz'och 'a scal jun b'ulc no calnelu. A yic tzc'och no', tzyamn cot no e no calnelu cha, tzcotc ch'iychtan 'at no'. Man̈x 'a junc mach tztac' scoln e no'.

Josué 17:18

A wal lum jolmctac witz, lum caw 'ay stel sat cha, a 'oj eyico'oc, 'oj eyac' e nab'en e c'ann te te 'ay 'a sat lum cha, yujto ax 'oj eyico'oc lum smasnil. A eb' cananeo cajn 'a sat lu'um, 'oj e pechl eb' ta', wach'xam caw jeln eb', wach'xam 'ay pax sq'uen caruaje eb', xchi Josué 'a eb'.

Jueces 6:16

Palta xyaln pax Jehová 'ixtc 'a 'a: —'Oj stac' o'oj, yujto an 'ayn 'och et'oc. 'Icha tz'aj yem junc winc to may mach tzcolni, 'ixta 'oj 'aj eb' madianita chi yem o'oj, xchi.

Job 41:30

A yic tzjucn 'at sb'a no 'a sat lu'um, 'icha sanja 'ixta tz'ajcn 'at lum 'a xab' yuj no', lajn tz'ajcn 'icha 'aj tz'ec' q'uen rastrillo.