Is 41:14 - Chuj San Sebastian Bible

¹⁴ A Jehová a tzaln 'ixtic: Ex israel yin̈tl can Jacob, wach'xam man̈ niwnoc e b'isul, wach'xam mant 'a eyip, palta man̈ex xiwoc, an 'oj ex in colo'. Cojxn In Ton Dios In, e colmal waji.

Chuj San Mateo Bible

¹⁴ Ex israel yin̈tilal Jacob, vach'chom quenn̈ej e b'isul, malaj eyip, palta man̈ ex xivoc, ol in och eyed'oc. A in ton e Diosal in A inxon̈ej Ochi, e Columal in.

Is 41:14 Referans Kwoze

Is 43:14

A Jehová qui Diosal an̈ israel on̈ tic, jun tzon̈ 'a'nec 'el 'a libre, Dios To Cojxni, a tzaln 'ixtic: A wal 'oj wutc ex in coln ax tic, to 'oj in checb't nan̈l eb' soldado yac' owl 'a Babilonia, ax s'at eb' 'aj Babilonia chi elc 'a yol jun tzo'n̈ barco to 'aych yipc sc'ojol.

Is 54:5

A jun mach ex b'oni, a 'icha 'ichmilab'il yaj 'ayex, atn Jehová tztac' yuj smasnil; qui colmal an̈ israel on̈ tic, qui Diosalec; sDiosal pax smasnil tas 'ay 'a sat lum lum tic.

Salmos 22:6

An xo tic, man̈x in 'anmac tzwab'i. Lajn in 'icha junc no a'ay. Caw tzetztac wilx 'a yol sat eb' 'anma', patcab'iln pax 'el yuj eb' wit 'anma'il.

Jeremías 50:34

Palta an Jehová in, tztac' wuj smasnil, an 'oj in colcn 'el eb'. 'Oj in b'eyc'ojloc eb' wal 'a stojlal. 'Oj wac' junc'ojlal 'a in chon̈b' tic, ax pax 'a eb' 'aj Babilonia, cojn xiwc'ojlal 'oj wac' 'a eb', xchi.

Salmos 19:14

Mamin Jehová chab'il cab' in paxti', yet' in nab'en o'oj. In Colmal aji, o'oj colchjnacn xo ticnec.

Job 25:6

ocxom wal an̈ 'anman̈ec tic 'a sat Dios, lajn on̈c am 'icha junc no a'ay, xchi Bildad.

Job 19:25

Wojtac to a jun mach tzin colni, pitzan, ax 'a slajb' c'ual, 'oj jawc in wul yi' chan̈ 'a sat lum tic.

Tito 2:14

A xyac' cham sb'a cu'uj, sec tzon̈ scol 'a yol sc'ab' maysch'olnil. A 'ix 'i'n 'el smasnil qui mul, sec wach' an̈j 'ayn̈ yico', sec an̈j jun tzo'n̈ tas wach' tzqui b'o'.

Is 49:26

A eb' tzach 'ixtn cha, an 'oj wac' schilac sb'a eb', ax yu'lan eb' schiq'uil. 'Oj q'ue 'a sjolm eb' 'icha te 'an̈. 'Ixta to b'i'an, ax yojcan 'el smasnil 'anma', to an ton Jehová a colmal waji. An tzach wa'l 'a libre, sDiosal in Jacob, tztac' wuj smasnil, xchi Dios.

Is 48:17

A Jehová qui Diosal an̈ israel on̈ tic, jun Dios To Cojxni, a tzaln 'ixtic: An Jehová e Diosal in, an tzin ch'ox 'ayex tas wal 'oj 'och e wach'loc, an tzin ch'ox pax e b'e 'aj smoj 'oj e 'ati.

Is 47:4

A qui colmal an̈ israel on̈ tic, atn jun Dios To Cojxni, Jehová tztac' yuj smasnil, 'ixta yalx sb'i. A tzaln pax 'ixtc 'a chon̈b' Babilonia:

Is 44:24

A Jehová atn b'ojnacn̈ec, a on̈ 'a'nec 'el pax 'a libre. A tzaln 'ixtic: An Jehová in, an b'ojnac ex yic mantzac ex 'alji, an b'ojnac smasnil tas, an in jen̈jnac 'ec' satcha'an̈, in b'on can pax lum lum tic 'a yet'ul, may junc mach colwjnac wet'oc.

Is 44:6

A Jehová Rey tztac' yuj smasnil, a tz'a'n 'el eb' israel 'a libre, a tzaln 'ixtic: An ton tic b'ab'l waj 'a smasnil, slajb' in paxi, cojn in ton Dios in, may junc xo.

Apoc 5:9

Ax eb' 'ichm winc cha, 'ix sb'itnan eb' jun 'ac' b'it 'ixtic: Ach tic, a moj xa chaj jun ch'an̈ un̈ tic, yic tza n̈i'chtan seyoal. Yujto ach milb'ilch chamoc, a mann 'och eb' 'anma yico'oc Dios yet' a chiq'uil. Niwn eb' 'a junjn 'in̈tal, 'a junjn ti'al, 'a junjn chon̈b'al, yet' 'a junjn nacion̈al.

Gl 3:13

'Ay cot ton yowl sc'ojl Dios 'a quib'n̈ec yuj jun ley cha, palta a Cristo on̈ colnec 'el 'a yol sc'ab' yowl sc'ojl cha. Yujto schajnac 'och yowl sc'ojl Dios 'a yib'n̈ qui jeloc. Yujto tzyal 'ixtc 'a Ch'an̈ U'un̈: A junc 'anma tzq'uet'un̈n 'a spenc te', 'ay ton cot yowl sc'ojl Dios 'a yib'an̈, xchi.

Lc 12:32

Ax tic, 'icha in calnelu, 'ixta 'ex, man̈ ex xiwoc. Jaywn̈n̈ej ex toni, palta a qui Mam Dios tzex 'i'n 'och 'a yol sc'ab', yujto 'ixta x'el 'a sc'ojol.

Mt 7:14

Palta ax jun puerta lot'n cha, yic q'uinl yaji, yet' jun b'e tzc'och ta', caw lot'n sat. Yuj cha, jaywn̈n̈ej wal eb' 'anma tz'at ta'.

Is 63:16

Ach tic to qui Mam aji. Wach'xam a Abraham yet' win Israel man̈x on̈ yojcoc eb', palta ach tic to qui Mam ach; toxn to qui colmal xon aji.

Is 60:16

Ax eb' nacion̈ cha, 'oj yac' eb' tas wach' 'oj e c'uxu'. 'Oj ex yac' servil eb' rey yet' tas wach' 'ay 'a 'a, 'icha tzyutj junc 'ix nunb'il ya'n chuw yune'. 'Ixta 'oj ex yutc eb' rey chi ex ya'n servil, ax eyojcan 'eli, to an Jehová in, e Diosal in to tztac' wuj smasnil, e Colmal pax waji.

Is 59:20

A 'ix alni to 'oj jawc wul scol 'elt eb' 'aj Sión 'a yol sc'ab' syailal, atn smasnil eb' yin̈tl Jacob to tzna sb'a yuj smul.

Is 54:8

'Ix cot wowl 'aych jun tiempoal, yuj cha, xin c'ub'n 'el in b'a 'ayach, palta yuj in chamc'ojlal 'aych 'a jun 'ejmn̈ej, yuj cha, 'ix 'o'ch pax in c'ojl 'ayach, an Jehová in a colmal waji.

Is 49:7

A Jehová Dios, scolmal chon̈b' Israel, atn jun Dios To Cojxni, a tzaln 'ixtc 'a jun schecb' to caw patcab'il 'eli, yajb'il yuj jun tzo'n̈ nacion̈, atn jun checb' yajch 'a eb' rey: A wal eb' rey yet' jun tzo'n̈ xo eb' yajal, a yic 'oj ach yilnc 'och eb', caw 'oj q'ue wan eb', ax yem n̈ojn eb' 'a ojltac, yujto an Jehová in, sDiosal in Israel, an si'jnacch 'eli, 'oj wac' 'el'choc in ti wa'jnac o'oj, xchi Dios 'a jun schecb' cha.

Ro 9:27

Palta yaljnac can Isaías yab'xil eb' quit israelal chi 'ixtic: A eb' wit israelal, wach'xam caw niwn 'oj 'aj sb'isl eb' 'icha sb'isl yarenail sti a mar, palta jaywn̈n̈ej eb' 'oj colchjoc.

Dt 7:7

'Ix 'el 'a sc'ojl Jehová on̈ si'nec 'och yico'oc, man̈ yujoc to niwn qui b'islec 'a yib'n̈ jun tzo'n̈ xo nacion̈, palta wal yel 'in to jaywn̈ej wal qui b'eyi, man̈ 'ichaoc jun tzo'n̈ xo nacion̈ cha.

Salmos 46:5

A Dios 'ayc'n̈ej 'a jun chon̈b' cha, a tz'a'n yip; a tz'och yet'oc yic tzsacb' pax 'eli.

Salmos 78:35

'Ixta to b'i'an, snan cot eb' Dios caw niwn yel'chi, atn Dios 'aj wach' scoln sb'a eb', a tztan̈wni pax eb'.

Is 35:10

A eb' colb'ilx 'el yu'uj, caw 'oj b'itn eb' 'a stzaljc'ojlal yic 'oj c'och eb' 'a Sión. 'Oj 'aj cajn eb' ta 'a tzaljc'ojlal yet' 'a jun 'ejmn̈ej. 'Oj 'ilchjoc wach'il yet' tzaljc'ojlal yuj eb', ax yailal yet' 'oq'uel, 'oj satcn 'eli.

Is 41:10

Man̈ ex xiwoc, 'ayn 'ec' eyet'oc. Man̈ ex 'och 'il, yujto an ton e Diosal in. An tzwac' eyip, an tzex in colo, an tzex in yamch wan yet' wip tzin c'anlb'ej 'a stojlal.

Is 44:22

An 'ix wac' satl e maysch'olnilal yet' e mul, 'icha tz'aj satchan̈ xob' lum lu'um. Meltzjan̈c pax cot 'ayin, yujto 'oj ex wa'l 'a libre, xchi Dios.

Jeremías 46:27

'Ix yaln pax Jehová 'ixtic: Ex Israel, atn ex yin̈tl can Jacob, in checb' eyaji, caw man̈ ex xiwoc, yujto 'oj ex in col 'elt yet' eyunnal 'a jun nacion̈ 'aj ex 'ijx 'at 'icha presoal 'a caw najat. An Jehová in, an tzwala: 'Oj e cajx e lum 'a junc'ojlal, man̈x 'a tas 'oj e na', man̈x 'a junc mach 'oj e xib'tni.

Lm 3:57

A 'a yic ach wawtn 'a jun c'u cha, ach jaw 'a in tz'ey, 'ix aln 'ayn 'ixtic: Man̈ ach xiwoc, xa chi.

Dn 10:12

Xlajw cha, xyaln pax 'ayn 'ixtic: Daniel, man̈ ach xiwoc. A Dios 'ix 'ab'n a lesl 'a yic b'ab'l c'u yic a'n 'och a b'a 'emmquilal 'a 'a. Yujn̈ej jun tzo'n̈ a paxti cha, yuj cha, in checx coti.

Os 11:9

Ma'oj in b'o 'icha wal yaj yowl in c'ojl 'a eyib'an̈. Ma'oj ex in satli, yujto an tic Dios in, man̈ in 'anma'oc. An tic, 'ayn 'ec' eyet'oc, Cojxn in Dios in, yuj cha, man̈ yujoc ex in satn 'eli, tzin jawi.

Josué 17:18

A wal lum jolmctac witz, lum caw 'ay stel sat cha, a 'oj eyico'oc, 'oj eyac' e nab'en e c'ann te te 'ay 'a sat lum cha, yujto ax 'oj eyico'oc lum smasnil. A eb' cananeo cajn 'a sat lu'um, 'oj e pechl eb' ta', wach'xam caw jeln eb', wach'xam 'ay pax sq'uen caruaje eb', xchi Josué 'a eb'.

Is 37:4

Comnoc wal 'ix yab' Jehová qui Diosal jun tzo'n̈ paxti 'ix yal win syajlil eb' soldado yic win sreyl chon̈b' Asiria checb'il cot yuj win rey yic tzb'uchwj 'a qui Diosal pitzan. Comnoc tzya'ch Jehová yailal 'a yib'an̈. Yuj cha, leslwan̈ cuj an̈ jayn̈ on̈ tzon̈ can tic, xchi Ezequías, xchi eb'.

Is 43:3

An Jehová in, e Diosal in, e colmal waji, Cojxn In Ton e Diosal In. An 'ix wa'ch Egipto, Etiopía, yet' chon̈b' Seba e mannb'iloc.