Is 41:12 - Chuj San Sebastian Bible

¹² 'Oj e sayc' to cob' eb' 'ajc'ojl yajch 'ayex, palta man̈x 'oj 'ilchjoc eb' eyu'uj. A eb' tz'a'n owl xon cob' eyet'oc, 'oj laj satchan̈ eb' 'icha junc tas may xon 'aj tz'ilxi.

Chuj San Mateo Bible

¹² Olto e say eb' ayoch ajc'olal d'ayex, palta man̈xo ol ilchaj eb' eyuuj. A eb' tz'ac'antaxon oval eyed'oc, ol cann̈ej eb' icha junoc tas malajtaxoni.

Is 41:12 Referans Kwoze

Is 17:14

A 'a yemc'ul cha, caw wal 'ay smay eb' 'ajc'ojl cha, palta ax yic 'oj sacb'oc 'el 'a junx c'u, man̈x checloc 'aj 'ay eb'. 'Ixta wal 'oj 'aj eb' tzon̈ 'elc'nec, mto eb' tznib'j tzon̈ 'ixtnec.

Is 34:12

Man̈x 'a b'a'n̈ 'oj 'och junc xo rey yic tzya'n yajlil 'a yib'n̈ jun chon̈b' cha; smasnil eb' yajal, 'oj satcn 'el eb'.

Is 29:8

A 'a 'ac'wl cha, tzwaychej swa'i, ax tz'el swayn̈ 'a jun rato cha, caw 'ayt swejel. Lajn pax 'icha junc mach tzcot stacn̈til 'a 'ac'wal, tzwaychej yu'n tas tzyuq'uej, ax tz'el swayn̈ cha, caw 'ayt stacn̈ti'al, tacn̈tzuynac yol sjaj. 'Icha jun 'anma cha, 'ixta 'oj 'aj smasnil jun tzo'n̈ chon̈b' chi 'oj yac' owl 'a tzaln Sión.

Is 49:25

Palta a Jehová a tzaln 'ixtic: A 'a junc winc caw wal 'ay yip ata 'oj 'ijxoc 'ec' junc mach 'aych 'a preso, ax junc yajl to yel xo wal ow, 'oj 'ijxoc 'ec' tas 'ix 'at yac' ganar 'a owal. An 'oj wac' owl yet' eb' 'ajc'ojl cha, ax in coln 'el eb' one'.

Sofonías 3:19

A 'a yic jun tiempoal cha, 'oj wac' yowlal 'a jun tzo'n̈ eb' ex 'ixtni. 'Oj in colwj 'a eb' 'anma 'aych syailal yet' 'a eb' sactzicnac yajcn 'ati. 'Oj wi' chan̈ e b'inab'ilal 'a 'aj ex patquilx can 'el 'a smasnil yolyib'n̈q'uinal.