Is 40:22 - Chuj San Sebastian Bible

²² A Dios 'ayc' sdespacho 'a yib'n̈ q'ue satcha'an̈. A satchan̈ cha, jen̈n 'ec' 'a yib'n̈ lum lum tic. A yic tzon̈ yiln 'emt Dios an̈ 'anman̈ tic, lajn on̈ 'icha no b'ojch'in. A lich'jnac 'at satchan̈ 'icha junc nip, sb'on chan̈ 'icha junc mantiado tz'och cajnub'al.

Chuj San Mateo Bible

²² A sdespacho Dios ayq'ue d'a yib'an̈ satchaan̈, aton satchaan̈ chi' jen̈anb'at d'a yib'an̈ lum luum tic. Ayic tzon̈ yilanemta Jehová a on̈ anima on̈ d'a sat lum tic, lajan on̈ icha noc' chil. A Dios chi' ix jen̈b'anb'at satchaan̈ chi' icha junoc c'apac, ix slich'anb'at icha junoc mantiado b'aj tz'aj anima.

Is 40:22 Referans Kwoze

Salmos 104:2

A sacq'uinal, icha to a pichl yajchi, ach xa lich't satchan̈ 'icha junc mantiado.

Is 42:5

A Jehová Dios 'ix b'on satcha'an̈, xlajw cha, 'ix sjen̈n 'ati. A 'ix b'on lum lu'um, yet' smasnil tas tzpac' 'a sat lu'um, a tz'a'n qui q'uinl an̈ 'anman̈ec tic, tzya'n pax qui'c quic', tzyaln 'a jun schecb' chi 'ixtic:

Pr 8:27

A wal yic sjen̈n 'ec' Dios satcha'an̈ masnto 'a 'aj tzchaj sb'a yet' a niwc mar, 'ayc' xon jelnal chi ta'.

Is 66:1

'Ix yaln pax Jehová 'ixtic: A satcha'an̈, a chi in despacho yaji, ax lum lu'um, a chi sb'achnub' woc yaji. Ax xo tic, ¿'aj wach' tze b'o junc watut yic tzin 'ilj 'a 'a?

Jeremías 10:12

A Jehová, a 'ix b'on lum lum tic yet' spoder. A yet' sjelnal, 'ix sb'on can yolyib'n̈q'uinl tic. An̈jtona yet' sjelnal cha, 'ix sb'on satcha'an̈.

Is 40:17

Smasnil jun tzo'n̈ niwc nacion̈, may tz'och eb' yu'uj, may jac yel'ch eb' 'a sat.

Salmos 68:33

atn jun tzb'eyc' 'a satcha'an̈, jun to 'ayc' xon 'a pecti'. 'Ab'c wal schan̈il yol sjaj. A yol sjaj cha, man̈x jantcoc spoder.

Job 22:14

Tzaln paxi, matz yil Dios, yujto 'ajm tz'ec' b'eyc'oc 'a sti 'el satchan̈ cha, 'oyn 'och 'asn 'a 'a, toc tzyila, xa chi.

Job 9:8

Toc 'ay mach xcolwj yet'oc yic sb'on satcha'an̈, a tztenn 'och wan a mar, yic tzq'ue wan chel-loc a'.

Is 51:13

An Jehová in, an jen̈jnac 'at satcha'an̈, in b'on pax lum lu'um. Ax ticnec, ¿tom xeyac' sat e c'ojl 'a mach b'ojnac ex? ¿Tom an̈ja e xiw yuj eb' 'anma tzex laj 'ixtn cha, eb' tznib'n tzex satn 'el yuj yowl sc'ojol? Palta a yowl sc'ojl eb' tzex 'ixtn cha, toxn man̈x 'a jac yel'chi.

Is 44:24

A Jehová atn b'ojnacn̈ec, a on̈ 'a'nec 'el pax 'a libre. A tzaln 'ixtic: An Jehová in, an b'ojnac ex yic mantzac ex 'alji, an b'ojnac smasnil tas, an in jen̈jnac 'ec' satcha'an̈, in b'on can pax lum lum tic 'a yet'ul, may junc mach colwjnac wet'oc.

Is 40:15

A 'a sat Jehová, a jun tzo'n̈ nacion̈ lajn eb' yet' jun t'ujoc a', lajn eb' yet' jac pococ 'a yol junc libra. A jun tzo'n̈ chon̈b' 'ay 'a snan̈l a mar, lajn eb' 'icha jun pilc q'uen arena.

Salmos 2:4

Ax Jehová Syajlil satcha'an̈, ton̈j tzewj yuj eb', tzlaj b'uchx eb' yu'uj.

Nm 13:33

'Ix quil eb' niwc stel ta 'on̈, atn eb' yin̈tl can win Anac. An̈ec xo tic, yo'lab' wal tzon̈ 'ajc 'och wetzn 'a stz'ey eb' 'icha no cotc c'ulub', an̈jtona', 'ixta pax on̈ yiln 'och eb', xchi eb'.

Zacarías 12:1

A Jehová a b'ojnac satcha'an̈, sb'on 'ejm yipnub'al yich lum lum tic, a tz'a'n sq'uinl eb' 'anma', a tzaln 'ixtc yuj chon̈b' Israel:

Salmos 29:10

A Jehová syajlil a niwc mar. Yajl yaj 'a jun 'ejmn̈ej.

Job 36:29

¿Mach wal junc tztac' yojcan 'eli tas tz'aj spucn sb'a 'asn yu'uj, mto tzyojquej 'eli tas tz'aj sc'an̈ c'u 'a satcha'an̈?

Is 19:1

Atn jun tzo'n̈ paxti tic 'ix alx can 'el 'a yib'n̈ Egipto: 'Iltec wal sjaw Jehová, wocn q'ue 'a yib'n̈ jun 'asun, caw ji'lti sb'eyi yic tz'at 'a Egipto. Caw wal tz'ib'x chan̈ jun tzo'n̈ comn dios yic Egipto yuj smay, caw tzxiw pax eb' 'aj chon̈b' chi yu'uj.

Job 37:18

¿Tzam stac' a colwj jac yet' Dios yic tzjen̈n 'at satchan̈ tic, 'icha tzyac' junc q'uen q'uen tzatz tz'ajcn 'a yet'ul?

Gn 1:6

Xlajw cha, xyaln pax Dios 'ixtic: 'Ay cab' junc tas jen̈n 'ec' 'a yolyib'n̈q'uinl tic, sec tzpoj sb'a a a yu'uj, xchi.

Salmos 18:11

Ax q'uic'q'uinal, a x'och en̈loc, 'ix a c'ub'j 'el a b'a 'a scal q'uic' 'asn 'aych yalil.

Salmos 19:4

palta c'uxn tzpucb't yab'xil 'a smasnil chon̈ab', masnto tzc'och 'a 'aj tzlajw c'och yolyib'n̈q'uinl tic. A 'a satcha'an̈, ata b'ob'il can 'och c'u yu'uj.

Is 37:16

Mamin Jehová, qui Diosal ach an̈ israel on̈ tic, b'achn 'ec' a despacho 'a scal eb' querubín, cojxn̈ej ach Dios ach 'a yib'n̈ smasnil nacion̈ 'a yolyib'n̈q'uinl tic. Ach 'ix a b'o satcha'an̈ yet' lum lu'um.

Job 26:7

A Dios, 'ix slich'b't satchan̈ 'a stojlal norte, palta may tas xyamn cani, sb'on pax lum lu'um, may pax tas 'aj xq'ue b'achn lu'um.

Is 42:4

Ma'oj 'iljoc, ma'oj schab'c'ojloc sb'a, masnto 'oj b'eylb'axc tojlal chi 'a sat lum lum tic. A jun tzo'n̈ nacion̈ 'ay 'a sti a mar, 'oj smaclc eb' yab' cuynb'il 'oj yac'a', xchi Dios.