Is 40:11 - Chuj San Sebastian Bible

¹¹ 'Oj jawc 'icha junc 'ilm calnelu to xajn scalnelu yu'uj, tzme'n b'eyc'oc no cotc calnelu chi 'a sn̈i sc'ojol, ax no nun calnelu tot 'aljnac yune', caw tztan̈wx no yu'uj. 'Ixta yaj Jehová quet'ec.

Chuj San Mateo Bible

¹¹ Ol javoc icha junoc tan̈vum calnel stan̈van noc' scalnel, schelanq'ue noc' yunetac calnel chi' d'a sn̈i' sc'ool, syailan noc' toto ix aj yune'.

Is 40:11 Referans Kwoze

Apoc 7:17

Yujto a jun tzcuch Calnelu, atn jun 'ayc' 'a spacl snan̈l jun despacho, a tz'iln eb' 'icha junc 'ilm calnelu. A tz'i'n 'at eb' 'a jun a a yic q'uinl 'ayc' 'a jun 'ejmn̈ej. Ax Dios, man̈x 'oj chanc 'oc' eb', xchi 'ayin.

Miqueas 5:4

A jun yajl cha, 'oj q'ue wa'an, ax ya'n Jehová qui Diosal yopiso yet' spoder 'a 'a, yic stan̈wni eb' schon̈ab' sec tzcan eb' 'a junc'ojlal, yujto a jun yajl cha, caw niwn 'oj 'aj 'el'ch 'a scal chon̈ab', masnto 'aj tzlajw c'och lum lum tic.

Ez 34:23

An 'oj in sic' 'elt junc yilmal eb' in chon̈b' 'a scal eb' yin̈tl David, 'oj wac' yopiso stan̈wni eb' in chon̈b' 'icha tzyac' junc 'ilm calnelu.

A Sb'ab'el Carta San Pedro 2:25

A 'a yic yalan̈, lajn on̈c 'icha jun tzo'n̈ calnelu pucnc can 'ati. Palta ax ticnec, on̈ meltzjec cot 'a Quilmalec, atn jun tzon̈ tan̈wniec.

Ez 34:31

A eb' in chon̈b' tic, eb' 'icha 'in calnelu yaji, tan̈b'il eb' wu'uj, wach' 'aj tzwac' wa eb', yujto sDiosal in eb'. An Jehová Yajl in, an tzwala, xchi Dios.

A Sb'ab'el Carta San Pedro 5:4

Toto 'ixta tzeyutj e b'a, ax yic 'oj jawc jun Quilmalec Niwn Yel'chi, 'oj e cha jun spac caw niwn swach'il. A jun cha, may b'a'n̈ 'oj lajwoc.

A Ch'an̈ Carta D'a Eb' Hebreo 13:20

A Dios 'a'm junc'ojlal. A 'a'jnac pitzwc pax Cajlil Jesucristo 'a scal eb' chamnac. A Jesucristo, 'icha 'Ilm Calnelu yaj 'ayn̈ec, caw niwn yel'chi. Yuj schiq'uil, 'ix 'el'ch jun strato Dios 'aycn 'a jun 'ejmn̈ej.

Salmos 80:1

Ach quilmal an̈ israel on̈ tic, ach 'aych 'och yilmalc eb' yin̈tl José, eb' 'icha a calnelu yaji, 'aych 'ec' 'a a despacho 'a snan̈l eb' querubín, 'ab' wal tas tzwala.

Zacarías 11:7

Xlajw cha, in 'och yilmalc e no calnelu to jab'xoj smilx cham cha. A eb' manm calnelu cha, a eb' tz'a'n in tojol. 'Ix in sayn chab' in c'ococh: A jun te', 'ix wac' scuch Wach'c'ojlal; ax jun xo, 'ix wac' scuch Junn̈j yaji.

Ez 37:24

Ax jun yin̈tl in checb' David, a 'oj 'och e reyloc. A 'oj e tan̈wni e masnil, sec wach' 'oj eyutc eyiclni in checnb'il yet' in ley.

Gn 33:13

Xta'w Jacob 'ixtic: —Ach wu'tac, ojtac to a eb' 'unin c'un sc'unb' chan̈ eb'. Tzin na pax yuj no calnelu, yet' no wacx cotcto yune', q'uinloc tzin pech e no', toq'ue tzc'unb' chan̈ e no', 'ay smay scham smasnil e no 'a junn̈j c'u.

Ez 34:16

'Oj in sayc' eb' satnc can 'ati, ax in molb'tzan eb' sactzicnac yajcn 'at cha, 'oj wan̈tc eb' lajwnac, eb' wecchil, ax wa'n yip eb' may yip, palta 'oj in satl eb' yajl yaj 'a scal eb', atn eb' tzlaj 'ixtn eb' in chon̈ab'. Caw wach' 'oj wutc in tan̈wni eb' in chon̈b' cha.

Gn 49:24

Palta ach tic, caw wal 'ay ep, te'nn̈ej yaj a jul-lab' yuj yip in Diosal an Jacob in tic, atn Wilmal, in Tan̈mal an Israel in tic.

Is 63:11

Yuj cha, snan cot eb' schon̈b' Dios chi tas ujnc 'a pecti', 'a yol stiempoal Moisés win schecb' Jehová. 'Ix laj yal-lanc eb' 'a 'ixtic: ¿'Ajtil 'ay jun Dios xcoln 'el eb' quit chon̈b' 'a yol a mar yet' eb' yilmal eb' yaji? ¿'Ajtil 'ay jun Dios to caw a Yespíritu xya'ch 'a scal eb'?

Is 42:3

'Ay wal eb' caw 'oltac, 'icha junc te 'aj tzpacchji, mto 'icha junc cantil wan stupi, 'ixta eb'. Palta a 'oj colwjoc 'a eb', ma'oj yixtc eb', wal yel 'oj yac' tojlal 'a eb'.

Salmos 27:10

Wach'xam tzin yactj can in mam in nun in ch'ocoj, palta ach 'oj in a tan̈woc.

Salmos 28:9

Mamin Jehová colwjan̈ 'ayn̈ an̈ a chon̈b' on̈ tic, 'ac' a yaxilal 'a quib'n̈ an̈ to ec xo caji. 'Ilt on̈ 'icha tzyac' junc 'ilm calnelu, tan̈wj on̈ 'a smasnil tiempo.

Salmos 37:3

Ca'c 'och Jehová yipc qui c'ojol. Qui b'oc tas wach', toto 'ixta', 'oj qui canc cajn 'a sat lum lum tic; 'oj 'ajxocn̈ej tas tzqui c'ux 'a junc'ojlal.

Salmos 100:3

Tzcojcanec 'eli to a Jehová Dios toni; a b'ojnacn̈ec, yuj cha, to yic on̈ec; schon̈b' cajec, 'icha to scalnelu on̈ec, yuj cha, tan̈b'iln̈ec yu'uj.

Jeremías 31:8

'Oj wic' meltzjoc eb' 'a jun nacion̈ 'ay 'a stojlal norte, 'oj in molb'tzoc cot eb' 'a 'aj tzlajw c'och yolyib'n̈q'uinal. A 'a scal eb' cha, ata 'oj jawc eb' matz uj yilni, eb' tz'em sb'eyi, eb' 'ix 'ix to 'ayx tz'i'ni, yet' pax eb' 'ix tzat 'alj yune', caw wal niwn 'oj 'aj eb' smeltzj pax cot 'a tic.

Jeremías 31:10

Ex nacion̈, 'ab'c wal in paxti an Jehová in tic, alc 'el 'ixtc 'a jun tzo'n̈ lugar 'a lac'an yet' 'a sc'axpil 'ec' a mar 'a caw najat: A Jehová 'ix 'a'n sactzic can 'at eb' israel, an̈jtona a pax tzmolb'tzan cot eb' ticnec, tztan̈wx eb' yuj 'icha tz'aj stan̈wx no calnelu yuj yilmal, xe chi.

Ez 34:2

Ach 'anma', al 'a eb' yilmal chon̈b' Israel to an Jehová Yajl in, an tzwal 'a eb' 'ixtic: ¡'Ay, 'oltacx wal ex yilmal chon̈b' Israel! mun ax tze tan̈wj e b'a, man̈oc eb' chon̈b' tze tan̈wj 'icha stan̈wx no calnelu.

Miqueas 7:14

Mamin Jehová, tan̈wj eb' a chon̈b' to ec yaji. Lajn eb' 'icha no calnelu 'aycn 'a caltcte sch'ocoj, ax 'a spatquil 'el no', 'ay te c'ultc to caw wal ya'ax. 'Ij 'at eb' a chon̈b' tic 'icha wal otjnac 'a yic pecti', 'ij 'at eb' 'a 'aj wach' tz'aj eb' 'icha no cajb'en noc' 'ay 'a yol yic Basán yet' 'a yol yic Galaad.

Zacarías 13:7

A Jehová tztac' yuj smasnil, a tzaln 'ixtic: 'Ijx cab' q'ue wan q'uen espada yuj smilx cham jun mach 'icha yilmal in calnelu yaji, to junn̈j yaj wet'oc. 'Oj milx chamoc, ax sactzic can eb' 'icha 'in calnelu yaj cha. Ax eb' 'icha to may yip 'oj canoc, 'oj woch 'ac'ojlal 'a eb'.

Ez 34:15

An Jehová Yajl in, an tzwala: To an 'oj in tan̈wc eb' in chon̈ab', ax wa'n 'iljoc eb' 'a sat slum cha.