Is 40:10 - Chuj San Sebastian Bible

¹⁰ A Jehová Dios caw wan sjaw yet' spoder, yuj ton wal spoder cha, tzyi'n 'ejm sb'a smasnil 'anma 'a 'a. 'Ay jun tas yet'i, atn tas xyij 'a smunljel.

Chuj San Mateo Bible

¹⁰ A Jehová Dios van sjavi yed' spoder. Yuj spoder chi' syic'anem sb'a masanil anima d'ay, yed'nac spac tas ix yic' d'a smunlajel.

Is 40:10 Referans Kwoze

Apoc 22:12

'Ix yaln Jesucristo 'ixtic: 'Ab'ec, jab'xoj wal 'oj in c'ochxi. 'Oj wi't spac yic junjn mach 'oj wac'a', a tzyala tastc tzb'o jun jun.

Is 62:11

A Jehová, 'oj yac' alxoc 'ixtc 'a eb' 'anma 'ay 'a 'aj tzlajw c'och yolyib'n̈q'uinl tic: Alc 'ixtc 'a eb' 'aj Jerusalén: 'Iltec to wan sjaw jun e Colmal, yet' spac xyij yuj smunljel, 'oj xchic eb' 'a eb', xchi Dios.

Apoc 17:14

Caw 'oj yac' eb' owl yet' jun tzcuch Calnelu, palta a 'oj 'a'nc ganar 'a yib'n̈ eb'. Yujto a jun tzcuch Calnelu cha, Yajl yaj 'a eb' yajal, sReyl pax eb' rey. Ax eb' 'ayc' yet'oc, 'awtb'il chan̈ eb' yuj Dios, sic'b'il 'el eb' yu'uj, atn eb' yiclum 'a 'a, xchi jun ángel chi 'ayin.

Mt 28:18

Ax Jesús, 'ix wach' c'och 'a stz'ey eb' scuywum yuxlchwan̈il, 'ix yaln 'a eb' 'ixtic: —In 'ajx 'och Yajlil 'a yib'n̈ smasnil tas 'a satcha'an̈ yet' 'a yolyib'n̈q'uinl tic.

Is 49:4

Palta xin nan 'ixtic: Nab'an̈ej in munlji, nab'an̈ej x'el wip, may jac tas 'ix wij 'a 'a, xin chi. Palta wojtac to checl yaj jun tic 'a sat Jehová, a spac wic yuj jun tic, ata 'ayc' 'a yol sc'ab' Dios.

Is 59:15

A wach' b'eyb'al, 'ipn sat 'ejmi; ax eb' matz b'on maysch'olnil, man̈xtzac alx eb' jac yuj ley, xchi eb'. Palta a Jehová, caw wal matz yal sc'ojl jun tzo'n̈ tzlaj b'o tic, yujto man̈xtzac b'oyaj eb' 'anma 'a stojlal.

1 Jn 3:8

A mach an̈ja sb'eylb'an maysch'olnil, an̈ja yic win diablo, yujto a win 'aj pitzwnac 'elt maysch'olnil cha. An̈jtona ticnec, an̈ja wan sb'on winac. Yuj wal cha, swulc' Yunnal Dios 'a yolyib'n̈q'uinl tic, wul ya'n lajwc tas tzb'o winac.

Jn 12:15

Ex 'aj chon̈b' Sión, man̈ ex xiwoc. 'Iltec wal sjaw e reyl 'ayex. 'Ay q'ue 'a yib'n̈ jun no quelm b'uru, xchi 'a Ch'an̈.

Salmos 110:6

'Oj b'eyc'ojlaxc eb' nacion̈ yu'uj, b'ulctac 'oj 'ajcn eb' 'anma schami; 'oj satl smasnil eb' yajl yaj 'a yolyib'n̈q'uinl tic.

A Ch'an̈ Carta D'a Eb' Hebreo 2:14

A eb' tz'och yunnalc Dios yet'oc, chamlb'a yaj sniwnal eb'. Yuj cha, ax Jesús, yowlal 'ix 'och pax sniwnal chamlb'ail, 'icha sniwnal eb' cha. Yuj cha, a yic xchami, 'ix ya'n lajwc yopiso jun win 'aych syajlilc chamel, atn win diablo.

Jn 12:13

Yuj cha, til wal eb' xtzu'n 'emt xil te q'uib'. 'Ix yi'n 'at eb' x'at schanc eb' Jesús. 'Ix laj yalnc chan̈ eb' 'ixtic: —Yuj wal dios. Calc wach' paxti 'a jun checb'il cot yuj Cajlilec. Calc wach' paxti 'a qui Reyl an̈ israel on̈c tic, xchi eb'.

Is 53:12

Yujn̈ej cha, ax ya'n Dios jun yopiso 'a scal eb' niwn yel'chi. 'Ay yaln yic yet' eb' x'a'n ganar owal, yujto 'ix ya'sb'a 'a yol sc'ab' chamel, 'icha tz'ajx 'och 'a yib'n̈ eb' maysch'olnil sb'eyb'al, 'ixta x'ajx 'och 'a yib'n̈ jun xo. Caw yel 'ix ya'cn 'och sb'a 'a yaln̈ smul smasnil 'anma', 'ix leslwi yuj eb', sec tz'ajx lajwc smul eb' cha.

Salmos 66:3

Calc 'a Dios 'ixtic: A wal a munljel Mamin, caw satjub'tac yilxi. Yuj wal a jelnal, caw tz'ib'x chan̈ eb' 'ajc'ojl 'a ojltac.

Apoc 20:11

Xlajw cha, xwiln jun wocn 'ejm 'a jun niwquil despacho caw sac. Ax 'a yojltac, ata 'ix satl yolyib'n̈q'uinal, yet' satcha'an̈. Man̈x 'a 'aj 'ix 'ilchj jac sc'ajil.

Malaquías 3:1

A Jehová tztac' yuj smasnil, a tzaln 'ixtic: 'Oj in b'ab'l checc 'at jun in checab', sec a 'oj b'ab'l b'onc in b'e an Yajl in tic yic mantzac in c'och 'ayex. An tan̈b'iln xon eyu'uj, wal 'a yajn̈ej ax woch 'a yol watut. Ax tic, tze nib'j xon tzjaw jun in checab' yic tzya'n b'o 'el'chc in trato, palta 'ab'ec, an ton 'oj in jawi.

Is 28:2

'Ay jun winc sic'b'il 'el yuj Jehová, a jun cha caw wal 'ay yip, caw jeln 'a owal. 'Oj jawc yet' yip 'icha tz'aj sjaw yaxn̈ab' yet' sacb'atil, 'icha pax tz'aj sjaw chacxuxm'ic' yic tzyutz'n telwc smasnil tas, 'icha pax yic tzya'n yowl a b'eymal a sb'eyi. Yuj wal yip cha, ax slan̈chj can 'ejm Samaria smasnil.

Is 33:2

Mamin Jehová, 'o'ch cab' wal a c'ojl 'ayn̈ on̈, caw tan̈b'ilch cuj on̈, 'ochn̈ quet' 'a junjn c'u yic 'ay qui yailal on̈, coln̈ 'el on̈.

Is 51:5

A ticnec, la'nxo yaj in b'eyc'ojlal, la'nxo pax yaj to 'oj in colwji, 'oj in b'eyc'ojloc jun tzo'n̈ chon̈b' tic yet' in poder. Ax eb' 'anma 'a lum chon̈b' 'ay 'a sti 'a mar, 'oj ya'ch eb' yipc sc'ojl in poder.

Is 59:16

Caw wal tzsat sc'ojl yiln tz'aj eb' 'anma yixtxi, yujto man̈x 'a mach wach' scoln eb'. Yuj cha, xya'n 'och sb'a scoln eb' yet' spoder, xya'n ganar scoln 'el eb' 'a stojlal.

Is 59:18

A Dios 'oj yac' spac yic junjn 'anma', a tzyala tas tz'el sb'oni: 'Oj ya'ch syailal eb' 'ajc'ojl yajch 'a 'a, eb' tzchichn 'och 'a 'a, yet' eb' nacion̈ cajn 'a sla'nil sti a mar. 'Oj yac' spac 'a eb', a tzyal tas xyutj eb' yi'n cot 'a yib'an̈.

Is 63:5

In cob' 'ec' q'uel-loc, may xon mach 'ix colwj jac wet'oc; yuj cha, caw 'ix sat in c'ojl wiln jun tic, yujto may xon mach x'och wet'oc. Yuj wal yowl in c'ojol, x'och wip, atn yuj cha, sta'n in coln in chon̈ab'.

Gn 15:1

Yic xlajw 'ec' jun tzo'n̈ tic, 'ix paxtin Jehová yet' Abram 'a 'icha waychil, 'ix yaln 'a 'ixtic: —Man̈ ach xiw Abram, an 'oj ach in colo', caw wal niwn spac 'oj a cha', xchi Dios.

Jeremías 31:16

Ach Raquel, man̈x ach 'oc'oc, man̈x ac' 'eltoc yal a sat, yujto an Jehová in, an tzwala to a tas 'ix a b'o yuj swach'loc eb' one cha, 'oj a cha spac. A eb' one cha, 'oj 'eltoc eb' 'a slum eb' 'ajc'ojol, ax sjapx cajn eb' 'a tic.