Is 38:3 - Chuj San Sebastian Bible

³ Tzin tew 'aych Mamin Jehová, to tza na coti chajtlto wach' 'ix wutj ach wa'n servil, xin b'on tas tzchaj a c'ojol, xchi 'a slesal. 'Ix 'oc' wal si'mb'il.

Chuj San Mateo Bible

³ Tzin tevi d'ayach Mamin Jehová, nacoti tas ix vutej ach vac'an servil d'a smasanil in c'ool, ix in c'ulejn̈ej tas ix scha a c'ool, xchi vin̈. Ix te oc' val vin̈ sic'lab'il.

Is 38:3 Referans Kwoze

A Ch'an̈ Carta D'a Eb' Hebreo 6:10

Yujto a Dios caw tojl snab'en. Ma'oj sat sc'ojl 'a jun tzo'n̈ tas xe b'o'o, yet' e chamc'ojlal xe ch'ox 'a 'a, yic ex colwj 'a eb' yic xo Dios quet'ec. An̈jtona', 'ixta tzeyutj e b'a ticnec.

A Ch'an̈ Carta D'a Eb' Hebreo 5:7

A yic yec' Cristo 'a yolyib'n̈q'uinl tic, leslwnac, sc'ann tas 'a Dios. Caw 'ip leslwnac, caw wal 'o'nac. Ax Dios a 'ay spoder scoln 'el 'a yol sc'ab' chamel. Yab'jnac Dios slesl Cristo, yujto 'emmquilal yutjnac sb'a 'a 'a.

Nehemías 13:14

Xwaln 'ixtc 'a in lesal: Ach in Diosal, na cot jun tzo'n̈ tas xin b'o tic. Man̈ 'at satc'ojlal o'oj, atn jun tzo'n̈ tas xin b'o yet' in chamc'ojlal 'a atut, 'a 'aj tz'och 'emmquilal 'ayach, xin chi.

2 Co 1:12

Caw tzon̈ tzalj on̈, yujto cojc yet' qui pixn on̈, caw tojl tzcutj qui b'eyb'al 'a smasnil 'anma 'on̈, yet' pax 'ayex. May spaltail qui b'eyb'al on̈, yujto tzyac' Dios spoder 'ayn̈ yuj swach'c'ojlal on̈. Man̈ yujoc qui jelnal on̈, wach' qui b'eyb'al on̈.

Jn 1:47

Ax 'ix yiln 'at Jesús, wan sc'och Natanael 'a 'a. 'Ix yaln yuj 'ixtic: —A jun tzjaw tic, caw yel israel 'a sat Dios, may 'aj chab'sat tzyutj sb'a, xchi Jesús.

Nehemías 13:22

Xlajw cha, xwaln 'a eb' levita to tzsacb'tzej sb'a eb', yic tz'at eb' 'at stan̈wc puerta cha, sec wach' matz tz'ixtx 'el sc'ul 'iljelal. Yuj cha, xwaln 'ixtc 'a in lesal: Ach in Diosal, nan cot yuj jun tzo'n̈ tic, 'o'ch cab' 'a c'ojl 'ayn yuj a wach'c'ojlal, xin chi.

Nehemías 5:19

In leslwi 'ixtic: Ach in Diosal, nan cot yuj smasnil tas xin b'o 'a jun chon̈b' tic yic tza'n spac 'ayin, xin chi 'a 'a.

Dt 6:18

A cab' tas wach' tze b'o'o. Tojln̈ej cab' tzeyutj e b'a 'a sat Jehová, sec wach' tzex 'el'chi, ax eyica'an lum lum 'aj ya'jnac sti ya'n 'a eb' qui mam quichmec.

Salmos 6:8

'Eln̈ec 'a in tz'ey ex tze b'o maysch'olnil, tox 'ix yab' Jehová woq'ui.

1 Cr 29:19

An̈jtona', tzac' wach' nab'enal 'a ni wunnal Salomón tic, sec wach' 'oj syiclc ni smasnil a checnb'il, a cuynb'il yet' pax a ley, ax sb'eylb'an ni smasnil, sec wach' 'oj stac' sb'on chan̈ ni jun n̈a man̈x jantcoc swach'l yilx 'ix in yamb'tzej can syamc'ab'il tic, xchi rey David 'a Dios.

Os 12:4

Xya'lj yip yet' jun ángel, masnto xyac' ganar. 'Ix 'oc' Jacob, 'ix sc'ann swach'c'ojlal jun ángel chi 'a yib'an̈. A 'a Bet-el, ata sch'oxjnac sb'a Dios 'a 'a, ata xpaxtin yet' ta'.

Salmos 119:80

Te'n cab' yaj in nab'en 'a jun tzo'n̈ a checnb'il tic, sec may b'a'n̈ tzwac' in q'uixwloc.

Salmos 102:9

A stan̈il c'ac' 'ay q'ue 'a in jolom, a chi tz'em 'a scal tas tzin c'uxu, ax tas tzwuq'uej, caln yaj yet' yal in sat.

Salmos 32:2

A eb' x'och spaltail, toto man̈xtzac 'och jun chi smulc eb' yuj Jehová, caw wal wach' yic eb', atn eb' man̈xtzac snalb'ej smacn sat yit 'anma'il.

Salmos 101:2

Tzin nib'j a a tojlal tzin b'eylb'ej. ¿B'a'n̈ wal tzach jaw pax 'ayn jun? Tzin nib'j may tu paxti'al tzalx 'a wib'n̈ yet' wopiso.

Salmos 26:3

Yujto may 'aj tzwac' sat in c'ojl 'a a chamc'ojlal, caw yiclumn̈ej tzwutj in b'a 'ayach.

Salmos 16:8

Smasnil tiempo caw nab'ilchn̈ej wu'uj. 'Aych 'ec'n̈ej 'a in wach' c'ab', yuj cha matz somchj 'el in nab'en.

Nehemías 13:31

'Ix waln yuj te c'atzitz, tas c'ul tz'ijx cot te', xwaln pax yuj sb'ab'l sat yawb'en eb' quit chon̈ab', to yowlal tzyij cot eb' 'a yatut Dios. Yuj cha, xwaln 'a in lesl 'ixtic: Ach in Diosal, nan coti, 'o'ch cab' 'a c'ojl 'ayin, xin chi 'a Dios.

Nehemías 1:4

A yic xwab'n jun tzo'n̈ paxti cha, in 'emwocn woq'ui, caw in cus jaye c'ual, in 'och 'a c'ajb'c'ojlal, in leslwi 'a Dios 'ay yic satcha'an̈.

Esdras 10:1

Ya' sb'a wan sleslwi Esdras, caw wal tz'oq'ui tzyaln smasnil jun tzo'n̈ tic, cumn 'ejm 'a sti yatut Dios, caw niwn eb' yit israelal 'ix 'och 'oyn 'a stz'ey, eb' winac, eb' 'ix 'ix, yet' eb' 'unin. Caw wal ji'jmtac yoc' eb' 'anma chi yet'oc.

2 Cr 25:2

A jun tzo'n̈ tas sb'o Amasías cha, tojl 'a sat Jehová, palta to ma'ix sb'o 'a smasnil sc'ojol.

2 Cr 16:9

A Jehová tzlaj yil smasnil tas tzuj 'a yolyib'n̈q'uinl tic, yic tzch'oxn 'el spoder, tzya'n ste'nal eb' wach' snab'en 'a 'a, toto a tzya'ch eb' yipc sc'ojol. Oc xo jun, a jun xa b'o cha, lajn 'icha junc may snab'en. Yuj cha, a ticnec yet' 'a yic 'oj b'ey tiempo, owln̈ej 'oj ela', xchi 'a 'a.

1 Cr 29:9

Caw 'ix tzalj smasnil eb' 'anma', yuj jun tzo'n̈ tas 'ix 'el 'a sc'ojl eb' yajl chi ya'ni, yujto yet' wal smasnil sc'ojl eb', 'ix ya'n eb' 'a Jehová. An̈jtona', caw 'ix tzalj pax rey David yet' eb'.

A Ch'an̈ B'ab'el Libro Yic Yab'ixal Eb' Rey 2:4

sec wach' 'oj 'el'choc tas alb'il can yuj Jehová 'ayin, yic yaln 'ixtic: Toto tzyac' cuenta sb'a eb' en̈tl yet' sb'eyb'al, toto tojl 'oj yutc sb'a eb' 'a wojltac 'a smasnil sc'ojol, yet' 'a smasnil snab'en, to 'ixta', ma'oj yac' palta eb' en̈tl yoch reyl 'a chon̈b' Israel tic, xchi 'ayin.

Gn 17:1

A Abram 99 ab'il sq'uinal, yic sch'oxn sb'a Jehová 'a 'a, xyaln 'a 'ixtic: —An ton Dios in, tztac' wuj smasnil, wach' tzotj a b'a 'a in sat.

Gn 6:9

Atn yab'xil win Noé tic: A Noé, caw wal wach' xyutj sb'a 'a sat Dios, cojxn win wach' snab'en 'a scal eb' 'anma 'a yic jun tiempoal cha, 'ix sb'eylb'ej 'icha tznib'j Dios.

A Ch'an̈ B'ab'el Libro Yic Yab'ixal Eb' Rey 15:14

Wach'xam ma'ix yij 'el win smasnil jun tzo'n̈ macsej 'a 'aj tzyal sb'a eb' 'anma 'a jolmctac witz, palta caw tojl xyutj win Asa chi snab'en 'a sat Jehová.

1 Cr 28:9

Ach xo tic ach wunnal Salomón, 'ojquej 'el wal qui Diosal, 'ac' servil 'a smasnil a pixan, mun cab' wal tz'el 'a a c'ojol, yujto a Jehová yojc smasnil tas 'ay 'a qui pixan, tznachj 'el pax yu'uj tas 'ay 'a qui nab'en. Toto 'oj al a b'a 'a 'a, 'oj ta'wc 'ayach, palta toto 'oj e'cn 'el a b'a 'a 'a, 'oj ach spatquilc can 'el 'a jun 'ejmn̈ej.

Salmos 6:6

Caw wal tz'el'ch wip woq'ui. Til wal woc' 'a junjn 'ac'wal, caw tzlojx 'el in c'an̈jolm yuj yal in sat.

Is 38:2

Xlajw cha, 'ix meltzj 'och q'ueln Ezequías 'a sat yich n̈a cha, 'ix leslwi 'ixtc 'a Jehová:

Is 38:4

Xlajw cha, xyaln pax Jehová 'ixtc 'a Isaías,

A Ch'an̈ Schab'il Libro Yic Yab'ixal Eb' Rey 18:3

Caw wach' tas 'ix 'el sb'on Ezequías 'a sat Jehová, 'icha tas sb'ojnac smam yicham, atn David.