Is 38:14 - Chuj San Sebastian Bible

¹⁴ 'Icha wal yel yaw no pechul tz'ec' no 'a satcha'an̈, 'ixta yel waw wab'n syail, tzin c'acw 'icha sc'acw no parama. Caw wal tzc'unb' yol in sat in q'ue q'ueln 'a satcha'an̈. Mamin Jehová, caw wal tzin 'ixtx tzwab'i, ta'wan̈ 'ayin.

Chuj San Mateo Bible

¹⁴ C'unxon̈ej yel vav icha noc' san̈capech, ix in c'acvi icha noc' paramuch. Ix in tzactzaj in tan̈van a pactzitan d'ayin. Mamin Jehová, tzin ixtax val svab'i, tac'van̈ d'ayin.

Is 38:14 Referans Kwoze

Is 59:11

'Ay cob' 'aj tzcotc cowal, tzcob' n̈il-li yol qui jajc 'icha no oso, mto tzon̈ cob' c'acwec 'icha sc'acw no parama; cob' tan̈b'il qui b'ocyaj 'a stojlal, palta may b'a'n̈ tzon̈ b'ocyaji, 'icha to najt yajcn 'el colnb'il 'a qui tz'eyec.

Salmos 69:3

Caw 'ix poj yol in jaj wawji, xq'ue syal yol in jaj. Caw 'ix c'unb' c'och yol in sat yuj in macn wil a jaw ach in Diosal.

Nahúm 2:7

'Oj 'ijxoc can 'at 'ix reina 'icha presoal, locn eb' 'ix schecb' 'ix 'oj 'ijxoc 'at yet' 'icha yaj yalx cani. Xoj sc'acw eb' 'icha no parama, tztenn 'och eb' sc'ab' 'a sn̈i sc'ojl yuj cusc'ojlal.

Ez 7:16

A eb' 'oj yac' ganar s'atcn 'elc 'a lum jolmctac witz 'icha no 'uch, 'oj c'acwc eb' yab'n syal yuj smul cha.

Job 30:29

Caw wal cusltac xoj yel waw 'icha no 'ocs 'a 'ac'wal, mto 'icha no chulpop.

Lm 4:17

Caw wal on̈ c'unb' qui macn sjaw junc mach tzon̈ coln on̈, palta may mach xjawi. 'Ay cob' jun nacion̈ yipc'ojlal yaj cuj on̈, palta ma'ix stac' on̈ scolni.

Salmos 143:7

Mamin Jehová ta'wj in muc'uc, yujto wan yel wip tzwab'i. Man̈ e'l a sat 'ayin, colwjan̈ wet'oc, sec man̈ lajnoc tzin 'ajcn 'icha eb' chamnac.

Salmos 119:82

Caw wal tzactzj yol in sat in tan̈wni wila', b'a'n̈ tz'el'ch tas tzyal a paxti tic, yuj cha, xwaln 'ixtic: ¿B'a'n̈ pax tzwul ac' sniwnal in c'ojl jun? xin chi.

Job 17:3

Palta ach tic Dios ach, 'ac' a b'a wu'uj, ¿mach wal junc 'oj stac' ya'n sb'a wu'uj? cojxn ach tztac' o'oj.

A Ch'an̈ Carta D'a Eb' Hebreo 7:22

A junx strato xyac'a, 'ec'b'al swach'l 'a yib'n̈ jun ya'jnac 'a b'ab'el. Ax Jesús, a tz'a'n 'el'choc jun tic.

Salmos 55:2

'Ochn̈ q'ueln 'ayin, tza'n spac tas tzin c'an 'ayach, a 'a scal in yailal wan waln in b'a 'ayach.

Nahúm 2:8

'Icha wal tz'aj sn̈i'chj 'el a a 'a yet'l 'aj molb'il, 'ixta wal 'oj 'aj s'at eb' 'aj Nínive 'eloc. 'Ojt cob' 'och 'aw, ax yalx 'a eb' 'ixtic: 'Ochn̈ec wa'an, meltzjan̈ec, 'oj xchioc, palta man̈x 'a mach 'oj scha yab'i'.