Is 37:22 - Chuj San Sebastian Bible

²² Yuj cha, xyaln Jehová jun tzo'n̈ paxti tic 'ixtc 'a yib'n̈ win sreyl Asiria cha: A eb' 'ix cob's 'ix 'aj Sión, ton̈j 'oj tzewjc eb' 'ix 'aych ach Senaquerib. A eb' 'aj Jerusalén 'oj ach sb'uch eb', ax spax ch'umnjoc eb' 'ayach, yic 'oj a meltzj 'a a patquil.

Chuj San Mateo Bible

²² Yuj chi' ix yalan juntzan̈ lolonel tic Jehová d'a yib'an̈ vin̈ sreyal Asiria chi': Ach Senaquerib, a eb' ix cob'estac aj Sion, ton̈ej tzach stzetzej eb' ix. A eb' aj Jerusalén, ton̈ej ol b'at miquiljoc eb' ach sb'uchani ayic elelalxon̈ej ol ach meltzajoc.

Is 37:22 Referans Kwoze

Job 16:4

Q'uinloc to ax tic, 'ixtc eyaj 'icha wal waj tic, an̈jtona 'in, tecn am tztac' waln 'ayx 'icha tzeyutj eyaln 'ayn tic. Ton̈j am tzin yuc in jolm ex in tzetzni, til am wal tas tz'el waln 'ayex.

Zacarías 2:10

A Jehová a tzaln 'ixtic: B'itnan̈c 'a tzaljc'ojlal ex 'aj Sión, yujto 'oj in jaw cajn 'a e cal, xchi.

Sofonías 3:14

B'itnan̈c ex 'aj chon̈b' Sión, q'ue cab' eyaw e b'itn ex israel. Tzaljan̈c ex 'aj Jerusalén, caw tzaljan̈c wal si'mb'il.

Lm 2:13

Ex 'aj Jerusalén, ¿mach junc tzex in lajb'tzej yet'oc? Ex 'aj Sión, ¿tas junc ch'oxnb'il tzwac' 'ayex yic tzwa'n sniwnal e c'ojol? Caw wal niwn ex 'aj e satli. ¿Mach to wal junc 'oj 'a'nc b'oxc pax e c'ojol?

Jeremías 14:17

Yuj cha, al jun tzo'n̈ a cusc'ojlal tic 'a eb' chon̈b' chi 'ixtic: Sc'ual, yac'wlil cab' yel yal in sat woq'ui, matz 'och wan xon cab' yeli, yuj wal jun yailal 'ay xo smay xjaw 'a yib'n̈ eb' wit chon̈ab', yuj jun yailal tz'a'n lajwc eb'.

Is 1:8

A chon̈b' Sión, 'ix can sch'ocj 'icha junc yune pat yic eb' tan̈m uva, mto 'icha jac yen̈l eb' tan̈m melón yic tzlajw smolb'tzax te', mto 'icha pax tzyac' junc chon̈b' oyn 'och eb' 'ajc'ojl 'a 'a, yic tzya'n lajwc 'el eb'.

Salmos 9:14

To 'ixta', 'oj wal-l 'a 'aj tz'och eb' 'anma 'a spuertail Jerusalén, to ach tic smoj wal yalx wach' paxti 'ayach. Caw tzin tzalj ticnec, yujto in a colcn 'eli.

Mt 27:39

Ax eb' xlaj 'ec' ta', xb'uchwj eb', xlaj pax ch'umnjoc eb' 'a 'a,

Mt 21:5

Tzeyal 'ixtc 'a eb' 'aj chon̈b' Sión: 'Iltec wal sjaw e Reyl 'ayex. Caw 'emmquil sjawi. 'Ay q'ue 'a yib'n̈ jun no quelm b'uru, yune jun no 'axna, xe chi, xchi 'a Ch'an̈ U'un̈.

Zacarías 9:9

A Jehová tzaln 'ixtic: ¡Tzaljan̈c wal si'mb'il ex 'aj chon̈b' Sión! ¡B'itnan̈c 'a tzaljc'ojlal ex 'aj Jerusalén! 'Iltec wal sjaw e reyl 'ayex, caw tojl snab'en. A 'oj 'a'nc colnb'il. Caw 'emmquil sjawi, 'ay q'ue 'a yib'n̈ jun no quelm b'uru yune jun no 'axna.

Am 5:2

A qui chon̈b'ec tic, lajn wal 'icha junc 'ix cob's 'ix tzecx can telwoc. Man̈x 'a tz'aj sq'ue wa'an. Yujto x'actx can sch'ocoj, man̈x 'a mach tz'i'n chan̈ 'a sat lu'um.

Lm 1:15

Caw wal najt xyijcan 'el Cajlil eb' 'anma caw jeln on̈ scoln on̈. Ax eb' soldado 'ajc'ojl yajch 'ayn̈ on̈, a eb' xyij coti, sec tzlajw 'el smasnil eb' qui soldado caw jeln on̈ scolni. An̈ 'aj Judá on̈ tic on̈, on̈ te'x can 'ejm yuj Cajlil 'icha tz'aj ste'x 'el yalil te uva.

Is 62:11

A Jehová, 'oj yac' alxoc 'ixtc 'a eb' 'anma 'ay 'a 'aj tzlajw c'och yolyib'n̈q'uinl tic: Alc 'ixtc 'a eb' 'aj Jerusalén: 'Iltec to wan sjaw jun e Colmal, yet' spac xyij yuj smunljel, 'oj xchic eb' 'a eb', xchi Dios.

Is 10:32

Ax ticnec, xc'och sc'ul syamn sb'a eb' 'a'm owl chi 'a lum Nob, yic tzch'oxn eb' 'ilxoc to 'aych 'a snab'en eb' satn 'el Sión, atn lum stzalnil Jerusalén.

Salmos 31:18

Sictac cab' tz'aj eb' 'a'm 'es, yujto tzyal eb' b'uchwal paxti', tzpatquiln can 'el smasnil eb' 'anma wach' snab'en.

A Ch'an̈ B'ab'el Libro Samuel 17:36

Yuj cha, an a checb' in tic, wach'xam león, mto oso, cojnto tojln̈ej scham wu'uj. Ax jun filisteo chuc chon̈b'al tic, lajn 'oj wutc 'icha wutjnac e no cha, yujto tzb'uchwj 'a eb' soldado yic jun Dios pitzan.

Is 23:12

Xyaln Dios 'ixtc 'a eb' 'aj Sidón: 'Actjec eya'n 'och jun tzo'n̈ e q'uin̈, yujto tox ex juw 'el 'icha junc cob's 'ix, wach'xam tzex c'axw 'ec' 'a Chipre, palta an̈jtona ma'oj eyilj xon jac ta', xchi.

A Ch'an̈ Schab'il Libro Yic Yab'ixal Eb' Rey 19:21

Yuj cha, xyaln Jehová jun tzo'n̈ paxti tic 'ixtc 'a yib'n̈ win rey cha: A eb' 'ix cob's 'ix 'aj Sión, ton̈j 'oj tzewjc eb' 'ix 'aych ach Senaquerib. A eb' 'aj Jerusalén 'oj ach sb'uch eb', ax spax ch'umnjoc eb' 'ayach, yic 'oj a meltzj 'a a patquil.

Is 47:1

Tzyal Dios 'ixtc 'a Babilonia: 'Emn̈ta 'a a despacho, 'emn̈ wocn 'a scal pococ. Yujto a 'a yic pecti', lajn wal elx 'icha junc 'ix cob's mant 'a yichmil. Ax ticnec, man̈x 'oj alxoc 'aych 'ixtic: 'Ix cob's 'unn ya'ilb'il.

Jeremías 18:16

Yuj wal cha, ax yochcn jun e nacion̈ tic 'a cusltac lumal. 'Oj b'uchxoc 'a smasnil tiempo. Smasnil mach 'oj 'ec' 'a 'a, toxn̈ej 'oj syuc eb' sat yuj satjub'tacl yilx 'oj 'ajoc.

Lm 2:15

A yic tz'ilx chon̈b' Jerusalén yuj eb' tzlaj b'ey 'a b'e, tzlaj spo'nc can eb' sc'ab' yu'uj, yic tzb'uchwj can eb' 'a 'a. Tzlaj xulmj eb', tzlaj syucnc eb' sjolom yuj sb'uchn eb', tzlaj yalnc eb' 'ixtic: ¿Am jun chon̈b' tic til wal sb'inax 'a sat lum lum tic, tolab' yel xo wach' yilxi? xchi eb'.