Is 35:6 - Chuj San Sebastian Bible

⁶ A eb' tz'em sb'eyi, 'oj b'atjoc chan̈ eb' sb'ey 'icha no c'ultquil chej, yet' eb' matz uj xon spaxtini, 'oj b'itnc chan̈ eb' yuj tzaljc'ojlal. Ax 'a lum cusltac lu'um, yet' 'a lum caw tacn̈ sat, til wal a a 'oj q'uelc pulnjoc spac' 'a eb' lu'um.

Chuj San Mateo Bible

⁶ Axo eb' tz'em sb'eyi ol q'ue tz'itnaj eb' sb'eyi, icha noc' c'ultaquil chej. Axo eb' max loloni ol avaj chaan̈ eb' yuj tzalajc'olal. A d'a lum taquin̈ luum yed' d'a lum taquin̈ sat ol q'ueul chulnaj sjaj a' nivac a' sb'eyi.

Is 35:6 Referans Kwoze

Lc 11:14

A 'a jun 'el, 'ay jun winc 'aych jun demonio 'a 'a, matz tac' xon spaxtin win jac yu'uj. Ax Jesús, a 'ix 'i'n 'el jun demonio chi 'a winac. A yic x'el 'a winac, tzax stac' spaxtin winac. Yuj cha, caw 'ix sat sc'ojl eb' 'anma yu'uj.

Is 32:4

A eb' matz cham wal snani tas tzyala, 'oj tojlb'oc snab'en eb'; ax eb' que'ec, 'oj tojlb'oc spaxtin eb'.

Mt 12:22

'Ay jun winc x'ijx cot 'a Jesús, matz tac' yilni, matz uj spaxtin paxi, yujto 'aych jun demonio 'a 'a. Ax Jesús a 'ix 'a'n b'oxc sc'ojol, yuj cha, xb'o yilni, 'ix b'o spaxtin paxi.

Salmos 51:15

Mamin Jehová jac wal in ti', sec 'oj ach in b'itnoc yet' in wach' paxti'.

Apoc 22:17

A Yespíritu Dios, yet' eb' 'icha to 'oj 'och yistloc jun tzcuch Calnelu, tzyaln eb' 'ixtic: —¡Cotn̈ec! xchi eb'. Yet' eb' tz'ab'n tas tzyal jun un̈ tic, yal cab' pax eb' 'ixtic: —¡Cotn̈ec! xchi cab' eb'. A eb' 'ay stacn̈ti'al, toto tznib'j eb', cot cab' eb'. Yu' cab' eb' jun a tz'a'n qui q'uinl 'a jun 'ejmn̈ej. Atn jun a tz'ajx 'a nab'an̈ej.

Apoc 22:1

Xlajw cha, 'ix sch'oxn jun ángel chi jun niwn a 'ayin, caw yaxt'ujnac. Atn jun a tz'a'n qui q'uinlec 'a jun 'ejmn̈ej. Caw yaxt'ujnac yilx 'icha cristal. A 'a sdespacho Dios yet' jun tzcuch Calnelu, ata tzpac' 'elta.

A Scarta San Pablo D'a Eb' Aj Colosas 3:16

Tzin nib'j tze wach' 'a'j 'och e nab'en 'a spaxti Cristo. Caw jeln tzlaj eyutc e cuylan e b'a, tzlaj e jucb'tzan e b'a. Tzlaj e b'itnoc jun tzo'n̈ salmo, yet' himno, yet' jun tzo'n̈ xo b'it yic Dios. A yic tzex b'itni, tzeyal wach' paxti 'a Dios 'a smasnil e c'ojol.

A Tas Sc'ulejnac Eb' Schecab' Jesús Hechos 8:7

A 'a jun chon̈b' cha, til wal eb' 'anma 'aych demonio 'a 'a. Ax Felipe chi xlaj 'i'nc 'el 'a eb'. Caw x'el yaw ewin demonio chi yel 'a eb'. Til wal eb' sicb'nac 'eli, yet' pax eb' matz tac' sb'eyi, xlaj b'ox can eb' yuj Felipe cha.

A Tas Sc'ulejnac Eb' Schecab' Jesús Hechos 3:2

'Ay jun winac, matz tac' sb'eyi, yaljb'en xoni. Junjn c'u, tzme'x coti, tzcan 'a sti yatut Dios 'a jun tzcuch Wach' Yilxi. Ata tzc'an win jac stumn 'a eb' tzc'och 'a yatut Dios cha.

Lc 1:64

Yajn̈j wal cha, 'ix jacw pax sti win Zacarías, 'ix paxtini. Syamn 'och win yaln wach' paxti 'a Dios.

Mt 21:14

A yic 'ayc' 'a yamq'uil yatut Dios cha, 'ay jun tzo'n̈ eb' matz uj yiln xjaw 'a 'a, yet' jun tzo'n̈ eb' coxo. 'Ix b'ox can sc'ojl eb' yu'uj.

Mt 11:5

Tzeyal 'a 'a, chajtlto 'ay eb' matz uj xon yilni, tzax stac' yiln eb' ticnec. A eb' coxo, tztac' xo sb'ey eb'. A eb' tzlaj c'a yuj lepra, tzlaj b'ox can sc'ojl eb'. A eb' chacan̈, tzax laj yab' eb'. A eb' chamnac, 'ay eb' wan laj spitzw paxi. Ax eb' meb'a', wan yalx wach' 'ab'x yic colnb'il 'a eb'.

Zacarías 14:8

A 'a yic jun c'ul cha, 'oj pac' q'uet jun a a 'a Jerusalén. 'Oj b'eyn̈j yoctc 'a cuaresma yet' 'a n̈ab'lq'uinal. A jun a cha, nan̈l a 'oj 'atcn 'a a Mar Muerto, ax nan̈l xo a 'oj 'atcn 'a a mar Mediterráneo.

Is 48:21

Nac coti tas 'e'nc eb' e mam eyichm 'a lum cusltac lu'um, to man̈ 'ochncoc stacn̈til eb'. An 'ix wac' jat snan̈l q'uen niwc q'ue'en, axta 'ix 'elt secnjoc a niwc a 'ix b'ey yoctac.

Is 35:1

'Oj tzaljoc chan̈ lum cusltac lu'um, ax snichn te c'ultc 'a lum tacn̈ lu'um.

Salmos 46:4

'Ay jun a niwquil a tz'el yoctac, a tz'a'n tzaljc'ojlal 'a eb' cajn 'a schon̈b' Dios, atn jun chon̈b' to cojn Dios niwn yel'chi, a 'ay yico'.

Nehemías 9:15

'Ix a'n pax sc'ux eb' tas tzcot 'a satcha'an̈, yic 'ay swejl eb'. Ax a a 'ix 'elt 'a sat q'ue'en, a 'ix yu'j eb' yic 'ay stacn̈til eb'. Xlajw cha, 'ix aln 'a eb' to tz'och eb' scaj lum lum 'aj 'ix ac' a ti a'n 'a eb'.

Nm 20:11

A yic xlajw yaln jun tzo'n̈ cha, 'ix yi'n chan̈ Moisés sc'ab' yet' sc'ococh, 'ix sma'n 'och cha'ejm 'a sat q'uen q'uen cha. Yajn̈j wal cha, 'ix 'elt secnjoc a a cha. 'Ix yu'n eb' 'anma chi a yet' smasnil scajb'en noc' cha.

Ex 17:6

'Oj ach in tan̈wc 'a sjolm q'uen tenm 'a lum tzaln Horeb. Ax yic tzach c'ochi, tza ma'n 'och te a c'occh chi 'a sat q'ue'en, ax yel-l a a chi 'a sat q'uen q'uen cha, 'ixta 'oj 'aj yu'n eb' 'anma tic a', xchi Dios. 'Ixta 'ix yutj Moisés sb'on 'a yojltac ewin yichm wincal chon̈b' Israel cha.

Is 30:25

A yic 'oj c'och sc'ul yem junn̈joc storre eb' 'ajc'ojl yajch 'ayex, caw niwn chaml 'oj 'och 'a scal eb', til wal eb' a niwc a 'oj 'elt secnjoc 'a eb' lum jolmctac witz, yet' 'a eb' lum jolm tzalan.

Is 32:2

A junjn eb', 'icha to qui colnb'il yaj eb' 'a junc 'ic' caw ow, mto 'a niwc yaxn̈ab'. 'Icha sb'e a yaj eb' 'a lum tacn̈ lu'um, 'icha wal pax yen̈l junc niwquil q'uen 'a lum cusltac lu'um, 'ixta yaj eb'.

Is 33:23

Ax ticnec, a qui chon̈ab' lajn xoj 'icha junc barco matz tac' sto'x n̈ac'wc jun tzo'n̈ smantiadoil 'a yoyal, may 'aj 'oj yic' yip jun tzo'n̈ sch'an̈l cha. Palta 'ay jun c'ual, 'oj qui'c can 'ec' smasnil tas 'ay 'a eb' 'ajc'ojl cha, ax qui pojnec 'eq'ui, 'oj locchjoc c'och to eb' coxo yi'n yico'.

Is 42:11

Tzalj cab' chan̈ eb' chon̈b' 'ay 'a lum cusltac lu'um, yet' eb' yin̈tl can win Cedar cajn 'a jun tzo'n̈ scamplamento. Eb' 'aj chon̈b' Sela, b'itn cab' eb' 'a tzaljc'ojlal, q'ue cab' yaw eb' sb'itn 'a lum jolmctac witz.

Is 51:3

'Ixta 'oj wutc wa'n in wach'c'ojlal an Jehová in 'a yib'n̈ eb' 'aj Sión, atn jun chon̈b' mac'b'il 'ejm lan̈chjoc. A eb' lum tacn̈ lu'um, 'oj 'och eb' lum yaxlumal, 'icha lum 'aj 'ay te 'awb'ente 'a Edén. Cojxn tzaljc'ojlal, b'it yet' alj yuj diosal 'ay 'ayn ta'.

Jl 3:18

A 'a yic jun tiempoal cha, caw 'oj b'ut'joc 'el eb' lum jolmctac witz yuj te uva, ax eb' lum tzalctac, 'oj b'ut'joc 'el eb' lum yuj e no wacax. A wal eb' a spac'b'a 'ay 'a Judá, caw 'oj b'ey yoctc eb' a'. Ax 'a yol watut, ata 'oj pac' q'uet jun a a 'oj pucb't 'a span̈nil lum Sitim.

Malaquías 4:2

Palta ax xo pax to 'ay wel'ch 'a e sat, 'icha wal sq'uel c'u 'a sq'uin̈b'ial, 'ixta 'oj wutj in ch'oxn in colwal 'ayex. Yuj cha, 'oj e tzalj jun 'ejm xo. Caw 'oj e b'atj chan̈ yuj tzaljc'ojlal, 'icha tzyac' junc no quelm wacx tzat 'elt 'a yet'l 'aj macan.

Salmos 107:35

A lum tacn̈ lum may yalil sat, ax tz'a'n pitzwc a niwc pama' yet' eb' a spac'b'a 'a lu'um.

Is 44:3

An 'oj wac' 'el yoctc a a 'a lum cusltac lu'um, ax sb'ey pax a 'a lum tacn̈ sat. An 'oj wac' Wespíritu 'a eb' eyin̈til, ax wa'n cot in yaxilal 'a yib'n̈ eb'.