Is 33:16 - Chuj San Sebastian Bible

¹⁶ A eb' cha, 'oj 'aj cajn eb' 'a junc chon̈b' q'uenn̈ej smuroal, ata 'oj scol sb'a eb', 'ayn̈j tas tzc'ux eb', 'ayn̈j pax tas tzyu'j eb'.

Chuj San Mateo Bible

¹⁶ Aton eb' chi' ol colchajoc, malaj tas ol sna eb', ichato cajanec' eb' d'a junoc chon̈ab' vach' yajoch smuroal, ayn̈ej tas ol sva eb' yed' tas ol yuq'uej eb'.

Is 33:16 Referans Kwoze

Is 32:18

Ex wit chon̈ab', wach'xam 'oj laj lo'chjoc eb' te niwc te yuj q'uen sacb'at 'oj 'ejmoc, ax satl jun tzo'n̈ chon̈b' yu'uj, ax xo tic 'oj e can cajn 'a junc'ojlal, 'oj eyac' tzaljoc e c'ojl eyilj 'a eyatut.

Is 49:10

Man̈x 'oj yac' eb' wejel, mto tacn̈ti'al. Man̈x 'oj yab' eb' syal yuj sc'a'l yoc c'u, yujto 'ay in chamc'ojlal 'a eb'. 'Oj in jucb'tzoc eb', ax wi'n pax 'at eb' 'a 'aj tzpac' a a'.

Pr 1:33

Ax xo tze chaj eyab' tas tzwala, 'oj e cann̈j 'a junc'ojlal, may junc tas 'ay smay 'aj 'oj e xiwi, xchi Dios.

Habacuc 3:19

Mamin Jehová Wajlil, ach tzac' wip. Tzac' yip woc sec tztac' in b'ey 'icha no c'ultquil chej, tzin e'n q'ue 'a cha'an̈, 'a 'aj wach' in colchji. B'itnaxc cab' jun b'it tic yuj win tzjucb'tzan b'it, yet' jun tzo'n̈ yamc'ab ch'an̈ 'aych 'a 'a.

Is 25:4

Yujto cojn 'aych 'aj tztac' scoln sb'a eb' meb'a', colwjum aj 'a eb' 'ay scusc'ojlal yuj tas 'ay sc'a'l tz'och yu'uj. A eb' 'anma may sniwnc'ojlal, lajn eb' 'icha yaxn̈ab' 'aych yic'al, lajn pax eb' 'icha yowl sma'wj yoc c'u. Palta ach tzon̈ a col 'a eb' on̈.

Pr 18:10

A 'a Jehová, ata tzcol sb'a eb' 'anma tojl snab'en, lajn yaj 'a eb' 'icha junc cuartel caw wach' yaji.

Salmos 111:5

A tz'a'n tas tzc'ux eb' yiclum tzyutj sb'a 'a 'a, yujto tzna cot strato yet' eb'.

Salmos 107:41

A tz'i'n 'elt eb' meb'a 'a scal scusc'ojlal, tzya'n q'uib' sb'isl yunnal eb'. Til wal sja'l sq'uib' eb' 'unn chi 'icha sq'uib' no calnelu.

Salmos 90:1

Mamin, 'a yictax pecti', yic xlaj 'ec' jun tzo'n̈ tiempo 'a yalan̈, toxn to qui Colmal aj on̈.

Salmos 37:3

Ca'c 'och Jehová yipc qui c'ojol. Qui b'oc tas wach', toto 'ixta', 'oj qui canc cajn 'a sat lum lum tic; 'oj 'ajxocn̈ej tas tzqui c'ux 'a junc'ojlal.

Salmos 33:18

Palta ax Jehová q'uelnn̈ej 'och 'a eb' yiclum yet' 'a eb' to 'ay schamc'ojlal 'a 'a. A 'aych yipc sc'ojl eb',

Salmos 18:33

'Icha wal sjelnal sb'ey junc no nun c'ultquil chej, 'ixta in b'ey o'oj; tza'n wip yic tzlaj in 'ec' 'a 'aj pa'ctac.

Salmos 91:14

Yaljnac can Jehová 'ayn̈ec 'ixtic: An 'oj ex in colcn 'elt 'a yol sc'ab' smasnil tas 'ay smay, yujto tzin e chamc'ojlej, eyojquin pax si'mb'il.

Salmos 34:10

A no león tz'el yip no yuj wejel, palta ax eb' 'anma tzyij 'ejm sb'a 'a Jehová, may xon b'a'n̈ tzyac' palta tas 'ay tz'och yuj eb'.

Salmos 15:1

Mamin Jehová, ¿mach eb' 'oj stac' yaj cajn 'a yol a cajnub'? ¿mach eb' 'oj stac' yaj 'a lum tzaln ecn̈ej yaji?

Mt 6:11

Tzac' tas tzqui c'ux 'a jun c'u tic on̈.

Pr 10:9

A eb' wach' sb'eyb'al, may 'aj 'oj xiw eb'; ax eb' tu tzyutj sb'a, 'oj jawc 'a yib'n̈ eb'.

Is 58:14

Toto 'ixta 'oj eyutc e b'a, 'oj 'ilchjoc e tzaljc'ojlal 'ayin. An xo 'oj wala', to niwn eyel'ch 'a yib'n̈ smasnil chon̈b' 'a yolyib'n̈q'uinl tic, ax wa'n pax eyico'oc lum e macl lum 'aycn yuj e mam 'ichm Jacob, atnta 'oj e wa 'a sat lu'um, xchi Dios.

Jeremías 37:21

Yuj cha, xyaln win rey Sedequías to ata tzin can 'a 'amac', 'a 'aj 'ayc' eb' tztan̈wni jun despacho cha, ax 'a junjn c'u tz'ajx junjn pan 'ayin, ata tzmanx 'ixm 'a eb' b'om pan. 'Ichn̈jta x'aji, ya' sb'a 'ayt 'ixm pan chi 'a yol chon̈ab'. 'Ixtnta in 'aj in cancn 'a 'amc' cha.

Jl 3:16

'Icha wal sc'an̈ c'u, 'ixta wal 'oj 'ab'xoc in jaj an Jehová in 'a lum tzaln Sión 'a Jerusalén. Ax satcha'an̈ yet' lum lum tic, caw 'oj 'ib'xoc eb'. Palta an 'oj in colcn eb' in chon̈ab', atn eb' israel.

Dt 33:29

Caw wach' quic ex wit israelal, ¿mach wal junc tztac' slajb'tzan sb'a quet'ec? A Jehová a tzon̈ colnec. A tzon̈ tan̈wniec, tzcolwj pax quet'ec. Quespada 'ay smay yaji, yuj cha, tzca'n ganar eb' 'ajc'ojl yajch 'ayn̈ec, ax qui te'n can 'ejm sb'an̈quinal eb', xchi Moisés 'a eb'.

A Ch'an̈ B'ab'el Libro Yic Yab'ixal Eb' Rey 19:6

Ax xyiln sb'a Elías cha, to a 'a stz'ey 'a sjolmtac, ata 'ayc' jun 'ixm niwquil wal ton̈j b'olb'il 'a stzac'ac' yet' jun xalu a a', yuj cha, 'ix q'ue wa'an, 'ix wa'i xyu'n a a cha, xlajw cha, 'ix wayxi.

Salmos 62:7

A 'a Dios tzcot in colnb'il, yuj cha 'ay wel'chi; a 'aych wen̈loc, ata tzin col in b'a.

Is 30:20

Wach'xam tzex 'ec' 'a scal yailal, yet' 'a scal somc'ojlal yuj Cajlil, palta to e cuymal yaji, man̈x 'oj sc'ub'c 'el sb'a 'ayex, to caw 'oj eyil yet' e sat.