Biblia Todo Logo
Bib sou entènèt

- Piblisite -




Is 30:6 - Chuj San Sebastian Bible

6 Yaljnac Dios 'ixtc yuj no 'ictzum noc' tzlaj 'ec' 'a sat lum Neguev: A jun lugar cha, caw wal 'ay smay. Ata cajn 'ec' no león, til wal yel yaw no ta', 'ay no niwc chan, yet' no chan tzlaj jen̈wi. Ata tzb'ey no chej yet' no cameyo tzlaj cuchnc 'at sricoal chon̈b' Judá, yic tzya'n siylab'oc 'a Egipto, jun chon̈b' to matz colwj jab'oc.

Gade chapit la Kopi

Chuj San Mateo Bible

6 A tas ix yal Jehová yuj noc' noc' ay d'a yol yic Neguev: A d'a jun lugar chi' te ay smay. Ata' cajan noc' choj, jantac yoc' noc' ta'. Ay noc' ajavchan yed' noc' chan sjen̈vi. Ata' tz'ec' noc' chej yed' noc' camello scuchanb'at sb'eyumal chon̈ab' Judá yic syac'an silab'oc d'a Egipto, palta a jun nación chi' max colvaj jab'oc.

Gade chapit la Kopi




Is 30:6
31 Referans Kwoze  

Yujto a 'on̈ 'i'nec b'ey 'a lum cusltac lum caw 'ay smay, lum 'aj 'ay no chan man̈x 'a yan̈il, 'a 'aj 'ay no sina'an, 'a 'aj may a a wach' yu'xi. Palta a Jehová, a 'ix 'a'n 'eltoc a a 'a sat q'uen q'ue'en, 'ix laj cu'nec a'.


Atn jun in trato in b'ojnac yet' eb' e mam eyicham, yic 'ix wi'n 'elt eb' 'a Egipto. A jun nacion̈ cha, lajn yaj 'a eb' 'icha junc jorna 'aj tzn̈usx 'elt q'uen hierro. 'Ix waln 'a eb' 'ixtic: Yicljec 'ayin, b'oc smasnil tas tzwal 'ayex. To 'ixta', 'oj eyoch in chon̈b'oc, an xo, 'oj woch e Diosaloc, xin chi 'a eb'.


Palta an̈ec tic, a Jehová on̈ 'i'nec 'elt 'a jun lugar 'icha jorna 'aj tz'ulb'x q'uen q'ue'en. A jun cha, atn Egipto. On̈ yijec 'elta sec tzon̈ 'och schon̈b'oc, 'icha ton cajc ticnec.


'Ixta pax jun 'ix sreinail Sur pecti', caw wal najt cotnc 'ix, wul yab'xni 'ix 'a win Salomón yuj sjelnal. Ax ticnec, 'ayn 'ec' 'a tic, 'ec'b'al wel'ch 'a yib'n̈ Salomón cha, palta matz wul ex 'ab'xnoc 'ayin. Yuj cha, at 'oj jawc jun c'u yic b'eyc'ojlal, 'oj q'ue wan 'ix, ax yaln 'ix e mul.


A eb' 'aj Efraín, a tas tzb'o eb', may jac yel'chi, ton̈j tzyixtj sb'a eb'. Caw tzniwtj yixtn eb' yit 'anma'il, tzniwtj pax ya'n eb' 'es. Tzb'o eb' strato yet' chon̈b' Asiria, tzya'n 'at eb' aceite smontnb'ilc Egipto, xchi Dios.


Ma'ix snalb'ej meltzjoc cot sb'a eb' 'ayin, wach'xam an wijnac 'elt eb' 'a Egipto. 'Ix wi'n b'ey eb' 'a lum cusltac lu'um, lum tacn̈ sat, lum pa'ctac, lum 'ajtil caw 'ay smay, lum may junc mach cajn 'a sat, may pax junc mach tz'ec' 'a sat.


Tzlaj eya'ch aceite 'ayex yet' yal su'q'ui sjab' yic tzex 'at eyal e b'a 'a jun yechl comn dios Mélec. Xlaj eya't eb' e checb' 'a najat yic tzsayn cot eb' jun tzo'n̈ xo e diosal, 'icha to x'emch eb' 'a scal eb' chamnac.


Palta an 'oj wa'ch junc yajl tu snab'en 'a Egipto; a jun rey cha, caw 'oj 'ixtxoc eb' 'anma chi yu'uj, xchi Dios.


Yuj cha, ax smolb'tzan eb' 'anma chi smasnil tas 'ay 'a 'a, ax yi'n 'at eb' 'a sc'axpil 'ec' lum ch'oln 'aj 'ay te sauce.


ax cob' yemx q'ueln eb' 'a sat lum tic. Cojxn cusc'ojlal 'oj scha sb'a eb' yet'oc, atn yailal yet' q'uic'q'uinal. 'Icha to 'oj yamxoc 'ejm eb' yuj q'uic'q'uinl cha. Man̈x 'oj stac' scoln sb'a eb' 'a 'a.


Yuj cha, 'ix yi'n 'elt Asa q'uen plata yet' q'uen oro 'ay 'a yatut Jehová, yet' pax q'uen molb'il 'a sdespacho win rey cha. Xlajw cha, xya'n 'at 'a win Ben-hadad sreyl Siria cajn 'a Damasco, 'ix ya'n win alxoc 'a win 'ixtic:


A 'ix sreinail chon̈b' Sabá, xyab' 'ix yel yab'xil rey Salomón, to caw niwn yel'chi. Yuj cha, 'ix jaw 'ix 'a Jerusalén yic tzwul sc'anb'noc 'ix jun tzo'n̈ paxti caw ya snachj 'a Salomón, yic tzya'n prowal. Caw niwn eb' schecb' 'ix xjaw yet'oc, niwn no cameyo cuchjnac perjuma, niwn q'uen oro yet' eb' q'uen q'uen yel xo wach' yilxi. A yic xjaw 'ix 'a yojltac Salomón, xyaln 'ix smasnil tas nab'ilx yu'uj.


Palta a junc e reyl cha, man̈ niwnoc cab' no chej tzyamb'tzej, may cab' eb' winc tzchecb't 'a Egipto yic tz'at yi'nc cot eb' nan̈locx no chej cha. A Jehová yaljnac can 'ixtic: May cab' b'a'n̈ 'oj e meltzj 'a jun b'e tic, xchi.


Yel xo wal ya tz'ec' eb' smunlji, a eb' tzb'ow xamit, tzb'ow pax n̈a eb'. Man̈ cojnoc cha, palta a eb' tz'a'w pax 'och trigo, tzb'on eb' jun tzo'n̈ xo munljel. Caw wal 'oltac tz'ec' eb'.


Xlajw cha, c'ojnc'ojnil 'ix b'ey coti masnto 'ix jaw 'a lum Neguev.


Ax Jehová 'ix yal 'ixtc 'a Moisés: —B'o junc yechl chan 'a q'uen bronce, 'icha wal yilx no chan cha. Tza locn q'ue 'a sjolm junc te 'oy, sec a yic tzchix eb' 'anma chi yuj no chan cha, toto tz'och q'ueln eb' 'a jun yechl chan locn q'ue 'a sjolm te 'oy cha, to 'ixta', 'oj b'oxc sc'ojl eb', xchi.


A 'a jun c'ul cha, a jun nacion̈ cha, 'oj 'el yaw sjaw 'a spatiquil 'el qui chon̈b'ec tic, lajn wal 'oj c'an̈ 'icha a mar. A mach 'oj 'at q'ueln 'a jun chon̈b' cha, 'oj yil jun yailal cha, 'icha to 'oj 'och q'uic'q'uinl 'a yib'an̈, ax stup sacq'uinal, caw q'uic'q'uinl 'oj 'ajcn smasnil.


Man̈ ex comn tzaljoc mu'c ex filisteo, yujto 'ix wecchj te sjixc'ab'te jun mach 'ix 'a'n 'och eyailal. A junc cha lajn 'icha junc no comn chan. Ax 'a yin̈til ata 'oj pitzwoc 'el junc mach 'icha junc no q'uex. Ax 'a 'a, ata 'oj pitzwc junc mach 'icha junc no chan caw jeln sb'eyi, 'icha xo to tzjen̈wi.


A 'aj tz'ec' jun b'e cha, may no león cajn ta', may e no chiwjum noc' 'oj c'och 'a jun lugar cha. A 'a jun b'e cha, ata 'oj 'ec' eb' colb'ilx 'el yuj Jehová.


Ach 'anma', meltzjan̈ 'at q'ueln 'a stojlal sur, tzaln 'at jun tzo'n̈ paxti 'a yib'n̈ lum jolmctac witz 'a Neguev 'ay 'a stojlal sur cha.


'Oj e wa cob'i', palta ma'oj e b'ut'ji, caw 'oj 'ochn̈j e wejel. 'Oj e molb'tzoc cob' tastc 'ayex, palta ma'oj colwjoc jac 'ayex. Toto 'ayt wal jacx tztac' ex scoln jun, ax 'a scal owl chi 'oj wach' 'ec' 'ayex.


A Jehová tzaln 'ixtic: ¡Tzaljan̈c wal si'mb'il ex 'aj chon̈b' Sión! ¡B'itnan̈c 'a tzaljc'ojlal ex 'aj Jerusalén! 'Iltec wal sjaw e reyl 'ayex, caw tojl snab'en. A 'oj 'a'nc colnb'il. Caw 'emmquil sjawi, 'ay q'ue 'a yib'n̈ jun no quelm b'uru yune jun no 'axna.


¿Tom yuj caw 'ay yip no', yuj cha, ax cob' a'nc yipc a c'ojl no yuj a munljel?


A eb' 'aj Judá, atn eb' yin̈tl Jacob, 'ay smul eb' 'a sat Jehová. Yuj cha, 'oj ya'ch yailal 'a yib'n̈ eb' yuj stu b'eyb'al cha. 'Oj stojlajwc eb' 'icha wal tas tz'el sb'oni.


A jun caruaje toc'b'il yuj e no q'uic' chej cha, ata tz'at 'a jun nacion̈ 'ay 'a stojlal norte, ax jun caruaje toc'b'il yuj e no sac chej cha, ata tz'at 'a jun nacion̈ 'ay 'a stojlal 'aj tz'em c'u. Ax junx caruaje toc'b'il yuj e no tz'ib'quintac chej cha, ata tz'at 'a jun nacion̈ 'ay 'a stojlal sur, xchi jun ángel cha.


Swiv nou:

Piblisite


Piblisite