Is 30:23 - Chuj San Sebastian Bible

²³ 'Oj ya' cot Jehová n̈ab' 'a yib'n̈ eyawb'en 'awb'il eyuj 'a sat lum lu'um, caw 'oj yac' lum sb'a'al, til wal trigo 'oj yac' lu'um, a 'a yic jun tiempoal cha, a 'e no cajb'en noc', til wal slewnal 'aj 'oj laj tan̈wxoc wa e no'.

Chuj San Mateo Bible

²³ Ichato chi' b'ian, ol yac'ancot n̈ab' Jehová chi' d'a yib'an̈ tas tzeyavej, te vach' ol ajoc. A noc' e vacax d'a jun tiempoal chi', toxon̈ej ol actajcan noc' b'aj ol vaoc.

Is 30:23 Referans Kwoze

Is 32:20

Caw wal wach' eyico', yujto 'ay eb' a a wach' yoch yalilc eyawb'en, coln pax 'aj 'oj laj wa e wacax yet' e b'uru.

1 Ti 4:8

Toto tzqui pacb'tzej qui niwnal sec 'ay quip, wach' toni. Palta a wal junx tic, yel xo wach', to tzca'ch qui nab'en 'a Dios. Toto 'ixta tzcutj qui b'a, 'oj qui cha swach'l 'a yolyib'n̈q'uinl tic, yet' pax 'a satcha'an̈.

Malaquías 3:10

A ticnec jun, 'ijec cot smasnil e diesmo, tzwul eya'nc 'a sc'un̈ail 'ay 'a watut, sec wach' 'ay tas tzc'ux eb' tzin 'a'n servil. An Jehová in, tztac' wuj smasnil, an tzwala: 'A'nec prowal nab'an, ax eyilni 'icha to 'oj in jac sc'un̈ail satchan̈ 'ayex, ax in secn 'emt yaxilal 'a eyib'an̈, man̈x 'a yet'l 'aj 'oj eyac'a'.

Zacarías 10:1

C'anc n̈ab' 'a Jehová sec tzyac' n̈ab' 'a 'icha stiempoal. A Jehová a tz'a'n pitzwc chan̈ letz'lo'om, caw wal niwn tzyutj ya'n cot n̈ab', sec wach' sq'uib' eyawb'en 'a sat e lum e masnil.

Is 58:11

Toto 'ixta 'oj eyutc e b'a, an xo an Jehová in, an 'oj ex in quetz b'eyoc. 'Oj yac' sobra wa'n tas tze c'ux 'a lum cusltac lu'um. 'Oj wac' eyip, lajn 'oj eyaj 'icha junc 'awb'ente 'aychn̈ej yalil, mto 'icha junc spac'b'a may tz'aj stupi.

Salmos 36:8

Ach tzac' tas tzqui c'ux on̈, tza'n cuc' a a caw wach', caw wal tzon̈ b'ut'j si'mb'il on̈.

Gn 41:18

A 'a yojl a', ata xq'uel ucwn̈ no wacx wach' yilxi, caw b'aq'uech, til wal sja'l swa e no 'a sti a cha.

Mt 6:33

Yuj cha, 'a'c eyip e wach' 'a'n 'och e b'a 'a yol sc'ab' Dios. Tojln̈ej tzeyutj e b'eyb'al 'icha tznib'ej. Toto 'ixta', 'oj yac' jun tzo'n̈ chi 'ayx smasnil.

Malaquías 4:2

Palta ax xo pax to 'ay wel'ch 'a e sat, 'icha wal sq'uel c'u 'a sq'uin̈b'ial, 'ixta 'oj wutj in ch'oxn in colwal 'ayex. Yuj cha, 'oj e tzalj jun 'ejm xo. Caw 'oj e b'atj chan̈ yuj tzaljc'ojlal, 'icha tzyac' junc no quelm wacx tzat 'elt 'a yet'l 'aj macan.

Jeremías 14:22

Caw may junc comn dios 'a sdiosal eb' chuc chon̈b'al to tztac' ya'n cot n̈ab'. Matz tac' ya'n cot satchan̈ yaxn̈ab' 'a mun yol yico'. Mamin Jehová qui Diosal ach on̈, cojn ach ton tztac' a'n coti, yuj cha, caw tzach ca'ch yipc qui c'ojl on̈, xin chi 'a 'a.

Is 5:6

'Oj can 'a cusltacl wu'uj, may xon mach 'oj mesnoc 'el te sc'ab', may mach 'oj 'i'nc 'el ya'nil, 'oj q'uib'x chan̈ sc'ultcal, nab'a q'uix 'oj 'ajoc. Ax waln 'a 'asun, to man̈xtzac yac' cot n̈ab' 'a yib'n̈ jun lum cha, xchi win 'aj munljel cha.

Is 4:2

A 'a jun tiempoal cha, 'ay jun yin̈tl David 'oj pitzw chan̈ yuj Jehová. A jun cha, lajn 'icha swol junc te te'. A eb' 'oj can to 'a yol schon̈ab' 'oj tzaljoc chan̈ eb' yu'uj, ax stzalj pax eb' yiln yelx wul smasnil sat yawb'en 'ay 'a slu'um.

Gn 41:26

A tzyal 'el'ch ucwn̈ no wacx caw b'a'ch cha, uque ab'il tzyala; an̈jtona', 'ixta pax uque sjolm 'ixm trigo caw wach' cha, junn̈j tas tzyala.

Os 4:16

A chon̈b' Israel, caw pit, lajn wal 'icha junc no quelm wacx caw ow. Toto 'ixta', ¿tom 'oj stac' in tan̈wni eb' 'icha junc 'ilm calnelu tztan̈wni wa scalnelu 'a 'aj caw yax te c'ultac?

Gn 41:47

Ax 'a yol uque ab'il cha, til wal xyac' sobra smasnil sat 'awb'en.

Is 10:27

A 'a jun tiempoal cha, atta 'oj yi'l jun eyictz 'aych 'a eyib'n̈ yuj eb'. 'Icha tz'aj yijx 'el te yugo 'ay q'ue 'a scal sch'ac junc wacax, c'un xoj yeli, yujto wan xo laj sc'a'i, 'ixta jun eyic cha.

Is 65:21

A eb' in chon̈b' cha, 'oj laj sb'o eb' yatut, ax scajn eb', 'oj laj yawc eb' te uva, ax slon eb' sat yawb'ente cha.

Lv 25:19

Caw 'oj yac' sat smasnil tas 'oj eyawc 'a lu'um, tzaljc'ojlal 'oj e can 'a sat lu'um, 'oj e c'ux tas 'oj yac' lu'um, 'oj e b'ut'j wal si'mb'il.

Lv 26:3

Toto yiclumn̈ej tzeyutj e b'a 'a in ley, tze b'eylb'ann̈ej in checnb'il smasnil,

Lv 26:5

An̈j 'ijnoc e te'w trigo ax yelx wul sat te uva. 'Ayt pax sch'inchj te uva cha, ax sjapx stiempoal yawx e trigo jun 'ejm xo, 'oj e wa si'mb'il, masnto 'oj e b'ut'ji. Caw wal 'oj eyac' tzaljoc e c'ojl 'a sat lum lum cha.

Dt 11:14

toto 'ixta', 'oj ya' cot b'ab'l n̈ab', ax ya'n cot pax schab'l n̈ab' 'a 'icha xon stiempoal, sec wach' tz'aj e trigo, eyal uva yet' eyaceite.

Salmos 67:7

'A'n̈j a yaxilal 'a quib'n̈ on̈, niwn cab' el'ch 'a smasnil yolyib'n̈q'uinl tic.