Biblia Todo Logo
Bib sou entènèt

- Piblisite -




Is 3:8 - Chuj San Sebastian Bible

8 Man̈x 'a swach'l yilx Jerusalén, ax Judá 'oj sat 'ejmi, yujto a tas tzyal eb' 'anma', yet' tas tz'el sb'on eb', a chi tz'och 'ajc'ojlal 'a Jehová. Atn jun tzo'n̈ chi tzuntzn cot yowal.

Gade chapit la Kopi

Chuj San Mateo Bible

8 Van yem lan̈naj Jerusalén, axo Judá toxo ix lajviemi, yujto a tas syal eb' anima yed' tastac sc'ulej eb', a chi' tz'och ajc'olal d'a Jehová Dios, spitejpax sb'a eb' d'ay.

Gade chapit la Kopi




Is 3:8
35 Referans Kwoze  

¿Tom tzqui nib'j tzquijec cot yowl sc'ojl Cajlilec 'a quib'an̈? ¿Tom tze na'a, to yel xo 'ec'b'al qui poder 'a yib'an̈?


Tzmeltzj cob' eb', palta man̈xoc 'a 'ayn an Niwn Wel'ch tic. 'Icha junc jul-lab' man̈ tojloc, matz yamchj tas tzjulx yet'oc, 'ixta eb'. A yuj spaxti eb' syajlil eb' tzyal 'a b'an̈quinal, yuj cha, ax scham eb' yuj q'uen espada. Ax eb' 'aj Egipto, toxn̈ej 'oj b'uchwjoc eb' 'a eb'.


Atta 'oj sb'eyc'ojloc smasnil 'anma'. Jantcn̈ej eb' maysch'olnil, 'oj ya'ch yailal 'a yib'n̈ eb' yuj smul, yujto maysch'olnil eb'. A eb' tu tzaln 'a spatc Cajlilc cha, eb' caw maysch'olnil snab'en, 'oj ya'ch pax yailal 'a yib'n̈ eb', xchi win Enoc cha.


Ach tic, caw wal matz chaj a c'ojl tas tu', matz a nib'j el jun tzo'n̈ qui maysch'olnilal an̈ 'anman̈ tic on̈. ¿Tas pax yuj ton̈j tzach 'och q'ueln 'a eb' 'anma maysch'olnil tic jun? 'In a eb' 'anma wach' to wal 'a yib'n̈ eb', 'a eb' wan satx 'el yuj eb'.


Smulyujoc eb', ax slajw 'ejm Jerusalén, atn jun chon̈b' yic tzaln Sión, 'icha wal t'ocb'il lum 'oj 'ajcni. Jun b'uln̈ 'oj 'ajcn 'ejmi, ax lum tzaln 'aj 'ay yatut Dios, waymtac 'oj 'ajcni.


'Ix yaln 'ixtc 'ayin: A eb' israel yet' eb' 'aj Judá, yel xo wal niwn smul eb' 'a in sat, caw wal tzniwtj scham eb' 'anma 'a jun tzo'n̈ chon̈b' tic yuj jantcn̈ej maysch'olnil, yujto a snan eb' 'anma tic, to an Jehová in tic, matz wil tas tzb'o eb'.


Yuj cha, xyaln 'ixtc 'ayin: Ach 'anma', ¿tzam el wal tas tzc'ultac b'oj eb' et israelal tic? Junjn eb' 'ichmtac winc cha, wocn 'och eb' yal sb'a 'a 'aj b'achn 'elt sdiosal cha. Am wal snan eb' to matz wil eb', 'actb'ilx can jun nacion̈ tic wuj snan eb', xchi 'ayin.


A 'a yol stiempoal Ezequías sreyl Judá, a Miqueas 'aj Moreset, 'ix paxtin 'el 'a sb'i Jehová 'a smasnil eb' chon̈b' 'a Judá, 'ix yaln 'ixtic: A Jehová, tztac' yuj smasnil, a tzaln 'ixtic: A chon̈b' Sión tic, 'oj cancn lum yico'oc munljel. A Jerusalén jun b'uln̈ 'oj 'aj slan̈chj can 'ejmi, ax jun tzaln 'aj b'ob'il watut, waymtac xoj 'oj 'ajcni, xchi Dios, xchi Miqueas cha.


Toto an̈ja ma'oj eyicloc, to 'ixta', 'ixtc 'oj wutc can watut 'icha wutjnac jun in cajnub' 'a Silo. 'Oj wa' cot catb' 'a yib'n̈ jun chon̈b' tic 'a scal smasnil nacion̈ 'ay yolyib'n̈q'uinl tic, xchi Dios, xa chi 'a eb', xchi 'ayin.


¿Mach 'aj tzex b'uchwj tze na'a? ¿Mach jun chi tzeyetz'tej, tzlaj e ju e sat 'a 'a? Ax tic, caw wal tenmtaquex, 'a'm ex 'es.


Yujn̈ej wal jun tzo'n̈ cha, man̈x 'oj 'o'ch sc'ojl Jehová 'a eb' quelmtac winac, 'a eb' meb'a 'unn chamnc smam yet' 'a eb' 'ix 'ix chamnc yichmil. Yujto a eb' 'anma tic, jun 'eln̈ej maysch'olnil eb', tu eb' smasnil, cojn tu paxti'al tzyal eb'. Palta man̈ yujoc cha, 'oj 'ec' yowl sc'ojl Dios, 'ipn ya'n 'och syailal eb'.


A qui nacion̈ec tic, tox xcan 'a cusltaquil, 'ayx 'och sc'a'l qui chon̈b'ec. Ax smasnil sat cawb'enec, q'ueln on̈ wal 'ochi sc'uxn eb' chuc chon̈b'al. Xlajw can 'ejm smasnil yuj eb', cusltac xoj yilx x'ajcni.


Yuj wal cha, xya'n cot Jehová eb' syajlil eb' soldado yic sreyl Asiria, 'ix yamchj Manasés yuj eb', xya'n 'och eb' q'uen gancho 'a sn̈i', sjaln eb' yet' cadena to nab'a bronce, xyi'n 'at eb' 'a chon̈b' Babilonia.


Ya' sb'a cha, ax eb' filisteo, 'ix yij 'at eb' tastc 'ay 'a jun tzo'n̈ chon̈b' 'ay 'a span̈nil yich lum witz, yet' 'a Neguev 'a yol yic Judá. 'Ix yi'n can 'ec' eb' chon̈b' Bet-semes, Ajalón, Gederot, Soco, Timna, yet' Guimzo yet' yaldeail jun jun. Xlajw cha, xcan cajn eb' filisteo chi 'a 'a.


Yuj cha, xin c'anb'n 'a 'a: ¿Jantc to wal tiempo 'oj wal-l jun tzo'n̈ tic Mamin? xin chi. 'Ix ta'w 'ayn 'ixtic: Masnto 'oj lajwc can 'ejm jun tzo'n̈ chon̈b' tic, yic man̈x 'a mach cajn 'ec' 'a 'a; yic man̈x 'a junc 'anma tzcan 'a yol yatut, yic 'oj can lum lum tic 'a sictaquil.


A a chon̈b' mac'b'il can 'ejm lan̈chjoc, cusltac yajcni, palta ax ticnec, man̈x 'oj yab' lum scajn eb' 'anma cha. A eb' 'ajc'ojl satjnacch 'el cha, najt xo x'atcn eb'.


Yujto ax tic, caw wal x'och e mul e miln cham eb' quit 'anma'il. Xlaj 'el schic'l eb' eyu'uj, cojxn maysch'olnil yet' 'es tzlaj eyala'.


'Ix yaln pax Jehová 'ixtic: 'Iltec wal scot eb' 'ajc'ojol, lajn wal scot eb' 'icha junc 'asun. A wal scaruaje eb', lajn sb'ey 'icha junc chacxuxm 'ic'. 'Ec'b'al sb'ey schej eb' 'a no salt'iw. Alc 'ixtic: ¡'Oltacn̈ec wal an̈ec tic, caw wal 'oj qui satc 'eli! xe chi.


yuj wal smaysch'olnilal eb' 'anma x'el sb'oni. 'Ix stzuntzj cot eb' yowl in c'ojol, yujto 'ix yac' 'ejm sb'a eb' 'a jun tzo'n̈ comn dios, 'ix ya'n eb' incienso xajmb'al-l 'a jun tzo'n̈ cha, atn jun tzo'n̈ comn dios 'aj may yaln eb' yico', an̈jtona ax tic, yet' eb' e mam eyicham, may xon eyaln eyic 'a jun tzo'n̈ cha.


A smul eb' 'anma cha, caw wal checl yaji; palta may tas tzna eb' toto 'ay tas wan sjaw 'a yib'n̈ eb'. Caw wal satjub'tac x'aj slajw 'el schon̈b' eb'; may xon mach x'a'n sniwnal sc'ojl eb'. Yuj cha, tzyaln eb' 'ixtic: Mamin Jehová, 'ilt on̈ cot yet' wal qui yailal on̈, a eb' 'ajc'ojl yajch 'ayn̈ on̈, caw wal xyac' eb' sgana on̈ satn 'el on̈, xchi eb'.


A jun tzo'n̈ eb' rico 'a scal eb' chon̈b' tic, caw 'elc'm eb', 'ixtm 'anma 'eb'. E masnil ex cajn 'a jun chon̈b' tic, caw 'a'm exn̈ej 'es.


A mach tzjoyn junc jul, mun a 'oj 'atcn 'a yojol; a junc tzecn 'at junc q'uen 'a yib'n̈ junc 'anma', an̈jtona', q'uen 'oj cot pax 'a yib'an̈.


Palta man̈xtzac yal junc paxti 'ixtic: Schecnb'il Jehová jun tic, man̈ xchioc. Toto tzyal jun paxti cha, mun a jun spaxti chi 'oj meltzjoc 'och 'a 'a. Yujto 'ix yixtj 'el eb' 'anma tic 'a tas 'ix wala, an ton tic Dios in, pitzn in, an Jehová in, tztac' wuj smasnil, e Diosal in paxi.


A e b'an̈quinal, a tzch'oxn 'el e maysch'olnilal. Ex 'aj Efraín, mun 'oj e telw 'ejm yuj e yajmulal cha. An̈jtona pax ex 'aj Judá, 'oj e telw 'ejm yet' pax eb'.


Swiv nou:

Piblisite


Piblisite