Is 3:24 - Chuj San Sebastian Bible

²⁴ Ax sjel 'oj 'ajxoc 'a eb', atn tic: A tas caw tu sjab', a chi 'oj 'och sjelc perjuma; a lasu, a chi 'oj 'och sjelc jal-l caw wach'; ax jolm caw wach' tz'aj squichxi, 'oj pucoc; a pichl caw tzlab'b'i, a te n̈achtac 'oj 'ochcn sjeloc; ax sat eb' wach' yilxi, 'oj juwc can yilxi, tz'ib'intac 'oj 'ajcni.

Chuj San Mateo Bible

²⁴ A sperfume eb' ix te vach' sjab', a tas te chuc sjab' ol och sq'uexuloc. Axo ch'an̈ lasu ol och sq'uexuloc stzec'ul eb' ix, axo xil sjolom eb' ix te vach' yaj d'a yalan̈taxo, ol el b'ulnajoc. A pichul ya sva'i, a ol yac'och eb' ix sq'uexuloc pichul te vach' yilji. A sat eb' ix te vach' yilji, jech'tac ol ajcanoc.

Is 3:24 Referans Kwoze

Ez 27:31

'Oj sjoxl eb' xil sjolm, ax ya'n 'och eb' spichl n̈achtac yuj cusc'ojlal, caw wal 'oj 'oc' eb' si'mb'il o'oj.

Lm 2:10

A eb' yichm wincal chon̈b' Sión, sictac xoj yaj eb', wocn 'ejm eb' 'a sat lu'um. Tzlaj sjopn q'ue eb' pococ 'a sjolom, tzya'n 'och eb' jun tzo'n̈ pichl n̈achtac sat. Ax eb' 'ix cob'stac 'ix 'aj Jerusalén, c'uxn tzlaj 'em quiln sat eb' 'ix 'a sat lu'um.

Miqueas 1:16

Joxc 'el xil e jolm yuj cusc'ojlal. Chact'irnac cab' tz'ajcn e jolm chi 'icha wal sjolm no xulem, atn yuj eb' eyunnal to caw wal 'ay e chamc'ojlal 'a 'a, yujto 'oj 'ijxoc 'at eb' 'icha presoal, xchi Dios.

Is 22:12

A 'a yic jun c'ul cha, a Jehová tztac' yuj smasnil, a ex 'awtn coti, yuj eyoq'ui, yuj e cusi, yuj e joxn 'el xil e jolom, yuj pax eya'n 'och e pichl to n̈achtac sat, yic tze ch'oxn 'el e cusc'ojlal yuj e tu'al, palta ma'ix yal e c'ojol.

Is 15:3

A spichl eb' n̈achtac sat 'oj laj ya'chi, ax laj yec' eb' 'a yol caye yet'oc. 'Oj q'ue eb' 'anma chi 'a span̈nil yib'n̈ yatut, ax laj yoc' eb'. 'Oj laj 'oc' eb' 'a plas, toxn̈ej 'oj si'si'nc eb' yoq'ui.

A Sb'ab'el Carta San Pedro 3:3

'Ay cab' e wach'il, palta man̈oc chajtl eyilx tzwala. Man̈ eya'ch e nab'en 'a chajtl tzeyutj e ch'umn e jolom. Man̈ eya'ch e nab'en 'a jun tzo'n̈ q'uen oro tzeya'chi, yet' 'a jun tzo'n̈ pichl chan̈ stojol, man̈oc yet' jun tzo'n̈ chi tze say wach'il.

Am 8:10

A e q'uin̈ tzlaj eya'chi, 'oj wac' meltzjoc 'och cusc'ojlal 'ayex. Ax e b'it tzlaj e b'itnoc, a 'oj 'ochcn 'oc'lal 'ayx yuj chamel. Axn̈ej pichl yic cusc'ojlal 'oj eya'chi, ax e joxn 'el xil e jolom, yuj e ch'oxn 'el e cusc'ojlal. 'Oj eyoc' 'icha junc mach tz'oc' yuj schamlil jun c'otc yunnal, caw man̈ wach'c 'oj 'aj slajw c'och smasnil.

Ester 2:12

Jun ab'il xyac'a, yic xb'o yilx eb' cob'stac chi smasnil. B'ab'el, waque 'ujl xyac' sucx 'och yalil te mirra 'a sniwnal eb' 'ix, ax waque xo 'ujal, sucx 'och perjuma yet' crema 'a eb' 'ix, atn jun tzc'an xon eb' 'ix 'ix. Ax yic xlajw sb'o 'el'ch yilx eb' 'ix, junjnal 'ix 'ijx 'at eb' 'ix wayc yet' win rey Asuero cha.

Lv 26:16

an̈jtona 'in, 'oj in na', tas 'oj ex wutoc. 'Oj wa' cot xiwc'ojlal 'a eyib'an̈. 'Oj cot owya yab'il 'a e cal. C'a'lyab'il, 'oj 'och 'a e sat. 'Oj e tz'onb' cha'an̈, ax yel yip e niwnal. 'Oj cob' e b'o e munljel, palta ax eb' 'ajc'ojl 'oj molnoc sat smasnil eyawb'en cha.

Apoc 18:9

Ax eb' niwc yajl 'a yolyib'n̈q'uinal, eb' xb'on 'ajmulal yet' jun tzalx 'ixl tic. Caw locn eb' yet' 'a sricoal. Palta ax yic 'oj yilnc eb' sq'ue stab'l stz'a'i, caw 'oj 'oc' eb'. 'Oj cul-loc eb' yoc' yu'uj.

Apoc 16:9

Caw xlaj tz'a eb' 'anma smasnil yuj yoc c'u. Palta an̈ja man̈ jac 'ix sna sb'a eb' jab'oc. Toxn ma'ix yal eb' chajtlto niwn yel'ch Dios. Ton̈j xb'uchwj eb' 'a 'a, yujto 'ay spoder ya'n jun tzo'n̈ yailal cha.

Apoc 11:3

'Oj wa'ch yopiso chawn̈ mach tz'a'n testigoal sb'a wu'uj, 1,260 c'u 'oj 'ec' yal-l eb' in paxti'. 'Oj ya'ch eb' jun pichl n̈achtac sat, sec chequel to cusc'ojlal yaj eb', yic tz'ec' eb', xchi.

Jl 1:8

'O'n̈ec 'icha junc 'ix cob's 'ix tz'oc' yuj schamlil win winc xyac' sti snupn yet' 'ix, tzya'n 'och 'ix spichl yic cusc'ojlal.

Ez 7:18

ax ya'n 'och eb' sn̈achtac pichl yuj scusc'ojlal cha. 'Oj 'ib'xoc chan̈ sniwnal eb' yuj xiwlal, 'oj schacb' 'el sat eb' yuj q'uixwelal, ax sjoxn 'el eb' xil sjolm smasnil.

Jeremías 48:37

Smasnil eb' winac, tox 'ix sjoxl eb' xil sjolom, tox 'ix sjoxl eb' xil sti'. C'uxn spol lajwc eb' sc'ab', cojxn̈ej jun tzo'n̈ pichl n̈achtac sat 'aych yuj eb'.

Jeremías 6:26

Ex wit chon̈ab', 'a'c 'och te pichl n̈achtac sat yuj e ch'oxn 'el e cusc'ojlal. 'E'n̈ec b'alb'noc 'a scal stan̈il c'ac', 'ochn̈ec 'a niwquil cusc'ojlal, 'o'n̈ec wal si'mb'il, 'icha yic tzcham junc eyunnal to jun c'otn̈ wali, yujto a jun mach 'oj qui satnec 'eli, caw jab'xoj sjaw 'ayn̈ec.

Jeremías 4:8

Yuj cha, 'ix wal 'a eb' wit chon̈b' 'ixtic: Ca'c 'och qui pichl n̈achtac sat, 'oc' coyec, c'acw coyc cab'n syail, yujto a yowl sc'ojl Jehová, mantzac sat 'ejm 'a qui calec, xin chi.

Is 57:9

Tzlaj eya'ch aceite 'ayex yet' yal su'q'ui sjab' yic tzex 'at eyal e b'a 'a jun yechl comn dios Mélec. Xlaj eya't eb' e checb' 'a najat yic tzsayn cot eb' jun tzo'n̈ xo e diosal, 'icha to x'emch eb' 'a scal eb' chamnac.

Pr 31:24

Tzb'o 'ix pichul yet' jalul, ax 'a eb' chon̈m nip, axta tzlaj schon̈ 'ix.

Pr 7:17

Tox xwa'ch perjuma 'a 'a, caw su'q'ui yec' sjab'. A te mirra, te áloe yet' te canela a xwa'ch 'a 'a.

Job 16:15

Caw wal tzin cus si'mb'il, xwa'n 'och jun tzo'n̈ in n̈achtac pichl yuj cusc'ojlal, ax smasnil tas 'ay 'ayin, c'uxn 'ix lajw 'ejmi.

Dt 32:24

'Oj cham eb' yuj wejel, ax sjaw c'a'l yab'il 'a yib'n̈ eb'. A junc yab'il caw ow 'oj satnc 'el eb'. Ax wa'n cot nan̈loc no chiwjum noc' 'a scal eb', atn no calte'al noc', yet' no chan caw 'ay svenenoal sti'.

Dt 28:22

An̈jtona', 'oj ya' cot jun tzo'n̈ yab'il 'a e cal. 'Ay yab'il to tzex b'ac'b'chan̈ yu'uj, 'ay c'a'l yab'il, 'ay pax yab'il tzmalchan̈ e niwnal yu'uj. A tas 'oj eyawoc, 'oj tacjoc yuj c'ac', man̈x 'oj yac' n̈ab'. 'Oj jawc syab'il e trigo masnto 'oj e lajw 'eli.

Jeremías 49:3

'Ochn̈ec 'a cusc'ojlal ex 'aj chon̈b' Hesbón, yujto a chon̈b' Hai, tox 'ix lajw 'ejmi. Ex 'ix 'aj chon̈b' Rabá, 'ochn̈ec wal 'a cusc'ojlal. 'A'c 'och e pichl n̈achtac sat, 'o'n̈ec. 'Oyb'xan̈c 'ec' 'a yol e chon̈b' yuj e somc'ojlal. Ma'c lajwc e niwnal, yujto a jun e diosal tzcuch Milcom, 'oj 'ijxoc 'at 'icha presoal, yet' eb' ya'mal 'och e ti 'a 'a, yet' pax eb' 'anma to niwc yel'ch yopiso.

Is 4:4

A yic 'oj sb'eyc'ojlanc Dios eb' schon̈ab', ax ya'n 'och yailal 'a yib'n̈ eb', ata 'oj sacb'tzoc eb' 'aj Jerusalén yuj smilm 'anma'il, ax sacb'tzax can pax eb' 'aj Sión yuj stu'al.

Is 15:2

Ax eb' 'anma 'aj Dibón, 'oj q'ue'choc eb' 'o'c 'a jun n̈a 'aj tzyam sb'a 'a lum jolm tzalan. Caw 'oj cus sc'ojl eb' 'aj Moab yuj tas 'oj 'aj satl chon̈b' Nebo yet' Medeba. Smasnil eb' winac, 'oj sjoxl eb' xil sjolom yet' xil sti yuj sch'oxn 'el eb' scusc'ojlal.