Is 3:14 - Chuj San Sebastian Bible

¹⁴ Ata 'oj sb'eyc'ojloc Jehová eb' yichm wincal chon̈ab' yet' eb' 'aych yajlil 'a scal eb', ax yaln 'a eb' 'ixtic: An Jehová in tztac' wuj smasnil, an tzwala: Ax am wal tic xe satl eb' in chon̈ab', 'icha 'awb'en uva, 'ixta yaj eb' 'ayin. Xeyelc'n tas 'ay 'a eb' meb'a', xlaj e c'ub'n 'el 'a yol eyatut.

Chuj San Mateo Bible

¹⁴ Ol ch'olb'itaj eb' yajal chon̈ab' yed' eb' ichamtac vinac yuj Jehová. Ol yalan d'a eb' icha tic: A ex tic, ix e satel vavb'en uva, aton in chon̈ab'. Ix eyelq'uej tas ay d'a eb' meb'a', ix e molb'an eyelc'al chi' d'a yol e pat.

Is 3:14 Referans Kwoze

Job 22:4

Man̈ yujoc a yiclumal mto yuj a wach'il tzach ya'n cuenta Dios yet' yailal,

Santiago 2:6

Palta ax xo, may yel'ch eb' meb'a 'a e sat. Palta ¿mach eb' tzon̈ 'ixtnec, tzon̈ yi'nec 'at eb' 'a yojltac eb' yajl tze na'a? Atn eb' rico.

Am 4:1

Ex 'ix to caw wal b'a'ch ex 'icha no wacx wach' yajx servil, ex to cajnex 'a lum stzalnil Samaria, 'ab'c wal jun tic. Caw tze yixtj eb' meb'a', yet' eb' 'oltac yilx 'ochi. Tzeyaln 'a eb' eyichmil 'ixtic: 'Ijec cot te 'an̈, to tzcu'jec te', xe chi 'a eb'.

Jeremías 5:27

Caw tzyac' b'ut'joc eb' yol yatut yet' tas tzyelq'uej, 'icha tz'aj sb'ut'j junc jaula yuj nan̈loc no ch'ic tz'ajx 'och 'a yojol. Yuj cha, caw tzq'ue'ch eb', rico xo tz'aj eb'.

Is 5:7

'Icha win cha, 'ixta wal yaj Jehová yet' eb' yin̈tl Israel, 'icha to yawb'ente yaj eb', yet' pax eb' 'aj Judá. A Dios tztac' yuj smasnil, 'ix cob' stan̈woc to wach' tzyutj sb'a eb' 'a sley, palta ax x'aji, a milj 'anma sb'o eb'. May jac tojlal tzb'o eb', til wal yel yaw 'anma yixtx yuj eb'.

Salmos 143:2

Man̈ in a b'eyc'ojloc an a checb' in tic, yujto may junc 'anma tojl 'a ojltac.

Salmos 14:4

Caw may snab'en eb' tzb'on maysch'olnil, atn eb' tzsatn 'el eb' wit chon̈ab'. 'Icha tz'aj junc tas tzc'uxxi, 'ixta tz'aj eb' yuj eb', matz yal pax sb'a eb' 'a Dios.

Job 24:9

A eb' maysch'olnil snab'en cha, tzlaj yi'cn 'ec' eb' stz'ulc 'unn eb' 'ix 'ix chamnc yichmil yuj smajnub'l junc tas tzmajnj eb'.

Mt 21:33

'A'c 'och e chicn 'a junx 'ab'x tic 'oj wal 'ayex. 'Ay jun winc 'ix 'awn jun tzo'n̈ uva 'a slu'um. 'Ix smacn scol-lal. Sb'on jun te'lab' 'el yal uva cha. 'Ix sb'on pax q'ue jun yet'l eb' tan̈m uva chan̈ x'aji. Xlajw cha, xya'n can win slum chi majnil yet' te uva chi 'a jun tzo'n̈ eb' munljum winac. 'Ix 'atcn win 'a junx lugar 'a najat.

Miqueas 6:10

A 'a yatut eb' maysch'olnil sb'eyb'al, til wal ricoal 'ayq'ui, ata tzyij eb' 'a spatc maysch'olnil, ¿tom 'oj 'at satc'ojlal jun tzo'n̈ tic wu'uj? 'Ixta pax jun tzo'n̈ 'echtab' man̈ tz'acnoc, caw yajb'il 'el wu'uj.

Miqueas 2:2

Toto tznib'j 'och eb' slum junc yit 'anma'il, tojln̈ej sto'n 'ec' eb', toto tznib'j 'och eb' junc n̈a, tojln̈ej yi'n 'ec' eb'. 'Ixta wal tz'aj yixtx eb' mamb'il yet' yunnal.

Job 34:23

A Dios matz yal 'a junc mach b'a'n̈ tzc'och sb'oyaj sb'a 'a yojltac.

Job 24:14

A junc ma'm cham 'anma', caw tzseb' q'ue wa'an, tz'at smilnc junc meb'a 'anma', ax yic tzq'uic'b' can pax 'ejmi, tzya'n 'och sb'a 'elc'mal.

Salmos 10:9

'Icha junc no león 'aych 'a yol sn̈aq'ue'en, tz'em lachan, tzb'in sb'a, tz'e'x lin̈n̈oc, 'ixta wal tzyutj eb' sc'ub'n 'el sb'a 'a yic tzmacn eb' yec' eb' 'emmquilal yeq'ui. Ax yic tzyamchj eb' yuj eb', tzyi'n 'at eb'. 'Ixta tz'aj syamchj eb' matz tac' scoln sb'a cha.

Pr 30:14

'Ay pax mach matz 'o'ch xon sc'ojl 'a eb' meb'a', caw tz'ixtx eb' yu'uj, tzyi'n can 'ec' tas 'ay 'a eb'.

Is 10:1

'Oltacx wal ex tzcob' e b'o jun tzo'n̈ ley man̈ tojloc, tzcob' eya'n alxoc 'eli, palta ton̈j tz'ixtx 'el 'anma eyu'uj.

Is 10:2

Matz e b'o yaj eb' meb'a 'anma', matz e chaj eyab' tas tzyal eb' tz'ixtxi. Caw wal tz'ixtx eb' wit chon̈b' tic eyu'uj, tzlaj eyelc'n tas 'ay 'a eb' 'ix 'ix chamnc yichmil yet' 'a eb' meb'a 'unin.

Is 11:4

'Oj sb'oyaj eb' meb'a 'a stojlal, 'oj colwjc yet' eb' 'anma 'emmquilal yeq'ui. Cojn ton̈j 'oj yala', ax yochcn syailal eb' tu tzlaj yutc sb'a. Cojn ton̈j 'oj yala', ax scham eb' tzb'on maysch'olnil.

Is 14:30

A eb' israel 'icha to smeb'ail xoj yajcni, caw 'oj wa eb' si'mb'il yet' yunnal. Ax eb' 'anma may tas 'ay 'a 'a, 'oj way eb' 'a tzaljc'ojlal. Palta ax xo ax filisteo ex tic, 'oj ya' cot Dios wejl 'a eyib'an̈, ax jaywn̈oc ex 'oj e cant cani, a wejl chi 'oj e milni.

Is 26:6

sec tzte'x can 'ejm eb' yuj eb' 'emmquilal yeq'ui, yet' yuj eb' meb'a', xchi jun b'it cha.

Is 29:19

A eb' 'emmquilal yeq'ui, 'oj tzaljoc chan̈ eb' 'a Jehová, ax eb' caw meb'a', 'oj tzaljoc chan̈ eb' 'a sDiosal Israel, atn jun Dios To Cojxni.

Is 30:12

Yuj cha, e Diosal in ax israel ex tic, To Cojxn in ton Dios in, an tzwal 'ayx 'ixtic: Ax tic, 'ix e patquilj can 'el jun tennb'ilal, axn̈ej pitalil yet' maysch'olnilal, a tzeya'ch yipc e c'ojol.

Is 58:4

A 'a yic cob' sc'ul eyoch 'a c'ajb'c'ojlal cha, xoj e ten e b'a, cojn owl tzlaj e c'an e b'o 'a jun c'u cha. Tzlaj e ma'nc e b'a yuj e tu nab'enal. A jun e c'ajb'c'ojlal 'icha jun cha, toxn may jac tas tzb'o yu'uj, matz c'och xon jun e lesl chi 'ayn 'a satcha'an̈.

Ez 18:12

Tzyixtj win eb' meb'a 'anma', tzyel'j win eb', matz yac' meltzj tas tzyactjcan junc mach yuj tas tzmajnj 'a winac, a 'a jun tzo'n̈ yechl comn dios 'aj tzya'ch snab'en, a tas yajb'entac a tzb'o'o.

Ez 20:35

'Oj ex wic' 'elt 'a jun tzo'n̈ chon̈b' cha, ax ex wi'n 'at 'a junc cusltac lu'um.

Ez 20:36

Ata q'uelc'mb'a 'oj waj eyet'oc yic tzex in b'eyc'ojlani. 'Icha wutjnac in b'eyc'ojlan eb' e mam eyichm 'a lum cusltac lum yic Egipto, 'ixta 'oj ex wutoc.

Miqueas 3:3

'Icha wal to tze pitzn chij 'ejm eb' quit chon̈ab', tze tz'uln 'el stz'umal eb', tze ma'n wecchjoc sb'acl eb'. Lajn tzeyutj eb' 'icha tz'aj no chib'j tztaj 'a yol junc chen.

Lv 25:14

Yuj cha, toto 'ay mach tzchon̈o mto tzman slum 'a junc xo mach, man̈ sna' to yicn̈ej yaj lum 'a jun 'ejmn̈ej.

Lv 25:17

Man̈ e comn to'c 'ec' junc tas 'a junc xo mach, palta to tze ch'oxli to 'ay cab' wel'ch 'a e sat, yujto an Jehová in, e Diosal waji.

Jeremías 12:10

Til wal eb' syajlil eb' 'ajc'ojl xwul satnc 'el in chon̈ab', 'icha to satl eb' te wawb'en uva 'awb'il wu'uj. Ste'wtan̈j eb' lum lum 'aj tzb'o in munljel. A lum lum caw wal nib'b'il wu'uj, caw wal cusltac x'ajcn lum yuj eb'.

Am 2:7

Caw tz'ixtx eb' meb'a yuj eb', man̈ wach'c tzyutj eb' sb'on yaj eb' tz'ixtx cha. Q'uixweltac in b'inax yuj eb', yujto a win mamb'il, yet' win 'unnab'il, junn̈j 'ix 'ix tzmuln ewin yet'oc.

Miqueas 2:1

'Oltac wal eb' waync cob'i', palta xoj smitz'tz'ec' snab'en eb' snani tas maysch'olnilal 'oj sb'o eb', ax yic tzsacb' 'eli, tzyamn 'och eb' sb'on tas tzna cha, yujto 'ayc' 'a yol sc'ab' eb' sb'oni.