Is 29:5 - Chuj San Sebastian Bible

^5-6 Ax 'oj 'ajoc, a Jehová tztac' yuj smasnil, wal 'a yajn̈ej ax sjaw yet' yowl sc'ojol yic tzya'n 'och yailal 'a yib'n̈ eb' 'ajc'ojl yajch 'a Jerusalén. 'Oj c'an̈ c'u, ax yec' niwc quixcab'. 'Oj jawc niwc chacxuxm'ic', niwc yaxn̈ab', yet' junc niwquil c'ac' 'et'jnac chamel. A eb' 'ajc'ojl cha, man̈x yalnb'ilc sb'isl eb'. Lajn xoj 'oj 'ajcn eb' 'icha pococ. Caw choc' 'oj 'ajcn eb' 'a'm owl cha. 'Oj 'ijxoc 'at eb' 'icha tz'aj yijx 'at solcal 'ixm trigo yuj 'ic'.

Chuj San Mateo Bible

^5-6 Axo ol ajoc, elan̈chamel ol yac'och yaelal Jehová d'a yib'an̈ masanil eb' ayoch ajc'olal d'a Jerusalén tic. Ol mac'vaj c'u, ol ec' quixcab', ol ec' nivac oval ic'n̈ab' ayxo smay sc'an̈i yed' nivac c'ac' satanel tastac. A eb' ajc'ol chi', man̈xo jantacoc sb'isul eb', palta lajan ol ajcan eb' icha lum pococ. A eb' tzex ixtani, ol ic'chajcanb'at eb' icha tz'aj yic'chajb'at smatz'il ixim trigo yuj ic'.

Is 29:5 Referans Kwoze

1 Ts 5:3

A 'a yic jun tiempoal cha, 'oj cob' yal eb' 'anma 'ixtic: An̈ec tic, caw wach' cajec, toc 'ay tas tzqui na'ec, 'oj schic cob' eb'. Palta yajn̈j wal cha, ax satx can 'ejm eb'. 'Icha tz'aj sjaw syailal junc 'ix tz'alj yune', 'ixta 'oj 'aj sjaw syailal eb' cha. Wal yel, may junc eb' 'oj colchjoc can 'el 'a jun syailal cha.

Is 37:36

Ax jun yángel Jehová, a xmiln cham 185 mil eb' soldado asirio 'a scamplamento, ax yic sacb'el 'a junx c'u cha, chamnc xo eb' soldado chi smasnil.

Is 30:13

Yujto ax 'ay e mul, yuj cha, lajn 'oj eyajcn 'icha junc muro pojl xo, wal 'a yajn̈ej ax swach' 'em lan̈njoc.

Is 31:8

'Oj 'ejmc Asiria yuj q'uen espada, palta man̈ 'anmac 'oj utnc 'ixta yet' sjelnal. A jun owl chi 'oj pechnc 'at eb' 'anma 'a jun chon̈b' chi 'eloc, ax eb' quelmtac, 'oj 'ochcn eb' mosoal.

Is 31:3

A eb' 'aj Egipto 'anman̈ej eb', man̈ diosoc eb', ax schej eb' caw chib'jn̈ej, man̈ espírituoc. A yic tzya'n 'och Jehová eyailal, yajn̈ej tzex 'em yet' eb' cob' tzex coln cha; junn̈j 'oj eyaj e cham yet' eb'.

Is 25:5

'Icha wal yowl sma'wj yoc c'u 'a lum tacn̈ lu'um, 'ixta tzotj e'n 'ejm sb'an̈jb'al eb' 'ajc'ojl yajch 'ayon̈. 'Icha wal tz'aj sicb' yoc c'u yuj yen̈l junc 'asun, 'ixta wal tz'aj yactn eb' may sniwnc'ojlal chi yel yaw.

Salmos 35:5

Pechx cab' 'at eb' yuj jun a sat ángel. Lajn cab' tz'aj eb' 'icha solcal 'ixm trigo tz'ijx 'at yuj 'ic'.

Salmos 1:4

Palta ax eb' tu sb'eyb'al, man̈ 'ichcta 'oj 'aj 'el'ch eb'. A eb' cha, lajn eb' 'icha solcal trigo, tz'ijx 'at yuj 'ic'.

Job 21:18

¿Tom comn xoj tzsactzic eb' 'icha tzyac' te 'ac tzma' chan̈ chacxuxm'ic'?

Is 13:11

Yuj cha, ax yaln Jehová 'ixtic: A ticnec, 'oj wa'ch yailal 'a yib'n̈ eb' 'anma 'a yolyib'n̈q'uinl tic yuj maysch'olnil tzlaj sb'o. 'Oj wac' sat 'ejm sb'an̈quinal eb' tzlaj yi' chan̈ sb'a, yet' eb' may yel'ch yit 'anmal 'a sat.

Is 25:3

Yuj cha, a eb' nacion̈ caw 'ay yip, 'ayx el'ch 'a sat eb' ticnec, ax eb' may sniwnc'ojlal, 'oj xiw eb' 'ayach.

Is 25:4

Yujto cojn 'aych 'aj tztac' scoln sb'a eb' meb'a', colwjum aj 'a eb' 'ay scusc'ojlal yuj tas 'ay sc'a'l tz'och yu'uj. A eb' 'anma may sniwnc'ojlal, lajn eb' 'icha yaxn̈ab' 'aych yic'al, lajn pax eb' 'icha yowl sma'wj yoc c'u. Palta ach tzon̈ a col 'a eb' on̈.

Is 29:20

A eb' may yel'ch yit 'anmal 'a sat, 'oj lajwc 'ejm eb'. Ax eb' ch'an tzyutj sb'a, man̈x 'a junc eb' 'oj can 'a pitznal. A eb' cojn maysch'olnil tzna'a, 'oj satl eb' smasnil,

Is 40:15

A 'a sat Jehová, a jun tzo'n̈ nacion̈ lajn eb' yet' jun t'ujoc a', lajn eb' yet' jac pococ 'a yol junc libra. A jun tzo'n̈ chon̈b' 'ay 'a snan̈l a mar, lajn eb' 'icha jun pilc q'uen arena.

Is 41:11

A smasnil eb' to matz ex nib'ni, caw 'oj cancn eb' 'a q'uixwc'ojlal, man̈x 'a yel'ch 'oj 'ajcn eb', a eb' tzyac' yip ya'n owl eyet'oc, 'oj satcn 'el eb'.

Is 41:15

'Oj ex wa'ch 'icha junc q'uen 'i'm 'el sat trigo to caw 'a'to, 'ay ye si'mb'il. 'Oj e mac' poj eb' lum witz, pococ 'oj eyutc can eb' lu'um, ax eb' lum tzalan, 'icha stzapil 'ixm trigo, 'ixta 'oj eyutc can eb' lu'um.

Is 41:16

Ax e tzicn can 'at 'a cal 'ic', ax 'ic' chi 'oj 'i'nc can 'ati, sactzicnac 'oj 'ajcn yuj chacxuxm'ic'. 'Ixta to b'i'an, ax eyi'n e tzaljc'ojlal 'a 'ayn an Jehová in, ax e b'an̈n e b'a wu'uj, To Cojxn in Ton Dios In.

Is 47:11

Palta a yic 'oj jawc tas man̈ wach'c 'a eb'an̈, man̈x 'oj stac' a coln a b'a yet' tas cuyb'il oj cha. 'Oj jawc cusc'ojlal 'a eb'an̈, palta ma'oj stac' a tenn 'och wa'an; a wal yic man̈ nanoc o'oj, ax sjaw tza'njoc yailal chi 'a eb'an̈.

Is 48:3

'A yictax pecti', waln can 'ayx yuj tas wan yuj tic; an xwac' eyojcoc 'eli. Wal 'a yajn̈ej xwa'n 'el'choc, tas waljnac cha.