Is 29:24 - Chuj San Sebastian Bible

²⁴ A eb' matz nachj 'el yu'uj, 'oj cuychjoc 'el jelnal yuj eb', ax eb' b'uchwjum, 'oj scha eb' yab' in cuynb'il, xchi Dios.

Chuj San Mateo Bible

²⁴ A eb' ayoch d'a somc'olal, ol sc'ayb'ej jelanil eb', a eb' b'uchumtac ol scha yab' c'ayb'ub'al eb', xchi Jehová.

Is 29:24 Referans Kwoze

A Ch'an̈ Carta D'a Eb' Hebreo 5:2

A eb' cha, lajn eb' 'icha eb' yit 'anma'il, yujto may pax ste'nal eb' yet' eb'. Yuj cha, tztac' niwn tzyutj eb' sc'ojl 'a eb' mantzac nachj 'el yu'uj, yet' eb' tz'em 'a spaltail.

Is 28:7

An̈jtona', 'ay jun tzo'n̈ xo eb' 'anma tztectn 'ec' yuj te 'an̈ cha, tzlaj sicb' 'el eb' yuj yowl te'; atn eb' ya'mal 'och sti eb' 'anma', yet' eb' tzyalch sb'a schecb'oc Dios. A yic 'u'm 'an̈ eb' cha, caw wal tzsomchj snab'en eb', yuj cha man̈xtzac tznachj 'el yuj eb' tas tzyal Dios, man̈ wach'c tzyutj eb' sb'on yaj eb' 'anma'.

1 Co 6:11

'Ayn̈ec 'ixta cutjnaquec qui b'a 'a yic yalan̈. Al ticnec, 'ic'b'ilx 'el qui mul 'ayn̈ec. 'Ac'b'iln̈ec xo yico'oc Dios. A tzalni, to wach'n̈ec 'a sat ticnec. 'Ixta tzon̈ 'ajc yuj Cajlil Jesucristo ticnec, yet' pax yuj Yespíritu qui Diosalec.

A Tas Sc'ulejnac Eb' Schecab' Jesús Hechos 6:7

A spaxti Cajlilec, caw 'ix wach' pucl 'a scal eb' 'anma'. Yuj cha, caw xwach' niwnb'i sb'isl eb' creyente 'a Jerusalén cha. Ax eb' ya'mal 'och sti eb' israel 'a Dios, caw niwn eb' xya'ch 'a sc'ojol.

A Tas Sc'ulejnac Eb' Schecab' Jesús Hechos 2:37

Yic xyab'n eb' israel chi jun tzo'n̈ tic, caw x'och pitz'n cusc'ojlal 'a spixn eb'. 'Ix sc'anb'n eb' 'ixtc 'a Pedro yet' 'a jun tzo'n̈ xo eb' schecb' Jesucristo: —Ex quit chon̈ab', ¿tas wal 'oj cutc qui b'a tze na ticnec on̈? xchi eb'.

Lc 7:47

Yuj cha, tzwal 'ayach, caw niwn schamc'ojlal jun 'ix tic, yujto caw niwn smul tz'ajx lajwoc. Palta a mach jab' wal smul tz'ajx lajwoc, jab' wal schamc'ojlal tzch'oxo, xchi 'a winac.

Zacarías 12:10

'Oj wac' jun espíritu yic wach' nab'enal 'a eb' yin̈tl David yet' 'a eb' cajn 'a Jerusalén, sec wach' 'oj leslwoc eb' 'ayin. Ax yic 'oj in yilnc eb' tecjnac in, 'oj 'oc' eb' 'icha yoc' junc mach tzcham jun c'otn̈ yunnal, mto yuj junc sb'ab'l 'unnal.

Is 60:16

Ax eb' nacion̈ cha, 'oj yac' eb' tas wach' 'oj e c'uxu'. 'Oj ex yac' servil eb' rey yet' tas wach' 'ay 'a 'a, 'icha tzyutj junc 'ix nunb'il ya'n chuw yune'. 'Ixta 'oj ex yutc eb' rey chi ex ya'n servil, ax eyojcan 'eli, to an Jehová in, e Diosal in to tztac' wuj smasnil, e Colmal pax waji.

Is 41:20

sec wach' tzyil smasnil 'anma', ax snachj 'el yuj eb', chajtlto an ton Jehová in, an 'ix 'in b'o jun tzo'n̈ tic yet' in poder. Cojxn In Ton e Diosal In, an 'ix wac' 'el'choc jun tzo'n̈ tic, xchi Dios.

Is 30:21

Toto 'oj eyel 'a e b'e, ax e 'atcn 'a stojlal e wach' c'ab' mto 'a e surito, 'oj eyab' yalx jun paxti 'a e patc 'ixtic; man̈ ex 'at ta', yaj b'e 'a tic, a 'a tic tzex 'ati, 'oj xchioc.

Is 32:4

A eb' matz cham wal snani tas tzyala, 'oj tojlb'oc snab'en eb'; ax eb' que'ec, 'oj tojlb'oc spaxtin eb'.

Is 54:13

'Oj in cuy eb' 'a swach'il, caw wach' oj 'aj 'el'ch eb'.

Jeremías 31:34

Man̈x yowlalc 'ayt junc mach 'oj alnc 'a junc xo yit chon̈b' 'ixtic: 'Ojquej 'el Jehová, man̈ xchioc. Yujto an Jehová in, an tzwala, to smasnil eb' 'oj in yojcoc 'eli, wach'xam 'unin, wach'xam 'ichm 'anma'. 'Oj wac' lajwc smul eb', man̈x 'a b'a'n̈ 'oj in na cot smul eb' cha, xchi Dios.