Is 29:10 - Chuj San Sebastian Bible

¹⁰ Yujto a Jehová, a 'ix a'n cot jun 'icha niwquil wayn̈ 'a eyib'an̈. Ax eb' schecb' Dios, a eb' tz'ilni tas tzjaw 'a eyib'an̈, palta 'ix smac Dios sat eb' schecb' cha, 'icha junc mach tzmacx sat yet' junc nip.

Chuj San Mateo Bible

¹⁰ Yujto a Jehová ix ac'ancot jun nivan vayan̈ d'a eyib'an̈. Axo eb' syaloch sb'a schecab'oc Dios tz'ilan tas sjavi d'a eyib'an̈ chi'. A Jehová ix macan spensar eb', icha tz'aj smacchaj sat junoc mach svay yed' junoc c'apac.

Is 29:10 Referans Kwoze

Ro 11:8

Yujto tzyal 'ixtc 'a Ch'an̈ U'un̈: A Dios 'ix wach' 'a'n pitb'oc 'el eb'. Yuj cha, wach'xam tzyil eb' spoder, palta matz nachj 'el yuj eb'. Wach'xam tzyab' eb' spaxti', palta an̈j 'ijnoc matz nachj 'el yuj eb'. An̈jtona', 'ixtan̈ej pax eb' ticnec, xchi 'a Ch'an̈.

Is 44:18

A wal jun tzo'n̈ 'anma 'ixta tzb'o cha, caw may snab'en eb'. Matz nachj 'el jac yuj eb', 'icha to matz uj yiln eb'.

Is 30:10

Tzyal eb' 'a eb' in checb' 'ixtic: Man̈ eyal yuj tas 'ix eyil 'a 'icha waychil, man̈ eyal paxti yic tojlal 'ayn̈ on̈. A paxti tzqui nib'ej, a tzeyal 'ayn̈ on̈.

A Ch'an̈ B'ab'el Libro Samuel 9:9

(A 'a pecti', toto 'ay junc eb' quit chon̈b' tznib'j sc'anb'c junc tas 'a Dios, 'ixtc tzyutj eb' yalni: Cotn̈ec, 'at quilc win tztac' yiln junc tas, xchi eb'. Ax ticnec schecb' Dios sb'i eb'. A 'a pecti cha, win Tztac' yiln junc tas, 'ixta sb'i jun chi yuj eb'.)

2 Co 4:4

A eb' cha, matz ya'ch xon eb' 'a sc'ojol. Yuj cha, a win sdiosal yolyib'n̈q'uinl tic, a win tzwach' 'a'n juwc 'el snab'en eb'. 'Icha to a win tz'a'n juwc 'el yol sat eb', sec matz tac' yiln eb' jun sacq'uinl tzcot 'a yab'xil Cristo. A Cristo caw niwn yel'chi, caw lajn yet' Dios.

Miqueas 3:6

'Icha to yajn̈ej 'oj 'ec' c'u 'a yib'n̈ eb', ax scancn eb' 'a scal q'uic'q'uinal. Man̈x 'a b'a'n̈ 'oj ch'oxxoc yil eb' jun tzo'n̈ tas 'a 'icha waychil, man̈x 'oj stac' yaln pax 'el eb' tas 'oj ujc b'aq'uin̈, xin chi, xchi Dios.

Ez 14:9

Toto 'ay junc mach tzcob' sc'anb'j sb'a 'a junc tzyalch sb'a in checb'oc, toto tzyac' jun checb' chi spac junc paxti chi 'a yol yico', a jun cha, an tzwac' 'ixtxoc paxti'. 'Oj wic' chan̈ in c'ab' 'a 'a, ax wa'n 'och syailal, 'oj wi'l 'a scal eb' in chon̈ab'.

Salmos 69:23

'Och cab' 'a sat eb' yuj 'a jun 'emn̈ej. 'Icha cab' junc winc tzquilx 'ejm n̈ojn yuj tas tzcuchu, 'ixta cab' tz'ajcn eb' 'a smasnil tiempo.

A Ch'an̈ B'ab'el Libro Samuel 26:12

'Ix yi'n David q'uen lanza yet' jun tzu a a 'ayc' 'a sjolmtac, 'ix 'atx eb'. May xon junc mach x'ilni, may xon junc mach x'ab'ni; may pax mach x'el swayan̈. Chamnc eb' sway smasnil, yujto a Jehová 'ix 'a'n cot jun niwquil wayn̈ 'a yib'n̈ eb'.

Miqueas 3:1

'Ix waln 'ixtic: Ex syajlil chon̈b' Israel, 'ab'c wal jun tzo'n̈ tic: ¿Tom man̈ smojc eyojcan 'el tas tojol?

Is 29:14

Yuj cha, a jun tzo'n̈ milagro satjub'tac yilxi, a chi 'oj in b'o 'a jun chon̈b' tic, 'oj sat sc'ojl eb' yilni. A sjelnal eb' jelan, yet' snab'en eb' 'ay snab'en, 'oj satcn 'eli, xchi Dios.

Is 43:27

A eb' e mam eyicham, a eb' b'ab'l 'ochnc smul, ax eb' scuymal eb', 'ix meltzj 'och eb' 'ajc'ojlal 'ayin.

Jeremías 4:9

A Jehová tzaln pax 'ixtic: A yic 'oj jawc jun c'u cha, a wal win rey yet' eb' yajl 'aych yet'oc, caw 'oj 'ib'xoc eb' yuj xiwlal. A eb' ya'mal 'och sti eb' 'anma 'ayin, toxn̈ej 'oj satcn sc'ojl eb', ax eb' in checab', caw 'oj xib'tc sb'a eb', xchi Dios.

Lm 4:14

Yuj cha, ax ticnec toxn̈ej tzmachlj eb' tz'ec' eb' 'a yol caye, lajn xoj yec' eb' 'icha eb' matz tac' xon yilni. Caw chi'ctac spichl eb', may xon mach tznib'n yamnc spichl eb' cha.

Miqueas 2:6

Tzyaln eb' 'anma 'ixtc 'ayin: Man̈ al 'ayn̈ yuj yailal 'oj jawoc, toc wal 'oj jawc jun q'uixwc'ojlal chi 'a quib'n̈ec.