Is 28:5 - Chuj San Sebastian Bible

⁵ A 'a yic jun c'ul cha, a Jehová tztac' yuj smasnil, 'icha junc corona caw wach' yilxi, 'ixta 'oj 'aj 'a jaywn̈ocx eb' schon̈b' 'oj can cha, 'icha wal tzyutj sb'an̈n sb'a junc mach yet' scorona, 'ixta 'oj 'aj 'a eb'.

Chuj San Mateo Bible

⁵ A d'a jun c'u chi', a Jehová Yajal d'a Smasanil, icha junoc corona te vach' yilji, icha chi' ol aj d'a eb' anima olto can d'a schon̈ab'. Icha stzalaj junoc mach yed' scorona, icha chi' ol aj stzalaj eb' yed' Jehová.

Is 28:5 Referans Kwoze

A Sb'ab'el Carta San Pedro 5:4

Toto 'ixta tzeyutj e b'a, ax yic 'oj jawc jun Quilmalec Niwn Yel'chi, 'oj e cha jun spac caw niwn swach'il. A jun cha, may b'a'n̈ 'oj lajwoc.

Is 62:3

Ax tic lajn ex 'icha junc corona caw wach' yilxi, 'ixta eyaj 'a yol sc'ab' Jehová qui Diosal.

Is 60:19

Ata', man̈x 'a tz'och yoc c'u eyuj 'a c'ual, man̈x 'a tz'och yoc 'uj eyuj 'a 'ac'wal, yujto an Jehová in, an 'oj wac' in sacq'uinlal 'ayx 'a jun 'ejmn̈ej; an e Diosal in tic, an 'oj ex wac' b'inaxoc.

Is 45:25

Cojn 'ayn an Jehová in, ata 'oj yic' eb' yin̈tl Israel tojlal, 'oj yac' eb' tzaljoc sc'ojl wu'uj, xchi Dios.

Is 41:16

Ax e tzicn can 'at 'a cal 'ic', ax 'ic' chi 'oj 'i'nc can 'ati, sactzicnac 'oj 'ajcn yuj chacxuxm'ic'. 'Ixta to b'i'an, ax eyi'n e tzaljc'ojlal 'a 'ayn an Jehová in, ax e b'an̈n e b'a wu'uj, To Cojxn in Ton Dios In.

Job 29:14

A tojlal yet' yiclumal, a chi wic yaji; 'icha to in pichl yajch 'a junjn c'u.

2 Co 4:17

A jun tzo'n̈ tas tzjaw 'a quib'n̈ on̈, may jac yel'ch 'a qui sat on̈, 'e'lb'an̈j yeq'ui. Palta yu'uj, 'oj qui cha jun caw niwn yel'ch on̈. A jun cha, man̈ jantcoc swach'il, 'ayc'n̈ej 'a jun 'ejmn̈ej.

Lc 2:32

A jun tic 'oj 'a'nc sacq'uinl 'a eb' man̈ israeloc, ax sb'inax chon̈b' Israel yu'uj, xchi Simeón cha.

Is 11:16

Yuj cha, a yic 'oj meltzjoc paxt eb' schon̈b' Jehová 'a Asiria, caw lewn sb'e eb' 'aj 'oj cotoc, 'icha 'aj b'eyn̈c eb' israel yic yelt eb' 'a Egipto.

Is 4:3

A jaywn̈ocx eb' 'aj Sión 'oj can 'a Jerusalén, 'ay yaln eb' yic scan cajn ta', 'oj alxoc yuj eb', to yicn̈ej Dios yaj eb'.

Is 24:16

Caw 'oj 'ab'xoc sb'itn eb' 'a 'aj tzlajw c'och sti lum lu'um, yuj yijx chan̈ sb'i Dios, jun caw tojl snab'en. Palta xwaln 'ixtic: 'Oltacn wali, caw wan in lajw 'el tzwab'i. A eb' tu snab'en cha, caw tu tas tzb'o eb'.

Ez 16:12

Xwa'n 'och jun q'uen 'icha colc'ab' 'a sn̈i', xwa'n 'och syumchiquin, xwa'n q'ue jun corona caw wach' yilx 'a sjolom.

Zacarías 12:5

A yic 'oj yilnc eb' syajlil Judá jun tic, ax yaln eb' 'ixtic: A Jehová tztac' yuj smasnil, sDiosal eb' 'aj Jerusalén quet'ec, a tz'a'n yip eb', 'oj schic eb'.