Is 28:1 - Chuj San Sebastian Bible

¹ 'Oltac wal Samaria, niwquil chon̈b' yaj 'a sat eb' 'u'm 'an̈ 'a yol yic Efraín, yelwnub'l jun niwn 'a'lic caw wach' yilx 'a Samaria cha. Ax ticnec, lajn xoj 'icha junc corona cob' nichtetac yilxi, palta tacn̈ xo, yujto a jun chon̈b'al eb' 'anma tic to cojn 'u'l 'an̈ tzc'an eb' yila'.

Chuj San Mateo Bible

¹ Ob'iltac chon̈ab' Samaria, nivan yelc'och d'a yol sat eb' uc'um an̈ d'a yol yic Efraín. Yelvanub' yaj d'a jun ac'lic yax sat. Lajan pax icha corona xumactac van stacji d'a sjolom eb' toxo ix te cham yuj an̈ an̈. A eb' cajan d'a Samaria chi', an̈ej uq'uel an̈ syac' eb'.

Is 28:1 Referans Kwoze

Os 7:5

A yic sc'ul schan win rey sq'uin̈, ax eb' yit yajlil winac, 'ix ya'n eb' 'u'wc 'an̈ win si'mb'il. Toxn̈ej tzcomn tzalj win yet' eb' tzb'uchwj 'a 'a.

Is 28:7

An̈jtona', 'ay jun tzo'n̈ xo eb' 'anma tztectn 'ec' yuj te 'an̈ cha, tzlaj sicb' 'el eb' yuj yowl te'; atn eb' ya'mal 'och sti eb' 'anma', yet' eb' tzyalch sb'a schecb'oc Dios. A yic 'u'm 'an̈ eb' cha, caw wal tzsomchj snab'en eb', yuj cha man̈xtzac tznachj 'el yuj eb' tas tzyal Dios, man̈ wach'c tzyutj eb' sb'on yaj eb' 'anma'.

Am 6:6

A 'a yol niwc vaso tzeyu'j yal uva jawnc sti', a wal perjuma caw chan̈ stojol a tze c'ana, palta matz ex 'och 'il jab'oc, toto wan yixtx 'el yol qui nacion̈ec tic.

Am 6:1

Ex syajlil Sión yet' ex syajlil Samaria, mayn̈j tas tze na'a yujto cojxn̈ej e nacion̈ 'ay yel'ch eyalni. Smasnil eb' eyit chon̈ab', tzlaj yic' 'ejm sb'a eb' 'ayex, palta caw 'oltac ex, yujto 'ay tas 'oj jawc 'a eyib'an̈.

Am 2:12

Palta ax tic, xeyac' pural yu'w 'an̈ eb' xya'ch sb'a nazareoal cha, xe tenn pax 'och wan eb' in checb' tzaln 'el in paxti'.

Am 2:8

A te pichl tzchaj eb' smajnnub'loc stumin, a 'a yib'n̈ te' ata tz'ec' c'otn eb' smuln 'a yojltac yet'l xajmb'al sdiosal eb'. Tzc'uxn eb' schib'l wal tz'ajx 'a jun tzo'n̈ comn dios cha. A yet' q'uen tumn tzchaj eb' multail, a chi tzyac' eb' manc yan̈, tzlajw cha, tz'u'w 'an̈ eb' 'a yol yatutal sdiosal cha.

Os 6:10

Caw wal yajb'entac yilx eb' 'aj Israel tzwila. Ax eb' 'aj Efraín caw xyixtj 'el sb'a eb' yuj 'ajmulal.

Os 5:5

A e b'an̈quinal, a tzch'oxn 'el e maysch'olnilal. Ex 'aj Efraín, mun 'oj e telw 'ejm yuj e yajmulal cha. An̈jtona pax ex 'aj Judá, 'oj e telw 'ejm yet' pax eb'.

Os 4:11

Yuj 'ajmulal yet' yuj 'u'l 'an̈, tzsat snab'en eb' 'anma'.

Is 9:9

Ax smasnil eb' yin̈tl Efraín cajn 'a Samaria, 'oj nachjoc 'el jun chi yuj eb', ax cob' yi'nc chan̈ sb'a eb', yuj sb'an̈quintacl eb', ax cob' yaln eb' 'ixtic:

Is 8:4

Yujto a yic mantzac yal win 'unn tic mamin, nunin, a yic cha, a chon̈b' Damasco yet' chon̈b' Samaria, 'oj wul 'ijxoc 'ec' smasnil sricoal eb' yuj win sreyl Asiria, xchi Dios.

Is 5:22

'Oltac wal eb' cob' jeln yu'n 'an̈, to caw 'ay snab'en eb' yalni. Yuj cha, tzlaj cob' ya'nc eb' scalc sb'a te 'an̈ cha.

Is 5:11

'Oltac wal eb' 'anma tzseb' q'ue wan 'a sq'uin̈b'ial yic tz'atx can eb' 'u'l 'an̈, ax tz'aji, tzq'uex can te 'a sjolm eb', ata tz'e'x 'ac'wl yuj eb'.

Pr 23:29

A eb' matz yactj can yu'w 'an̈, 'ayn̈j 'och eb' yab'lni tas yu'x te 'an̈ cha, caw tzyab' eb' syail, tz'el yaw eb', 'ay owl 'a scal eb', tzlajw eb' 'a nab'an̈ej, chacb' 'el yol sat eb'.

2 Cr 28:6

A eb' soldado win Peka, sreyl Israel, yunnal Remalías, junn̈j c'u smil cham eb' jun 120 mil soldado 'aj Judá, eb' caw tec'an, yujn̈ej to xyactjcan eb' Jehová, atn sDiosal eb' yet' smam yicham.

A Ch'an̈ Schab'il Libro Yic Yab'ixal Eb' Rey 15:29

A 'a yol stiempoal Peka win sreyl Israel, ata 'ix jaw win Tiglat-pileser sreyl Asiria yet' eb' soldado, xyac' eb' owl yet' eb' Israel. 'Ix yac' ganar eb' 'aj Asiria jun tzo'n̈ chon̈b' tic: Atn Ijón, Abel-bet-maacá, Janoa, Cedes, Hazor, Galaad, Galilea, yet' smasnil smacb'en Neftalí; 'ix 'ijx 'at eb' 'anma 'aj jun tzo'n̈ chon̈b' tic 'a chon̈b' Asiria.

Lv 26:19

'Oj wac' lajwc 'ejm e b'an̈quintaquil. Ma'oj wa' cot n̈ab' 'a satcha'an̈, man̈x 'oj yac' lum lum sb'a'al.

Os 5:9

An tzwal-l 'a scal smasnil eb' yin̈tl Israel, yuj tas yowlal 'oj jawc 'a yib'n̈ eb', atn eb' 'aj Efraín. 'Oj lajwc 'ejm eb' yuj yailal 'oj jawc 'a yib'n̈ eb' 'a jun c'ul cha.

Is 9:8

'Ix yac' Dios alxoc, to 'ay tas 'oj jawc 'a yib'n̈ eb' israel, atn eb' yin̈tl can Jacob.

Is 9:11

Ax Jehová, a 'oj 'i'nc cot eb' 'anma 'ajc'ojl yajch 'a win Rezín; ax yalni to tz'och eb' yac' owl 'a chon̈b' Israel.

Am 4:1

Ex 'ix to caw wal b'a'ch ex 'icha no wacx wach' yajx servil, ex to cajnex 'a lum stzalnil Samaria, 'ab'c wal jun tic. Caw tze yixtj eb' meb'a', yet' eb' 'oltac yilx 'ochi. Tzeyaln 'a eb' eyichmil 'ixtic: 'Ijec cot te 'an̈, to tzcu'jec te', xe chi 'a eb'.

Am 6:4

Man̈x jantcoc swach'l yilx 'aj tzex 'em wocn e wa'i. Niwn tas tzb'o e c'uxu' yic tze chin no cotc quelmtac calnelu, yet' no quelmtac wacx to caw wal b'aq'uech.

Am 6:8

A Jehová tztac' yuj smasnil, sloc sb'i yic xya'n sti', 'ix yaln 'ixtic: Caw wal tzin yaj sb'an̈quintacl eb' yin̈tl Jacob tic, matz chaj in c'ojl jun tzo'n̈ sniwc despacho eb'. Yuj cha, 'oj wa'ch jun chon̈b' tic 'a yol sc'ab' eb' 'ajc'ojol, yet' smasnil tas 'ay 'a 'a, xchi Dios.