Is 27:9 - Chuj San Sebastian Bible

⁹ Palta 'ixtc wal 'oj yutc Dios yi'n 'el smul eb' yin̈tl Jacob. Choc' 'oj yutc can eb' jun tzo'n̈ yet'l sdiosal eb', 'icha cab' tz'aj yulb'x 'ejm q'uen tan̈ 'a yic tzpolxi; 'ixta cab' tzyutj can eb'. Man̈x 'a junc te te sch'oxnb'il comn dios Asera tzcani, man̈xtzac yactj can pax eb' jun tzo'n̈ yet'l xajmb'al 'aj tz'a incienso yuj yijx chan̈ scomn diosal.

Chuj San Mateo Bible

⁹ Palta jun, ol ac'joc nivanc'olal smul eb' yin̈tilal Jacob chi', an̈ej tato choc' ol yutejcan masanil sq'ueenal yaltar scomon diosal eb', icha tz'aj spojb'at q'uen pulub' ayic spolji q'ueen, tato man̈xa pax junoc te te' yechel Asera ol canoc, ma altar yic incienso yuj yic'jichaan̈ scomon diosal eb'. Tato icha chi' ol sc'uloc eb', ol sucjoc sat smul eb'.

Is 27:9 Referans Kwoze

Ro 11:27

'Ixtc 'oj wutc wa'n in trato yet' eb', yic 'oj wa'n lajwc smul eb', xchi Dios.

Is 48:10

An ex in sacb'tzej, palta man̈ 'ichaoc tz'aj sacb'tzax q'uen plata 'a scal c'ac', ton̈j ex wac' prowal yet' yailal.

Dn 11:35

An̈jtona', 'oj milxoc cham jaywn̈oc eb' jeln scuywj chi 'a scal eb' et chon̈b' cha, yic wach' 'oj 'ajxoc prowal jun tzo'n̈ xo eb' 'oj canoc. Ax yijx 'el eb' chab'sat yaj 'a scal eb', ax stojlb'tzax snab'en eb', masnto 'oj c'och jun slajb' c'ual, 'icha tas nab'il yuj Dios.

Is 17:8

Man̈x 'oj 'at yil eb' jun tzo'n̈ yet'l xajmb'al b'ob'il yu'uj, atn jun tzo'n̈ tzya'ch eb' yipc sc'ojol. Man̈x 'a yel'ch jun tzo'n̈ te te sch'oxnb'il sdiosal eb' tzcuch Asera, yet' jun tzo'n̈ yet'l xajmb'al eb' 'aj tzn̈us incienso.

A Ch'an̈ Carta D'a Eb' Hebreo 12:6

Yujto a eb' chamc'ojlbil yuj Cajlil, caw tzyac' cuenta eb'. A eb' tzyij 'och yunnaloc, caw tzyac' syailal eb', xchi 'a Ch'an̈.

1 Co 11:32

A yic tzon̈ b'eyc'ojlax yuj Cajlilec cha, a tz'a'n yailal 'a quib'n̈ec, sec wach' man̈x 'oj qui 'atcn 'a junx niwn yailal yet' eb' yic yolyib'n̈q'uinl tic.

Zacarías 13:2

An Jehová in, an tzwala, to a 'a smasnil yol smacb'en jun nacion̈ tic, c'uxn 'oj wac' lajwc smasnil jun tzo'n̈ yechl tzalx 'och diosal, sec wach' man̈x 'oj naxc cot sb'i eb'. Ax wi'n pax 'el smasnil eb' tzcob' yalch sb'a in checb'oc, yet' smasnil eb' 'aych snab'en 'a ewin demonio.

Os 14:8

Ex 'aj Efraín, toc 'ay jac yopiso jun tzo'n̈ e comn diosal cha. An 'oj in ta'w 'ayex, ax ex in tan̈wni paxi. 'Icha jun c'uyc te te pim xi'il, 'ixta waj 'ayex. Wu'uj tzex niwtj pax cha'an̈, xchi Dios.

Ez 20:38

'Oj wic' 'elt eb' maysch'olnil snab'en 'a e cal, yet' eb' x'och 'ajc'ojlal 'ayin, 'oj wic' 'elt eb' 'a e cal 'a lum chuc chon̈b'al 'aj 'ayx 'ec' cha; palta man̈x 'oj 'och eb' 'a lum slum eb' yit israelal cha. Ax in eyojcan 'eli, to an Jehová in, cojn in ton Dios in.

Ez 11:18

'Oj e meltzj paxt 'a e chon̈b' tic jun 'ejm xo, ax eyi'n 'el smasnil jun tzo'n̈ yechl comn dios yajb'entac yilx 'a e cal.

Is 4:4

A yic 'oj sb'eyc'ojlanc Dios eb' schon̈ab', ax ya'n 'och yailal 'a yib'n̈ eb', ata 'oj sacb'tzoc eb' 'aj Jerusalén yuj smilm 'anma'il, ax sacb'tzax can pax eb' 'aj Sión yuj stu'al.

Is 1:29

'Ixta to b'i'an ax eyecn q'uixwc e b'a, yujto xlaj eyal e b'a 'a yechl jun tzo'n̈ comn dios, xeyi'n 'ejm e b'a 'a eb' te niwc mach' 'ay 'a calte'.

Pr 20:30

A mach maysch'olnil sb'eyb'al, a yailal a tz'a'n jawc snab'en. Yuj tas tzyab' syal cha, tzyactn sb'on tas tu'.

Salmos 119:71

'Ay swach'il yic in 'och 'a in yailal, yujto ata xin cuy a checnb'il.

Salmos 119:67

A yic mantzac 'och in yailal, til wal tas maysch'olnil xlaj in b'o', palta ax ticnec, a 'a paxti tzin yiclej.

2 Cr 36:19

'Ix sn̈usn eb' yatut Dios, sma'n can lan̈chjoc eb' smuroal Jerusalén, sn̈usn eb' smasnil despacho, sma'n can juwc eb' smasnil tas to chan̈ stojol.

2 Cr 34:4

Caw q'ueln 'ochi, 'ix ya'n ma'xoc poj jun tzo'n̈ yet'l xajmb'al yic Baal. An̈jtona', 'ix ya'n ma'xoc poj jun tzo'n̈ yet'l xajmb'al 'aj tz'a incienso to 'ay q'ue 'a cha'an̈. Xya'n pax ma'x poj jun tzo'n̈ sch'oxnb'il Aserá cha, jun tzo'n̈ yechl to tzeyb'il b'o'oc, yet' pax jun tzo'n̈ yechl to tenb'il b'o'oc. Pococ x'aji, 'ix ya'n tzicxoc 'at spoccal chi 'a yib'n̈ 'aj mucn eb' xyac' xajmb'al 'a 'a.

2 Cr 14:5

An̈jtona', 'ix yi'n pax 'el smacsej eb' 'anma 'a jolmctac witz, yet' pax jun tzo'n̈ yechl 'a jun tzo'n̈ chon̈b' 'a yol yic Judá. Caw 'ay junc'ojlal 'a yol stiempoal win Asa yic xya'n reyal.

A Ch'an̈ Schab'il Libro Yic Yab'ixal Eb' Rey 25:9

'Ix ya'n n̈usxoc can yatut Dios yet' sdespacho win rey yet' smasnil yatut eb' 'aj Jerusalén, yet' pax smasnil yatut eb' niwc winac.

Ex 34:13

A jun tze b'o'o, to 'oj e ma'cn poj yet'l xajmb'al eb', yet' jun tzo'n̈ q'uen 'aj tzlaj leslwi eb', yet' pax jun te sch'oxnb'il comn dios tzcuch Asherá.

Lv 26:30

'Oj laj in mac' poj jun tzo'n̈ yet'l e diosal 'aj tzeyal e b'a, ax in ma'n poj yet'l 'aj tz'a incienso. 'Oj in molb'tzoc 'och b'uln e niwnal chamnc chi 'a yib'n̈ jun tzo'n̈ e diosal may spixn cha. 'Ixta wal 'oj wutc in ch'oxn 'eli, to man̈xtzac ex in nib'j wila'.

Dt 12:3

Ma'c poj yet'l xajmb'al eb', tze juln poj q'uen q'uen 'aj tzlaj yal sb'a eb', tze n̈usntz'a te te tzb'o eb' sdiosalc cha. Tze satl smasnil, sec man̈x 'a 'aj 'oj b'inaxc eb' 'a jun tzo'n̈ lugar cha.

A Ch'an̈ Schab'il Libro Yic Yab'ixal Eb' Rey 10:26

'ix yi'n 'elt eb' jun tzo'n̈ yechel, 'ix sn̈usntz'a eb'.

Ez 6:4

'Oj in ma'cn poj jun tzo'n̈ yet'l e xajmb'al 'aj tze n̈us incienso. 'Oj in ma' poj jun tzo'n̈ yechl 'aj tzeyal e b'a, ax ex wa'n cham 'a yojltac jun tzo'n̈ yechl e diosal cha.

A Ch'an̈ Schab'il Libro Yic Yab'ixal Eb' Rey 23:14

An̈jtona', 'ix ya'n win ma'xoc poj jun tzo'n̈ q'uen q'uen to niwn yel'chi, yet' jun sch'oxnb'il Asera cha. Xlajw cha, 'ix ya'n win julxoc can 'at sb'acl eb' chamnc 'anma 'a 'aj 'ayc' eb' cha.

Is 30:22

'Oj e patquilc can 'el jun tzo'n̈ yechel, man̈x wach'c 'oj 'aj eb' 'a e sat, yet' jun tzo'n̈ e comn diosal b'ob'il eyu'uj, atn jun tzo'n̈ b'ob'il yet' q'uen plata yet' q'uen oro, ax e juln can 'eli, 'icha xoj c'alem 'oj 'ajcn eb' 'a e sat.

Is 40:2

Wach' tzeyutj paxtinc e b'a 'a eb' 'aj Jerusalén, tzeyaln 'a eb' chajtlto man̈x b'a'n̈ 'oj 'och eb' mosoal, tox 'ix stuplajwc eb' stenmtaquil yet' smaysch'olnilal, tox 'ix schaj eb' syailal 'a 'ayn an Jehová in, xchi Dios.

Miqueas 5:11

'Oj in ma'cn lan̈chjoc jun tzo'n̈ e chon̈b' 'ay smuroal yet' pax e cuartel, 'oj lajwc 'ejm 'a jun 'ejmn̈ej.