Is 26:20 - Chuj San Sebastian Bible

²⁰ Ex wit chon̈ab', 'ochn̈ec 'a yol eyatut, tze macn can 'elt e puerta 'a e patic, c'ub'jec 'el e b'a jab'oc, masnto tz'e'cn yowl sc'ojl Jehová.

Chuj San Mateo Bible

²⁰ Ex vetchon̈ab', ochan̈ec d'a yol e pat, tze macan e pat chi' ayic tzex och chi'. C'ub'ejequel e b'a b'ela, masanto ol ec'b'at yoval sc'ol Jehová,

Is 26:20 Referans Kwoze

Salmos 30:5

Yujto jun wal rato tzcot yowal, palta ax swach'c'ojlal, 'ayc'n̈ej 'a smasnil tiempo. Wach'xam tzon̈ 'o'c 'a 'ac'wal, ax 'a yic tzsa'cb' pax 'eli, tzjapx qui tzaljc'ojlalec jun 'ejm xo.

Salmos 27:5

Yujto a yic 'oj jawc yailal 'a wib'an̈, a 'oj in c'ub'n 'el 'a yatut. 'Icha to 'oj in yac' q'ue 'a sjolm junc niwquil tenam, yic tzin colchji.

Mt 6:6

Ax xo tic, a yic tzex leslwi, tze macch e b'a 'a yol eyatut. Tzlajw cha, c'ultac tzex leslwi 'a qui Mam Dios. Wach'xam c'ultac tzex leslwi 'a 'a, 'oj yab'i', ax ya'n spac 'ayex.

Salmos 91:4

'Oj on̈ sc'ub'c 'el yet' spoder, sec may tas 'oj qui'nec. 'Icha junc no caxtiln̈ tzmoy yune', 'ixta 'oj on̈ yutquec yet' spoder. 'Oj on̈ scolc 'el 'icha yaj yaln cani, 'icha tzyac' junc q'uen tzmacn sat jul-lab'.

Pr 18:10

A 'a Jehová, ata tzcol sb'a eb' 'anma tojl snab'en, lajn yaj 'a eb' 'icha junc cuartel caw wach' yaji.

Salmos 17:8

'Icha wal tzyutj junc mach sya'iln sc'ul yol sat, 'ixta tzin otej. C'ub'j in 'el yet' a poder, 'icha tzyutj no caxtiln̈ smoyn yune'.

2 Co 4:17

A jun tzo'n̈ tas tzjaw 'a quib'n̈ on̈, may jac yel'ch 'a qui sat on̈, 'e'lb'an̈j yeq'ui. Palta yu'uj, 'oj qui cha jun caw niwn yel'ch on̈. A jun cha, man̈ jantcoc swach'il, 'ayc'n̈ej 'a jun 'ejmn̈ej.

Is 10:25

Yujto jaye xoj wal c'u, ax yoch wan yowl in c'ojl 'a eyib'an̈, ax 'a yib'n̈ eb' 'aj Asiria 'oj jawc can paxi sec tzsatl eb', xchi Dios.

Salmos 32:7

A 'aych tzin col in b'a, ach tzin a tan̈wj 'a yol sc'ab' tas 'ay smay, 'oj 'el waw ach in b'itnan yuj in colnb'il 'ix ac'a.

Is 51:4

Ex in chon̈ab', macljec eyab' tas 'oj wala': To a 'in cuynb'il 'oj wac' sb'eylb'oc jun tzo'n̈ xo chon̈ab', 'icha wal sacq'uinl 'oj 'aj 'a scal eb'.

Salmos 91:1

A eb' tzcol sb'a 'a yaln̈ spoder Jehová, atn jun caw niwn yel'chi, tztac' yuj smasnil,

Salmos 31:20

Colcn 'el eb' wach' 'a ojltac 'a stu nab'en eb' maysch'olnil, yujto a 'a atut, ata tza molcn eb' 'a stu paxti eb' 'ajc'ojl cha.

Ez 11:16

Yuj cha, al 'a eb' 'ijxnac cot 'icha presoal cha to an tzwal 'ixtic: Wach'xam najt ex in pechcn 'at 'a jun tzo'n̈ nacion̈, sactzicnac ex 'ajcn 'a yolyib'n̈q'uinl tic wu'uj, palta an 'ayn ec' eyet' 'aj 'ayx ec' cha yic tzeyaln e b'a 'ayin.

Is 51:16

An xin jen̈b't satcha'an̈, xin b'on pax lum lu'um. An pax xwac' eyal-l in paxti'. Tzex in coln pax yet' yipl in c'ab', yuj cha, xwaln 'ixtc 'a yib'n̈ Sión: A jun chon̈b'al eb' 'anma tic, caw yel wic eb', xin chi, xchi Dios.

Salmos 143:9

Coln 'a yol sc'ab' eb' 'ajc'ojl yajch 'ayin, yujto cojn 'aych wach' in c'ub'n 'el in b'a.

Salmos 57:1

Ach in Diosal, 'o'ch cab' a c'ojl 'ayin. A 'aych tzin col in b'a masnto tz'ec' jun yailal tic 'a wib'an̈. Tzin nib'j tzin col in b'a 'aych 'icha tzyutj scoln sb'a no yune caxtiln̈ 'a yaln̈ sc'axl snun.

Gn 7:1

Ax yic xc'och sc'ual, 'ix yaln Jehová 'a win Noé 'ixtic: 'Ij 'och 'ix estzil 'a yol te barco cha, tze'n 'och eb' onnal yet' pax eb' 'ix alib', yujto cojxn ach yiclum ach 'ayn 'a scal smasnil 'anma 'a jun tiempoal tic.

Jeremías 31:14

A eb' ya'mal 'och sti eb' 'anma 'ayin, a wal tas caw wach', a chi 'oj wac' sc'ux eb', ax eb' in chon̈ab', 'oj yac' eb' tzaljoc sc'ojl yet' smasnil tas 'oj wac' 'a 'a, xchi Dios.

Gn 7:16

Jun no smam jun no snun, 'ixta 'ix 'aj yoch junjn c'aj e no', 'icha 'ix yutj yaln Jehová 'a Noé. Xlajw cha, caw a Jehová 'ix macn can smac te barco cha.

Mt 23:37

Ax wal tic ex 'aj Jerusalén, caw ton̈j tzlaj e jul cham eb' schecb' Dios yet' q'uen que'en, atn eb' tzchecx cot 'ayx yu'uj. Til xo wal 'ejm tzex wawtj cot 'ayin, 'icha junc caxtiln̈ tzyawtj cot yune', tzmoyni, palta toxn matz yal e c'ojol.

Jeremías 7:23

A tas 'ix wal pax 'a eb', to yiclum cab' eb' 'ayin, to 'ixta', an ton sDiosal in eb', ax eb' tz'ochcn in chon̈b'oc. 'Ix walni to tzyiclj eb' tas 'ix wal 'a eb' sec wach' tz'aj 'el'ch eb'.

Job 14:13

Comnoc wal tzin a c'ub'j 'el yet' chaml muc'uc, sec tz'ec' yowl a c'ojl tic 'a wib'an̈, ax a nani b'a'n̈ tzin a na paxta.

Pr 22:3

A mach 'ay snab'en, tzyil tas 'ay smay, yajn̈ej tzcoln sb'a 'a 'a; ax junc may snab'en, ton̈j tzwach' 'at 'a yojltac, masnto tz'ejm yuj yailal.

Is 10:5

'Ix yal Dios 'ixtic: A win sreyl Asiria, a win tzin c'anlb'ej yet' yowl in c'ojol, 'icha to in c'occh yaji, a tzwac' 'a'nc 'och eyailal.

Is 13:5

Atn eb' xlaj cot 'a jun tzo'n̈ nacion̈ 'a najat, 'a 'aj tzlajw c'och sti lum lum tic. 'Icha to syamc'ab' Jehová yaj eb' yuj 'a owal, sec a eb' tzsatn 'el smasnil tas 'ay 'a sat lum lum tic yuj yowl sc'ojol.

Is 34:2

Yujto a Jehová caw 'ay cot yowl 'a jun tzo'n̈ xo nacion̈, yet' 'a smasnil eb' soldado. Tox 'ix snalb'ej satn 'el eb', ax scham eb' smasnil.

Is 66:14

A yic 'oj eyilnc jun cha, caw 'oj e tzalj cha'an̈. 'Oj 'ochx eyip jun 'ejm xo. Caw tz'unnan yilx e niwnal 'icha tzyac' te 'unn c'ultac. Yujto 'oj sch'ox Jehová spoder 'a scal eb' schecab', ax yowl sc'ojol, ata 'oj ya'cn 'at 'a scal eb' 'ajc'ojl yajch 'a 'a.

Dn 11:36

A jun rey 'ay 'a norte cha, 'oj sb'o 'icha wal tas tznib'j sc'ojol. Caw 'oj sb'an̈ sb'a, ax yalni chajtlto caw niwn yel'ch 'a yib'n̈ jun tzo'n̈ tzalx 'och diosal. 'Intax 'oj b'uchwjoc 'a jun Dios to caw yel. 'Oj sb'o smasnil tas tznib'j sc'ojol, masnto 'oj ya' cot Dios yowl sc'ojl 'a yib'an̈, yujto a smasnil tas nab'il yuj Dios, yowlal 'oj 'el'choc.

Sofonías 2:3

'A'c 'och e b'a 'a yol sc'ab' Jehová e masnil, ax 'emmquilal tzeyutj e b'a eyiclni tojlal 'a yolyib'n̈q'uinl tic. B'oc stojlal, yet' pax 'emmquilal, sec toq'ue 'oj e colchj 'a yic 'oj jawc jun c'u yic 'oj ya'nc Jehová yowl sc'ojol.

Salmos 57:2

Ach in Diosal caw niwn el'chi, 'oj wal in b'a 'ayach, colwjan̈ wet' 'a smasnil tas.

Salmos 94:13

sec may tas tzna eb' yic tzjaw stiempoal cusc'ojlal, ya' sb'a tza b'o lum jul 'aj tz'atcn eb' tzb'on maysch'olnil.