Is 24:22 - Chuj San Sebastian Bible

²² 'Oj molb'tzaxc eb', ax yajx can 'ejm eb' 'a yol junc xab' olan, 'icha to tz'atcn eb' preso. Niwn tiempo 'oj macxoc 'ejm eb' ta', 'oj lajwc cha, ax yajx 'och syailal eb' b'i'an.

Chuj San Mateo Bible

²² Ol molb'aj eb' icha smolb'aj junoc n̈ilan̈ eb' presovum d'a yol junoc olan. Ol macchaj eb' junoc tiempoal. Ol lajvoc chi' ol ac'jococh syaelal eb'.

Is 24:22 Referans Kwoze

Zacarías 9:11

Ex 'aj Jerusalén, yuj wal schic'l jun xajmb'al, yuj cha, wach' yaj in trato eyet'oc, 'oj ex wic' q'uet 'a yojl jun oln caw xab' yich 'aj may a a', 'aj preso eyaji.

Is 42:22

Yuj e tenmtaquil 'ix 'el'x 'at tas 'ay 'ayex, ex 'ijx 'at 'icha presoal e masnil, ex 'ajx 'ejm 'a yol lu'um. Caw ex lajw 'eli. Man̈x 'a mach ex coln 'eli. Ex 'el'x 'ati, man̈x 'a mach ex 'i'n 'ec' 'a eb' 'elc'm cha, xchi Dios.

Ez 38:8

A yic niwn xo tiempo tox x'eq'ui, ax a nan cha'an̈ to 'oj ac' owl yet' chon̈b' Israel, atn jun chon̈b' niwn tiempo cannc can 'a sictacl yuj owal. Palta a 'a jun tiempoal cha, meltzjnacx eb' 'anma sactzicnac yajcn 'at 'a scal jun tzo'n̈ xo nacion̈, cajn xo 'ec' eb' 'a slum chi 'a junc'ojlal.

Is 24:17

A wal eb' cajn 'a sat lum lum tic, caw lajn 'oj 'aj eb' 'icha no noc' pechb'il yuj eb' pechm noc', 'ay smay tz'atcn no 'a yol junc xab', mto tzcan 'a junc ch'an̈ ya'al.

Is 10:4

Toto ma'oj eyamchj 'at 'icha presoal, 'oj e milx cham yet' eb' chamnc xo cha. Palta man̈ yujoc cha, 'oj 'ec' yowl sc'ojl Dios, 'ipn ya'n 'och eyailal.

Is 2:19

A yic 'oj ya'n Jehová 'ib'xoc yolyib'n̈q'uinl tic, 'oj laj xiw chan̈ eb' 'anma', ax laj sc'ub'n 'el sb'a eb' 'a yol n̈aq'ue'en, 'a yojl eb' lum xab'. Ata 'oj sc'ub'c 'el sb'a eb', yujto caw 'ay smay yilx Jehová yet' stzictznial.

Apoc 20:2

'Ix c'och 'a win dragón yic tzyamn coti. A win dragón cha, atn jun ya'jnac 'och sb'a chanl 'a pecti', atn win diablo, win Satanás. Ax jun ángel chi 'ix jaln winac. Jun mil ab'il 'oj jalx can win yu'uj.

Zacarías 9:12

Ax 'icha preso eyaji, to an 'ayn xo 'och yipc e c'ojol, meltzjan̈c 'a 'aj wach' 'oj eyaji. Tzwal 'ayx ticnec, an 'oj wac' yaxilal 'a eyib'an̈. 'Ec'b'al 'oj wutc in pactzan 'ayx 'a yib'n̈ 'icha xeyab' syail.