Is 23:9 - Chuj San Sebastian Bible

⁹ A Jehová tztac' yuj smasnil, a 'ix nani, yic tz'ijx 'ejm smasnil eb' tzb'an̈ sb'a, eb' jeln tzyutj sb'a 'a sat lum tic.

Chuj San Mateo Bible

⁹ A Jehová Yajal d'a Smasanil ix naani, yuj yic'jiem masanil eb' syic'chaan̈ sb'a yed' eb' jelan d'a sat lum tic.

Is 23:9 Referans Kwoze

Santiago 4:6

Yuj cha, yel xo niwn swach'c'ojlal tzyac' 'ayn̈ec. A Ch'an̈ U'un̈ tzaln pax 'ixtic: A Dios tzchac sb'a yet' eb' b'an̈quintac yeq'ui. Palta ax 'a eb' 'emmquilal yeq'ui, tzyac' swach'c'ojlal 'a eb', xchi.

Is 13:11

Yuj cha, ax yaln Jehová 'ixtic: A ticnec, 'oj wa'ch yailal 'a yib'n̈ eb' 'anma 'a yolyib'n̈q'uinl tic yuj maysch'olnil tzlaj sb'o. 'Oj wac' sat 'ejm sb'an̈quinal eb' tzlaj yi' chan̈ sb'a, yet' eb' may yel'ch yit 'anmal 'a sat.

Is 2:11

A 'a jun c'u cha, 'oj 'ijxoc can 'ejm eb' tzb'an̈ sb'a, yet' cob' eb' tzyij chan̈ sb'a. Cojxn Jehová 'oj 'ijxc chan̈ sb'i 'a jun c'u cha.

Dn 4:37

A ticnec jun, an Nabucodonosor in tic, tzwij chan̈ sb'i jun sReyl satcha'an̈, tzwaln pax wach' paxti 'a 'a. Yujto caw wach'n̈j tas tzb'o'o, caw tojln̈ej smasnil, a tz'i'n 'ejm eb' cob' tzyij chan̈ sb'a 'a yol yico', xchi win rey cha.

Ef 3:11

Yictax mantzac sb'o Dios yolyib'n̈q'uinl tic, snajnac cani tas tzon̈ yutjec. Yuj Cajlil Jesucristo 'ix 'el'ch jun snajnac can cha.

Ef 1:11

Yictax pecti', sic'b'iln̈ec xon 'el yuj Dios, yic 'oj qui chac quic 'oj yac' 'ayn̈ junjn on̈, yujto junxn̈ej cajc yet' Cristo. 'Oj 'el'choc jun tic 'icha tznib'j Dios, yujto a tzb'on smasnil tas 'icha tznib'ej.

A Tas Sc'ulejnac Eb' Schecab' Jesús Hechos 4:28

C'uxn 'ix sb'o eb' jantcn̈ej tas alb'il can oj pecti'. Yujto 'elnc xon 'a a c'ojol, to 'ixta tzb'o eb'.

Malaquías 4:1

A Jehová tztac' yuj smasnil, a tzaln 'ixtic: Wan sjaw jun c'u yic 'oj wa'nc yowl in c'ojol, yic 'oj wa'nc satxoc 'el smasnil eb' b'uchwjum, yet' eb' tzb'on maysch'olnil, man̈x 'a junc eb' 'oj canoc. 'Icha wal tz'aj stz'a 'ejm te 'ac 'a yol junc jorna, 'ixta wal 'oj 'aj eb'.

Jeremías 51:62

Xlajw cha, tzaln 'ixtic: Mamin Jehová, ach 'ix ala to 'oj a mac' lan̈chjoc jun chon̈b' tic, man̈x 'a 'anma 'oj jawc cajn 'a 'a, man̈x 'a pax junc no noc' 'oj 'ec' 'a 'a, palta to 'oj cancn 'a cusltacl 'a jun 'ejmn̈ej o'oj, xa chi.

Is 14:27

Toto tox sna Jehová jun tzo'n̈ tic, ¿mach wal junc 'oj stac' stenn 'eq'ui? Toto wach'x yaj yu'uj, ¿mach wal junc 'oj stac' sjelni?

Is 14:24

A Jehová tztac' yuj smasnil, a 'ix aln pax 'ixtic: A smasnil tas tox xin na'a to 'oj in b'o', yowlal 'oj wac' 'el'choc.

Is 10:33

'Iltec nab'an, a Jehová tztac' yuj smasnil, 'oj satl eb' 'ajc'ojl cha. 'Oj satl eb' 'icha tzyac' te niwc te tzch'acx 'eli, caw 'ay smay sc'an̈ yemi. 'Icha eb' te caw niwc ste'il, caw tzc'an̈ yem eb' te 'a sat lu'um.

Is 9:15

(A jun jolm cha, tzyal 'el'chi, atn eb' yichm wincal chon̈ab' yet' eb' yajl yaj 'a scal eb'. Ax jun sn̈e cha, atn eb' tzcob' yalch sb'a schecb'oc Dios, palta yes eb'.)

Is 5:13

Yujto may snab'en eb' wit chon̈b' tic, yuj cha, 'oj 'ijxoc 'at eb' 'icha presoal 'a jun tzo'n̈ xo nacion̈. A smasnil 'anma', yet' eb' yajl yaj 'a scal eb', 'oj cham eb' yuj wejel yet' yuj tacn̈ti'al.

Is 2:17

A eb' b'an̈quintac yet' eb' tzyij chan̈ sb'a, 'oj lajwc 'ejm eb' smasnil. A sb'an̈quinal eb' cha, 'oj 'ijxoc can 'ejmi. Cojxn Jehová 'oj 'ijxc chan̈ sb'i 'a jun c'u cha,

Salmos 107:40

A 'a Dios may yel'ch eb' 'ajc'ojl niwc winc tzyutj sb'a, a tz'a'n satc' eb' 'a lum cusltac lu'um. Matz 'ilchj xon sb'e eb' 'aj tz'ati.

Job 12:21

A eb' caw 'ay yel'ch 'a sat 'anma', a tz'a'n patquilx can 'el eb'; ax eb' caw wal 'ay yip, a tz'i'n 'el yip eb' cha.

Is 14:26

A jun tic, 'ayx 'ec' 'a in nab'en tas 'oj wutc yolyib'n̈q'uinl tic, tox xin na'a to 'oj in satl smasnil nacion̈ yet' in poder, xchi Dios.

Is 23:10

Ex 'aj Tarsis, tox 'ix lajw can 'ejm jun puerto 'aj tzex xit'c chon̈wjoc, ax ticnec munljan̈c 'a sat e lu'um, 'icha wal tzyutj sb'a eb' 'aj Egipto.

Is 32:13

Yujto cojxn̈ej te q'ui'ix yet' te c'ultc 'oj pa' chan̈ 'a yol qui chon̈b'ec, yet' 'a yoltc n̈a 'aj tzlaj 'och q'uin̈ yic tzaljc'ojlal.

Jeremías 13:9

'Ixtc wal 'oj wutc in satn 'el sb'inab'ilal eb' 'aj Judá yet' eb' 'aj Jerusalén.

Abdías 1:2

Caw man̈x 'a yel'ch 'oj ex wutc can 'a scal jun tzo'n̈ xo nacion̈, 'oj e patquilx can 'eli.

Ex 8:4

'Oj laj 'ec' no 'a eb'an̈, 'a yib'n̈ eb' 'aych yajlil et'oc, yet' 'a yib'n̈ smasnil 'anma', xchi Jehová, xa chi 'a 'a, xchi Dios.

Is 2:12

A Jehová tztac' yuj smasnil, 'oj jawc jun c'u to nab'il xo yu'uj, yic tzya'n cot yowl sc'ojl 'a yib'n̈ eb' b'an̈quintac, eb' tenmtac, eb' cob' tzyij chan̈ sb'a;